HEADLINES

Dapat makaboto ang lahat ng eligible na Pilipino sa darating na 2022 Elections.

Ito ang pinatitiyak ni House Speaker Lord Allan Velasco sa Commission on Elections (COMELEC).

Ayon kay Velasco, mahalagang bahagi ng demokratikong proseso ay ang karapatang bumoto sa halaan kaya dapat tiyakin ng COMELEC na lahat ng karapat dapat botante ay makapagparehistro at magamit ang kanilang karapatan sa pagboto.

Sinabi pa ni Velasco na ang pagpapalawig sa voter’s registration ay makatutulong sa mga kabataan na hindi pa nakakapagparehistro at bumoboto sa mga nakalipas na taon.

Base sa datos ng Philippine Statistics Authority (PSA), nasa 73-M ang kwalipikadong makiisa sa may 2022 Polls.

Maaga pa para sabihin na gumaganda na ang sitwasyon sa National Capital Region (NCR).

Ito ay ayon kay Health Undersecretary Maria Rosario Vergeire, kailangan pa aniya ng mas mahabang oras upang ma-assess ang sitwasyon sa Metro Manila.

Dagdag ni Vergeire, isang linggo pa lamang ang naturang implementasyon kaya kailangan pa ng maraming panahon para malaman kung ang pagbaba ng mga kaso ay epekto na ng ipinatupad na alert system sa NCR.

Samantala, nuong nakaraang araw ay iniimbestigahan na ang mga COVID-19 testing sa Metro Manila dahil ito ay bahagyang bumababa.

Aniya, hindi rin dapat ito ginagamit sa trabaho at at iba pang aktibidad dahil posibleng magkaroon ng in-accurate results.

Umaasa ang Commission on Elections (COMELEC) na posibleng umabot sa 200,000 ang madaragdag sakaling palawigin ang voter’s registration sa bansa.

Ayon kay COMELEC Spokesman James Jimenez, lumagpas ng 1-M ang kanilang target na bagong registrants sa 4-M kung saan nasa 5-M na.

Maliban dito, sinabi ni Jimenez na pag-aaralan pa nila kung palalawigin pa ang pagpaparehistro sa mga piling lugar ay kinakailangan magsagawa ng system wide solution.

Samantala, nakatakda namang magpulong ang COMELEC sa susunod na linggo para pag-usapan ang panawagang extension.

Posibleng ibaba sa mas maluwag na quarantine classification ang National Capital Region (NCR) matapos ilagay ito sa alert level 4.

Sinabi ni Metropolitan Manila Development Authority (MMDA) Chairman Benhur Abalos, na kung gaganda pa ang sitwasyon sa Metro Manila sa ikalawang linggo ng implentasyon ng alert level 4 na magtatapos ng Setyembre 30 ay posibleng ibaba ito.

Binanggit din ni Abalos ang datos na mula sa OCTA Research Group kung saan ang reproduction rate raw mula sa dating 1.90 noong Agosto 8, ngayon namang nakalipas na Setyembre 22 ay bumaba pa ito sa 1.03.

Paliwanag pa ng MMDA Chief na posibleng ibaba pa sa alert level 3 ang Metro Manila.

Sakaling mangyari aniya ito ay papayagan na sa 30% ang kapasidad ng mga establisyemento.

Aniya, sa kasalukuyan bukas na ang ilang negosyo tulad na lamang ng mga restaurants na nasa 10% habang 30% naman ang al fresoco dine in.

Nangunguna ang lungsod ng Quezon City, Manila, at Pasig sa mga lugar na may pinakamaraming kaso ng COVID-19 sa bansa.

Ito ay batay sa inilabas na datos ng OCTA Research at ng Department of Health (DOH).

Sa ibinahagi ni OCTA Fellow Guido David, ang Quezon City ay nakapagtala ng 1,074 bagong covid-19 cases na sinundan ng Maynila na may 449 kaso; Pasig, 436; Davao City, 433, at Caloocan City na may 331.

Sa kasalukuyan, ang reproduction number ng COVID-19 ng Pilipinas ay nasa 1.03 na dating 1.20 nuong nakaraang linggo.

Marami pa rin ang mga botanteng pumipila sa mga malls para makapagparehistro.

Ilan sa mga aplikante ay naghintay sa linya simula alas 7 ng umaga at natapos ng kanilang rehistro pasado ala 1 ng hapon.

Sinabi ni Pasay Election Officer Ronald Santiago na alas 9 pa lamang ay nagtakda na sila ng cut off dahil mayroon lamang silang dalawang machine para sa proseso ng pagpaparehistro.

Sa mga hindi naman umabot sa cut-off ay binigyan na lamang ng form para makapagproseso sa ibang mall.

Sa kasalukuyan, marami  pa talaga ang naghahangad na makapaparehistro para magamit ang kanilang karapatan sa pagboto, yung nga lang sa nakikitang sitwasyon sa mga lugar ng registration parang napipigilan sila dahil nga sa pandemya.

Samantala, pinag-aaralan pa ng Commission on Elections (COMELEC) ang posibilidad na palawigin pa ang voter registration ng isang linggo.

Nagpositibo sa red tide ang tatlong lugar sa Visayas at Mindanao.

Base sa inilabas na bulletin ng Bureau of Fisheries and Aquatic Resources (BFAR), lahat ng klase ng shellfish at alamang sa mga sumusunod na lugar ay hindi ligtas kainin:

- coastal waters ng Dauis, at Tagbilaran City sa Bohol

- Lianga Bay sa Surigao Del Sur

-  Dumanquillas Bay sa Zamboanga Del Sur

Samantala, ligtas naman kainin ang mga isda, pusit, hipon at alimasag basta huhugasan nang mabuti at lulutuin bago kainin.

Pormal nang nanumpa bilang bagong miyembro ng Aksyon Demokratiko sina Mayor Isko Moreno at Doc Willie Ong.

Pinangunahan ni Moreno ang naturang Oath Taking Ceremony.

Una nang inanunsiyo ng alkalde ng Maynila na ang kanilang tambalan ni ong para sa 2022 Elections.

Dumalo rin sa panunumpa ang maybahay ni Ong na si Dr. Liza Ong, kasama si Aksyon Demokratiko Chairman Ernest Ramel.