HEADLINES

Hindi nagdulot ng superspreader event ang pagbabalik sa limitadong kapasidad ng mga religious gathering sa bansa.

Ito ay ayon kay Catholic Bishop’s Conference of the Philippines o CPCP public affairs committee executives secretary Fr. Jerome Secillano, wala pang natatanggap na ulat na naging superspreader event ang muling pagsasagawa ng misa.

Nabatid na isang aktibidad ang isinagawa noong Enero sa Quiapo kung saan hindi naman ito nagdulot ng hawaan ng virus.

Magugunitang, sa ilalim ng alert level system, nasa sampung porsiyento lamang na venue o seating capacity ang pinapayagan at tanging fully vaccinated lamang ang maaaring makapasok sa loob ng simbahan.

Kailangan magpatupad ng batas na magbibigay proteksiyon sa mga manggagawang nasa  maliliit na negosyo.

Sinabi ni Department of Labor and Employment assistant secretary Dominique Tutay, karamihan sa mga nawalan ng trabaho ngayong panahon ng pandemya ay mas pinili na lamang magtayo ng sariling online business.

Aniya, dapat masiguro ang proteksiyon para sa mga manggagawa lalo na’t walang batas para sa digital platform workers.

Samantala, base sa datos ng Philippine Statistics Authority o PSA, nasa mahigit 3.8 milyong Pilipino ang walang trabaho noong Agosto kumpara sa naitala noong Hulyo na nasa 3.7 milyon lamang.

Tiniyak ng PNP Criminal Investigation and Detection Group (CIDG) na pag-iibayuhin nila ang kampanya laban sa mga pinaghahanap ng batas upang matiyak na magiging ligtas ang ating komunidad.

Ito’y makaraang maaresto ng CIDG ang apat na indibidwal kabilang ang dalawang most wanted persons sa magkakahiwalay na operasyon.

Ilan sa mga ito ayon kay CIDG Director P/BGen Albert Ferro sina Ken Hamsi Asutillo, no. 6 most wanted person ng Police Regional Office (PRO) 4A na naaresto sa General Trias City, Cavite dahil sa dalawang kaso ng rape.

Sa Mahaplag, Leyte, nalambat si Wennie Villaremo Oghayon, no. 1 most wanted person ng probinsya dahil sa two counts ng rape at two counts ng paglabag sa RA 7610 o Special Protection of Children Against Abuse, Exploitation and Discrimination Act.

Habang naaresto sina Emzar Rodriguez at Marlo Gersalia Gutlay, kapwa nahaharap sa paglabag sa Anti-Hazing Law matapos ang operasyon sa Sta Rosa, Laguna at Taguig City.—ulat mula kay Jaymark Dagala (Patrol 9

Nanawagan ang Philippine National Police o PNP sa lahat na iwasan ang mala fiestang paghahain ng Certificates of Candidacy o COC ngayong unang araw ng paghahain ng kandidatura para sa pambansang posisyon.

Ayon kay PNP Chief P/Gen. Guillermo Eleazar, makabubuti kung pagsasabihan ng mga pulitiko ang kanilang mga tagasuporta na iwasan ang pagpunta sa lugar ng filing of COC para maiwasan ang super spreader event.

Bantay sarado ang PNP sa paligid ng tent ng Hotel Sofitel sa Pasay City kung saan idaraos ang filing ng Certificate of Candidacy para sa mga nagnanais tumakbo sa pagka-Pangulo, Bise Presidente, Senador at mga Partylist Representative.

Binilinan ng PNP Chief ang mga nakakalat na pulis na mahigpit na ipatupad ang minimum health and safety protocols kontra COVID-19.

Simula ngayong araw ang paghahain ng kandidatura at tatagal ito hanggang sa Biyernes ng susunod na linggo, Oktubre 8.—ulat mula kay Jaymark Dagala (Patrol 9

Asahan na ang mahigpit na pagpapatupad ng seguridad ngayong araw na siyang pagsisimula ng paghahain ng kandidatura para sa Boses ni Juan o Halalan 2022.

Ayon kay PNP Chief P/Gen. Guillermo Eleazar, maliban sa augmentation units, nakatutok din ang intellegence units ng iba’t ibang law enforcement agencies para bantayan ang anumang banta.

Kabilang sa mga ito ang pananambang sa mga pulitiko, bomb threat, sunog, pagdagsa ng mga tagasuporta ng mga pulitiko at iba pa.

Katuwang ng PNP ang puwersa mula sa Armed Forces of the Philippines o AFP, Bureau of Fire Protection o BFP, Commission on Elections o COMELEC, concerned local government units at disaster personnel.

Nakatutok na rin ang PNP sa mga lugar na may mataas na antas ng karahasan dahil sa away pulitika ngayong malapit na ang halalan..—ulat mula kay Jaymark Dagala (Patrol 9

Kumikilos na ang Special Action Force o SAF ng PNP para paghandaan ang posibleng pagpapakalat ng mga tauhan sa mga tinatawag na election “areas of concern”.

Ito’y ayon kay PNP Chief P/Gen. Guillermo Eleazar ay ang mga lugar na may mataas na antas ng away pulitika at naitatalang karahasan sa tuwing panahon ng halalan.

Kasunod nito, inatasan ni Eleazar si SAF Director P/BGen. Felipe Natividad at ang lahat ng Regional Directors na maglatag ng target hardening measures sa kanilang mga areas of concern.

Pinababantayan na rin ni Eleazar ang mga local Chief of Police ang mga financial district sa posibleng pag-atake ng mga Private Armed Group para lumikom ng pondo na siya namang gagamiting pondo ng mga tiwaling Pulitiko.

Sinabi pa ni Eleazar na ang mahigpit na pagpapatupad nila ng seguridad ngayong panahon ng halalan ay mula sa paghahain ng kandidatura ngayong araw hanggang sa maideklara na ang mga nanalo sa gagawing halalan sa Mayo ng susunod na taon.—ulat mula kay Jaymark Dagala (Patrol 9

Inihayag ni Foreign Affairs Secretary Teodoro Locsin Jr. na magpapadala ang Estados Unidos ng karagdagang 5.3 milyong doses ng Pfizer COVID-19 vaccine sa Pilipinas.

Aniya, kinumpirma ito si kanya ni  Philippine Ambassador to US Jose Manuel Romualdez.

Umaabot na sa 9 milyong doses ng COVID vaccine ang naibigay sa Pilipinas bilang bahagi ng commitment ni US President Joe Biden na tulungan na mabakunahan ang 70 percent ng global population sa 2022.

Sa ngayon umaabot na sa P1.9 bilyon ang naibigay na tulong ng US government para sa COVID response ng bansa.—sa panulat ni Hya Ludivico