HEADLINES

Dinakip ang apat na umano’y kidnapper matapos ang ikinasang operasyon ng awtoridad sa Pasay City.

Ayon sa Southern Police District, kinidnap umano ng grupo na kinabibilangan ng 3 Chinese at 1 pilipino ang isang 21 anyos na Chinese sa may CCP Complex noong oktubre 2.

Dinala umano ang biktima sa isang Philippine Offshore Gaming Operators o POGO company sa Williams Street at humingi ng 300K ransom ang mga suspek kapalit ng kaniyang buhay.

Samantala, nakipagkita ang kaibigan ng biktima na magdadala ng pera kasama na rin ang mga pulis para sa entrapment operasyon. —sa panulat ni Airiam Sancho

Ilalabas ng Commission on Elections (COMELEC) sa disyembre ang pinal na listahan ng mga kakandidato sa eleksyon 2022.

Ayon kay COMELEC Spokesperson James Jimenez, 95% ang inaasahang tatanggalin bilang panggulong kandidato.

Samantala, magsisimula nang salain ng ahensya ang naturang listahan ng mga tatakbo para sa halalan. —sa panulat ni Airiam Sancho

Timbog ang 6 na pulis Maynila dahil sa umanoy pangongotong sa mga inarestong curfew violators sa Sta Cruz, Maynila.

Ayon sa Manila Police District nasa custody na ng pulisya ang 6 na pulis matapos sumailalim sa inquest proceedings.

Nabatid na hiningan ng mga naturang pulis ng pera ang 2 taong hinuli nito sa Luzon street at dinala sa Padre Algue Police Community Precinct.

Ibinigay umano ng mga biktima sa dalawang pulis ang P47,000 matapos umanong ang isang motorsiklo at gold necklace.

Pagkalaya  ay kaagad nagsumbong ang mga biktima at sa Moriones Police Station at positibong itinuro ng mga ito ang 6 na pulis na nangotong sa kanila.

Dinisarmahan din agad at pinosasan ang mga nasabing pulis na nahaharap sa kasong robbery extortion.

Mahigit P1-milyon halaga ng umano’y shabu ang nasabat ng mga awtoridad mula sa 2 drug suspects sa ikinasang buy-bust operation sa C4 Road, Barangay Bagumbayan North, Navotas City.

Kinilala ang mga suspek na sina Lean Balauro at Dave Abila, kapwa nakatira sa nabanggit na barangay.

Maliban sa P1,000 buy-bust money, narekober din mula sa dalawa ang ilang sachets ng hinihinalang shabu na tinatayang tumitimbang ng 150 grams at nagkakahalaga ng higit P1-milyon.

Sasampahan ang mga suspek ng kasong paglabag sa Comprehensive Dangerous Drugs Act of 2002.

Binuksan na muli ang Quezon City Memorial Circle sa publiko kaya maaari nang magamit ang parke para sa mga mag-eexercise gaya ng pag-jogging at zumba.

Sinabi ng Zaldy Dela Rosa ng QC Memorial Circle Administration, nagtalaga sila ng mga guwardiya sa paligid ng parke upang matiyak na nasusunod pa rin ang ipinatutupad na safety protocols sa lugar.

Bukod dito, bukas na rin ang ilang kainan sa loob ng QC Circle ngunit mananatiling nasa 30% lamang ang pinapayagan at bakunado lamang ang papapasukin sa mga ito.

Samantala, libre pa rin ang parking ng mga sasakyan sa loob ng QC Circle.

Posibleng umabot ng tatlong taon bago manumbalik ang normal population growth ng Pilipinas.

Ito ay kasunod ng naitalang pagbaba ng ikinakasal, nagbubuntis at nanganganak mula nang magsimula ang COVID-19 pandemic.

Ayon kay POPCOM Head Undersecretary Juan Antonio Perez III,  mayroong positibo at negatibong epekto ito sa lipunan ng ating bansa.

Isa aniya sa magandang naging epekto nito ay natutong mag-family planning sa natural na paraan at mas natutukan ng mabuti ang kalusugan ng mga isinisilang na sanggol.

Habang ang naging negatibong epekto naman nito ay maaaring dumating ang panahon na kaunti na lamang ang papasok sa mga Paaralan.

Samantala, sinabi pa ng POPCOM na kahit matapos ang pandemya ay hindi agad bubuo ng pamilya ang mamamayan dahil sa naranasang hirap sa kasagsagan ng COVID-19 sa bansa.

Ibinaba na ng IATF ang quarantine restrictions sa tatlong lalawigan.

Simula bukas, Oktubre 18 hanggang 31, ipinabatid ni presidential spokesman Harry Roque na nasa GCQ na ang Bulacan, Apayao at Capiz.

Ang Bulacan at Apayao ay una nang nasa ilalim ng MECQ samantalang nasa GCQ with heightened restrictions ang Capiz.

Pagpupulungan ng Metro Manila mayors ang pagkakaroon ng iisang polisiya sa pagpayag na ring makalabas ng mga senior citizen at menor de edad.

Kasunod na rin ito nang pagsasailalim sa Metro Manila sa mas maluwag na quarantine restriction o alert level 3 simula kahapon, Oktubre 16.

Ipinabatid naman ni MMDA chairman Benhur Abalos na ang general policy ay puwedeng payagang makalabas ang mga bata para mag-ehersisyo, subalit doon lamang sa kanilang area.

Una nang isinulong ni Navotas City Toby Tiangco ang pagkakaroon ng single policy ng Metro Manila LGU sa pagbabala sa alert level 3 ng rehiyon.

Hihintayin ng Health Department ang abiso ng World Health Organization kaugnay sa pagbibigay ng ikatlong dose ng COVID-19 sa mga senior citizen at immunocompromised na una nang nakatanggap ng Sinopharm at Sinovac.

Ito ay inihayag ni Health Undersecretary Maria Rosario Vergeire, sumang-ayon ang lahat ng expert panel sa sinabi ng WHO na ilagay muna sa proseso.

Bukod dito, kailangan rin umano ng regulatory approval bago ibigay ang ikatlong dose para sa mga ito.

Samantala, nilinaw ni Vergeire ang kanilang tinutukoy na ikatlong dose ay iba sa tinatawag na Booster Shots.

Aniya, ang Booster Shot ay ibinibigay sa mga taong bumaba ang COVID immunity  matapos ang kanilang ikalawang bakuna samantala ang 3rd dose naman ay para sa hindi nagkaroon ng strong immune response matapos mabakunahan ng una at ikalawang dose ng COVID vaccine.