HEADLINES

Inihayag ni Foreign Affairs Secretary Teodoro Locsin Jr. na magpapadala ang Estados Unidos ng karagdagang 5.3 milyong doses ng Pfizer COVID-19 vaccine sa Pilipinas.

Aniya, kinumpirma ito si kanya ni  Philippine Ambassador to US Jose Manuel Romualdez.

Umaabot na sa 9 milyong doses ng COVID vaccine ang naibigay sa Pilipinas bilang bahagi ng commitment ni US President Joe Biden na tulungan na mabakunahan ang 70 percent ng global population sa 2022.

Sa ngayon umaabot na sa P1.9 bilyon ang naibigay na tulong ng US government para sa COVID response ng bansa.—sa panulat ni Hya Ludivico

Ilang mga kilalang personalidad ang nag-anunsyo ng kanilang intensyon na kumandidato sa lokal na posisyon sa 2022 elections.

Kabilang na dito si dating PBA Player Robert Dodot Jaworski na maghahain ng kanyang kandidatura bilang Vice Mayor ng Pasig City sa ilalim ng partido ni Mayor Vico Sotto.

Lalaban namang Alkalde ng Cainta, Rizal ang PBA Legend na si Alvin Patrimonio.

Ang aktor na si EJ Falcon ay sasabak bilang Vice Governor ng Oriental Mindoro habang ang aktres na si Claudine Barreto naman ay tatakbong konsehal ng Olongapo City.

Tatakbong konsehal ng first district ng Quezon City ang tv reporter na si Doland Castro at sasabak naman bilang congressman ng ikalawang distrito si Ralph Tulfo, anak ng broadcaster na si Raffy Tulfo.

Pormal na ring inanunsyo ng dating reporter at Laguna 3rd District Rep. na si Sol Aragones na tatakbo siyang gobernador ng Laguna.—sa panulat ni Hya Ludivico

Umabot na sa full capacity ang Bicol Medical Center dahil sa dami ng COVID-19 patients.

Ayon kay Dr. Mary Jane Uy, Chief of Medical Professional Staff ng ospital, mayroong mahigit 140 na mga pasyente sa kanilang COVID facility at mahigit 30 naman na nananatili sa kanilang isolation facility.

Ang ina-admit aniya sa naturang ospital ay mga moderate at critical cases habang ang mild cases naman ay kanilang inire-refer sa mga primary facilities.

Sinabi pa ni uy na maging ang ICU ay puno na rin at maging ang COVID-19 emergency room.

Batay sa pinakahuling datos, pumalo na sa 37,182 ang kabuuang kaso ng Covid-19 sa Bicol Region.—sa panulat ni Hya Ludivico

Nanawagan ang lokal na pamahalaan ng Lubang, Occidental Mindoro na maisailalim sa mass testing ang 7,000 nitong residente.

Ayon kay Lubang Mayor Michael Lim Orayani, nagiging seryoso na ang sitwasyon ng COVID-19 sa kanilang lugar.

Aniya, pinag-aaralan na ng kanilang medical personnels ang dahilan ng mabilis na paglobo ng mga kaso ng virus

Maliban sa mass testing ay humihiling din ng dagdag na bakuna ang lokal na pamahalaan.

Sa ngayon ay nasa ilalim ng Enhanced Community Quarantine ang bayan ng Lubang.—sa panulat ni Hya Ludivico

Nalagasan ng 83,000 ang bilang ng mga nagtratrabaho sa sektor ng human health and social work activities nitong Agosto 2021.

Sa datos ng PSA, nasa 574,000 na lamang ang nagtratrabaho sa naturang sektor hanggang nitong Agosto samantalang nasa 657,000 sila noong Hulyo.

Ayon kay PSA Undersecretary Dennis Mapa, sa human health and social work activities napapaloob ang mga healthcare worker sa mga ospital at laboratoryo ngunit hindi nakahimay sa datos ng psa kung ilang mga nars at doktor ang umalis sa trabaho.

Hindi naman ikinagulat ng Filipino United Nurses ang pagbibitiw ng maraming healthcare workers dahil sa maliit na sweldo, kakulangan ng benepisyo at bigat ng trabaho.—sa panulat ni Hya Ludivico

Nababahala ang lokal na pamahalaan ng Baguio City sa patuloy na pagtaas ng kaso ng COVID-19 na hinihinalang dahil sa delta variant.

Ayon kay Baguio Mayor Benjamin Magalong, mataas ang naitatalang kaso ng COVID-19 sa mga nakalipas na araw kung saan may average na 270 hanggang 280.

Batay aniya sa kanilang projection ay posibleng umabot pa ito sa 300 COVID-19 case kada araw.

Bukod dito, nasa walo ang average na namamatay sa naturang sakit nitong nakaraang linggo.

Sa ngayon ay nasa General Community Quarantine with heightened restrictions ang Baguio City.—sa panulat ni Hya Ludivico

Inatasan na ni Pangulong Rodrigo Duterte ang AFP at PNP na huwag arestuhin ang sinumang hindi tatalima sa mga subpoena ng Senado na nag-i-imbestiga maanomalya umanong pagbili ng gobyerno ng pandemic supplies.

Sa kanyang talk to the people, inihayag ni Pangulong Duterte na pagbabawalan na rin niya ang mga cabinet member na dumalo sa hearing na pinangungunahan ng Senate Blue Ribbon Committee.

Do not ever attempt to arrest anybody kasi ikaw ang arestuhin ko ngayon you will order  the police and the military. Ako naman as a Commander in Chief of all uniformed personnel I am ordering the police and the military and everybody to stay out of this trouble wag kayo sumali, wag kayo sumunod kasi may crisis na tayo,” wika ng Pangulong Duterte.

Masyado na anyang binabastos ng Chairman ng kumite na si Senador Richard Gordon ang mga dumadalo sa pagdinig kaya’t dapat lamang na hindi ito siputin.

Nagbanta rin ang punong ehekutibo na sisiklab ang constitutional crisis kung magpupumilit si gordon na ipaaresto ang mga hindi sisipot sa hearing.

There will be a time, I just pray that you will have to intervene, pero ‘wag muna ngayon…Ako kasi grave abuse of discretion, amounting to lack of jurisdiction, sinobrahan mo e’ kapag sinobrahan mo, away na tayo kasi sinobrahan mo, pahayag ng Pangulong Rodrigo Duterte.—sa panulat ni Drew Nacino

Bumungad sa mga consumer at mga negosyante ang bigtime price hike sa Liquefied Petroleum Gas o LPG, ngayong unang araw ng Oktubre.

Sa unang bugso ng price increase epektibo 12:01 kaninang hatinggabi, dagdag P4  ang ipinatupad ng Phoenix sa kada kilo ng LPG habang P2.25 sa auto LPG;

Kahalintulad ito ng price increase ng petron maliban sa auto LPG na P2.24 habang kaninang ala saisnagpatupad din ang solane ng dagdag P4  sa LPG.

Sa ikalawang sigwada naman ng price increase simula Oktubre 8, dagdag P3.36  ang ipatutupad ng Phoenix at Solane sa LPG at P1.90 sa auto LPG;

Aarangkad rin sa nasabing petsa ang dagdag P3.40 sa LPG at P1.90 sa auto-LPG ng Petron.

Ito na ang mga pinaka-malaking dagdag sa presyo ng LPG, sa nakalipas na limang taon.—sa panulat ni Drew Nacino