Naglunsad ng incentive program ang lokal na pamahalaan ng Cebu para sa mga nabakunahan nang residente.
Ayon kay Acting Mayor Michael Rama, kabilang sa programang ito ang pa-raffle sa Oktubre 18 kung saan maaaring manalo ng house and lot at sasakyan ang mga residenteng bakunado na.
P100,000 halaga ng gift certificates ng hotel accommodation, P100,000 halaga ng scholarships at groceries.
Ani Rama, layon nito na mahikayat pa ang ibang residente ng magpabakuna na kontra COVID-19.
Inihayag na ni Sen. Manny Pacquiao ang kaniyang senatorial lineup para sa 2022 National Elections.
Ayon kay Pacquiao kabilang sa kaniyang senate slate sila Senate Majority Leader Juan Miguel Zubiri, Sen. Joel Villanueva, Sorgoson Governor Francis “Chiz” Escudero at Antique Rep. Loren Legarda.
Gayundin si Dating Vice President Jejomar Binay, Broadcaster Raffy Tulfo at PDP-Laban Founder Lutgardo Barbo.
Nabatid na apat sa mga ito ay nasa senatorial slate din ng partido reporma kung saan standard bearer si Sen. Panfilo Lacson.
Ito’y sila Zubiri, Villanueva, Escudero at Legarda.
Balot pa rin ng pangamba ang mga healthcare worker sa kabila ng pagbaba ng mga kaso ng COVID-19 sa Metro Manila.
Ito ang inamin ni Metro Manila Council Chairman at Parañaque City Mayor Edwin Olivarez at isa sa dahilan ang healthcare utilization rate.
Ayon kay Olivarez, ang pagbaba ng healthcare utilization sa NCR ang ikinunsidera ng gobyerno upang pababain sa alert level 3 mula sa alert level 4 ang alert system simula bukas.
Kailangan pa rin anyang balansehin ang ekonomiya at kalusugan, lalo’t hindi pa maikukunsiderang stable na ang health care utilization rate sa metro manila.
Bukod sa utilization rate, tinukoy ng alkalde na naging batayan sa desisyon ang pagbaba ng reproduction number ng COVID-19 cases.—sa panulat ni Drew Nacino
12 menor de edad na may Comorbidities ang unang nabakunahan kontra COVID-19 sa Philippine General Hospital (PGH) ngayong araw
Ito’y sa pagsisimula ng COVID-19 vaccination sa mga batang nasa edad dose hanggang disi syete anyos na may Comorbidities o Pediatric A3.
Ayon kay PGH Spokesperson Dr. Jonas Del Rosario, babakunahan lamang ngayong araw ang mga nagparehistro at bawal ang walk-in.
Maliban sa PGH, ilang ospital rin ang nagsilbing pilot vaccination sites para sa pagbabakuna sa mga bata.
Kabilang na rito ang Philippine Children’s Medical Center, Fe Del Mundo Medical Center, National Children’s Hospital, Philippine Heart Center, Pasig City Children’s Hospital, St. Lukes’s Medical Center at Makati Medical Center.
Sa ngayon ay Pfizer at Moderna pa lamang ang bakunang ginagamit sa mga bata matapos makatanggap ng Emergency Use Authorization ng gobyerno.
Hindi uubrang iapela ang alert levels kaugnay sa COVID-19 pandemic.
Ito ayon kay Health Undersecretary Maria Rosario Vergeire ay dahil idinideklara ang alert levels base sa scientific metrics.
Una nang ipinaabot ng healthcare workers ang anila’y maagang pagbaba sa alert level 3 ng NCR simula bukas, Oktubre 16 hanggang 31.
Walang hinihintay na ibang kandidato sa pagka Pangulo at Pangalawang Pangulo ang Cusi Faction ng PDP Laban para sa 2022 National Elections.
Binigyang diin ni Atty. Melvin Matibag, Secretary General ng Cusi wing na ang kanilang official Presidentiable ay si Senador Ronald Bato Dela Rosa at Vice Presidentiable naman si Senador Bong Go.
Gayunman, sinabi ni Matibag na handa naman sila sa anumang pagbabago bago o hanggang November 15 ang deadline ng substitution o pagpapalit ng kandidato. —sa ulat ni Jaymark Dagala (Patrol 9)
Tila babawi si Carlos Yulo sa pag depensa niya sa kanyang titulo sa 50th FIG Artistic Gymnastics World Championship sa Kitakyushu, Japan sa susunod na linggo.
Pursigido si Yulo na makuha pa rin ang Gold Medal sa floor exercise na una niyang napanalunan sa 2019 edition sa Stuttgart, Germany kung saan siya ang kauna-unahang Pilipinong nakakuha ng nasabing titulo.
Ang nasabing event na gagawin mula Oktubre 19 at 20 ay pagkakataon para bumawi sa kanyang no medal finish sa Summer Games.
Hinimok ng Mindanao Consortium ng Ateneo ang COMELEC na magbukas ng mas marami pang voter registration sites.
Kasunod na rin ito nang pagbubukas ng Ateneo De Davao University, Xavier University sa Cagayan De Oro at Ateneo De Zamboanga University ng kani-kanilang campus sa registration ng mga botante para sa 2022 National Elections.
Umapela rin ang mga nasabing unibersidad sa COMELEC na ipalabas ang election guidelines bago ang deadline ng voter registration at i-prioritize ang mga kabataan lalo na ang mga out of school youth na mga first time voter.
Pumapalo na sa mahigit P1-B ang danyos sa agrikultura ng bagyong Maring sa Northern Luzon at bahagi ng Visayas.
Ayon ito sa Department of Agriculture (DA) kung saan kabilang sa mga apektado ang CAR, Ilocos Region, Cagayan Valley, Central Luzon, MIMAROPA, Bicol Region, Western Visayas, Central Visayas at SOCCSKSARGEN.
Pinakamalaki ang danyos ng bagyong Maring sa palayan na nasa halos 1-M.
Ipinabatid ng DA na naapektuhan din ng bagyong Maring ang halos 41,000 magsasaka at mangingisda.
Nangangamba ang World Health Organization (WHO) sa pagtaas muli ng kaso ng Tuberculosis (TB) na itinuturing na ikalawang deadliest infectious disease sa buong mundo.
Ayon kay WHO Chief Tedros Adhanom Ghebreyesus, hindi natututukan ang TB dahil sa pagtugon sa COVID-19 pandemic.
Dahil dito, sinabi ng WHO Chief na dapat kumilos ang bawat bansa para mapigil ang paglobo ng kaso ng TB na sakit ngayon ng mahigit 4-M tao sa buong mundo.
Nasa halos 3-M pa aniya ang hindi officially diagnosed at naideklara nang mayruong TB mula pa nuong 2019