HEADLINES

Umabot na sa 6,162,122 ang mga nagparehistro para sa 2022 elections.

Batay ito sa talaan ng COMELEC na inilabas ni commissioner rowena guanzon mula 2019 hanggang nitong Setyembre.

Naitala ang pinakamalaking bilang mula Enero hanggang Setyembre ngayong taon na 3,832,989.

Sa loob ng dalawang buwan mula Agosto 1 hanggang Setyembre 30, 2019, naitala ang pinakamabilis na registration na umabot sa 1 million 591,481 registered voters.

Noong nakalipas na taon ay sumampa naman sa 986,906 na botante ang nagparehistro.—sa panulat ni Drew Nacino

Pinag-iingat ng ilang TelCo o Telecommunication Companies ang publiko kaugnay sa pagbebenta at paggamit ng mga iligal na signal boosters o repeater, signal blocker at jammers.

Ito’y kasunod ng inilabas na kautusan ng National Telecommunications Commission o NTC sa mga online selling platforms hinggil sa pagbebenta ng mga naturang kagamitan.

Ayon kay Manny Estrada, pinuno ng Technology and Strategy Service Integration ng Globe Telecom, malaki anila ang epekto nito sa operasyon ng lahat ng TelCo tulad ng rescue operations tuwing may sakuna gayundin ang paghahatid ng resulta ng botohan lalo pa’t papalapit na rin ang halalan.

Dagdag pa ni Estrada, ang iligal na paggamit ng mga signal booster, repeater, signal blocker at jammers ay nagiging sanhi ng pagbagal o di kaya ay pagkawala ng koneksyon, pagkakaroon ng dropped calls at pagbaba ng kalidad ng voice calls sa tuwing gumagamit ng mobile phones.

Tinambakan ni Partido Federal ng Pilipinas standard-bearer at dating Senador Ferdinand ‘Bongbong’ Marcos Jr. ang ilang Presidential aspirant sa kalye surveys ng iba’t ibang vloggers.

Sa isinagawang kalye survey mula Oktubre 1 hanggang 11, mahigit 60% ng mga respondent ang nagsabing si Marcos ang iboboto nila sa may 2022 Presidential election.

Kabilang din sa pinagpilian sina Vice President Leni Robredo, Senators Manny Pacquiao, Panfilo Lacson, Ronald ‘Bato’ Dela Rosa, Mayors Isko Moreno ng Maynila at Sara Duterte ng Davao City.

Umani si Marcos ng 1,307 votes mula sa kabuuang 2,137 respondents habang pangalawa si Moreno na may botong 345;  Robredo, 231; Pacquiao, 125; Lacson, 89; Bato, 23 at Duterte, 17.

Isinagawa ang surveys ng mga vlogger na nag-ikot sa iba’t ibang bahagi ng Metro Manila at CALABARZON at kumausap ng mga taong nasa kalsada, mga bumibili at nagtitinda sa maliliit na tindahan at mga palengke.

Sinabi ng mga vlogger na kahit walang scientific methodology na ginamit sa naturang survey, pinapakita naman umano ng mga ito ang personal na saloobin ng mga respondent.—sa panulat ni Drew Nacino

Bumagsak habang dumadaan sa bahagi ng east of Luzon ang Australian MH60R Sea Hawk Helicopter kagabi.

Ito ang kinumpirma ni Armed Forces of the Philippines Spokesperson Col Ramon Zagala.

Aniya tatlo ang sakay ng nasabing helikopter na nakaligtas sa pagbagsak matapos agad ma rescue ng barko ng Royal Australian Navy na HMAS Brisbane.

Sa ngayon ayon kay Col Zagala, nakikipag ugnayan na sila sa Australian counterparts para iparating na handang tumulong ang AFP kung kinakailangan.

Batay sa nakuhang report ng AFP sa Royal Australian Navy, nagsasagawa ng navy to navy engagements kasama ang iba mga nations sa Southeast at Northeast Asia nang mangyari ang pagbagsak. —sa ulat ni Jaymark Dagala (Patrol 9)

Umalma ang PDP Laban Faction ni Energy Secretary Alfonso Cusi sa mga pahayag na ginagawang mockery o katatawanan ng political parties ang electoral process.

Ayon kay Melvin Matibag, Secretary General ng PDP Laban Cusi Wing malinaw naman ang batas kaya’t hindi na kailangan pa ang anumang interpretation kaugnay sa substitution rule.

Binigyang diin ni Matibag na uubrang gamitin ng kahit anong political party ang rule sa substitution dahil pinapayagan naman ito ng Omnibus Election Code.

Patuloy ang pagsirit ng kaso ng COVID-19 sa bansa na ngayo’y nasa halos 2.7-M na kabilang na ang nasa 7,835 na mga bagong kaso.

Dahil dito, sumirit na sa 84,850 ang active cases kung saan 77. 2% mild, 10.6% ang asymptomatic, 3.6% ang severe at 1.5% ang nasa critical condition.

Pumapalo naman sa 40,221 ang death toll matapos madagdag ang 151 na mga bagong nasawi sa COVID-19.

Samantala, nasa 5,317 ang mga bagong gumaling sa COVID-19 kaya’t umakyat na sa halos 2.6-M ang total recovery. —sa ulat ni Aya Yupangco (Patrol 5)

Magkakasa ng iisang quarantine restrictions ang mga Alkalde sa Metro Manila sa pagpapatupad ng alert level 3 simula sa Sabado, Oktubre 16 hanggang 31.

Ito ayon kay Navotas City Mayor Toby Tiangco ang napagkasunduan nila kung saan pinapayagan ang 30% venue capacity para sa fully vaccinated individuals.

Kasabay nito, nilinaw ni Tiangco na hindi nila inirekomenda ang pagluluwag ng quarantine restrictions at hindi rin aniya sila natanong hinggil dito.

Gayunman, suportado naman aniya ng lgu’s ang mas maluwag na restrictions bilang suporta sa ekonomiya.

Papalitan ni Dating Liberal Party Official Joseph Peter “Jopet” Sison si Veteran Broadcaster Noli De Castro sa pagka Senador sa ilalim ng Aksyon Demokratiko sa 2022 National Elections.

Ipinabatid ito ni Aksyon Demokratiko Party Chairman Ernest Ramel ..isang araw matapos i anunsyo ni De Castro ang pag atras sa senatorial elections.

Si Sison ay naging opisyal ng National Housing Authority at National Home Mortgage Finance Corporation. —sa ulat ni Aya Yupangco (Patrol 5)