METRO PATROL

Sanggol natagpuang patay sa drainage

Nadiskubre ang isang patay na sanggol na nakasiksik sa estero sa Quiapo, Maynila.

Bumulaga sa mga residente sa Bautista Street sa Barangay 385 ang nakadapang sanggol.

Naglilinis ang isang miyembro ng clearing operations ng Manila City sa baradong kanal at inidoro sa isang gusali at nadiskubre ang bata.

Agad namang ikinordon ng Manila City Police District Station 14 ang lugar habang dinala na sa purenarya ang sanggol at pinaghahanap kung sino ang walang-pusong nagtapon sa paslit. —sa panulat ni Jenniflor Patrolla

September 21, 2022 0 comment

HEADLINES METRO PATROL

20 pamilya ang apektado sa naganap na sunog kagabi sa Sampaloc, Maynila

written by DWIZ 882

Aabot sa 20 pamilya ang nawalan ng tirahan sa sunog na sumiklab sa isang residential compound sa Sampaloc, Maynila, kagabi.

Umabot sa ikalawang alarma ang sunog bago idineklarang fire out dakong alas-12:14 ng hatinggabi.

Ayon sa Bureau of Fire Protection, tinatayang nasa 150,000 pesos ang halaga ng pinsala ng sunog.

Nabatid na gawa sa light materials ang karamihan sa mga bahay sa lugar.

Nagpapatuloy naman ang imbestigasyon ng BFP kaugnay sa pinagmulan ng sunog. —sa ulat ni Aya Yupangco (Patrol 5)

September 12, 2022 0 comment

METRO PATROL NEWS

Water service interruption naranasan sa ilang lugar sa NCR

written by DWIZ 882

contaminated water or kontaminadong tubig

Nakaramdam ng water service interruption ang ilang lugar sa National Capital Region simula alas-5:00 ng hapon hanggang alas-11:00 ng gabi kahapon.

Ayon sa anunsyo ng Maynilad Water Services Inc., naging sanhi ng pagkawala ng tubig ang power interruption sa La Mesa pumping station.

Apektado rito ang 18 barangay sa Quezon City, Caloocan, at Valenzuela.

Sa Quezon City apektado ang mga lugar ng Gulod, nagkaisang Nayon at Sta. Monica.

Sa Valenzuela, apektado naman ang mga barangay ng baybayin, Bignay, East Canumay, Gen. T. De Leon, Lawang Bato, Linguhan, Mapulang Lupa, Maysan, Parada, Paso De Blas, Punturin, Ugong, at West Canumay.

Habang apektado naman ang mga barangay 165,166 at 167 sa Caloocan.

August 30, 2022 0 comment

METRO PATROL

NOCPPO, nagiimbestiga ang pagpatay sa dalawang barangay chairman

written by DWIZ 882

Patuloy na iniimbestigahan ng Negros Occidental Police Provincial Office (NOCPPO) ang kasong pagpatay sa dalawang barangay chairmen sa lalawigan.

Unang pinaslang ng dalawang hindi pa nakikilalang salarin si Danilo Dautil, kapitan ng Barangay Cabcab sa bayan ng Isabela.

Ayon kay Major Joseph Partidas, hepe ng Isabela Municipal Police Station, pinaniniwalaang mga miyembro ng Communist Party of the Philippines-New People’s Army o CPP-NPA ang nasa likod ng pagpatay kay Dautil.

Ang tserman naman ng Barangay Lalong na si Benjamin Javoc ay nasawi matapos lusubin ng tinatayang sampung armadong lalaki ang kanyang bahay.

Samantala, inatasan na ni Police Regional Office-Western Visayas Director Brig. Gen. Leo Francisco si Negros Occidental PNP Director Col. Leo Pamittan na imbestigahang mabuti ang mga naturang kaso.

August 27, 2022 0 comment

METRO PATROL

Ilang bahagi ng Lungsod ng Mandaluyong, mawawalan ng kuryente bukas

written by DWIZ 882

Mawawalan ng suplay ng kuryente ang ilang lugar sa lungsod ng Mandaluyong bukas, Agosto 28.

Ayon sa Lokal na Pamahalaan ng Mandaluyong, ito ay kasunod ng isasagawang line construction ng Meralco sa mga kalye ng Samat at Calbayog sa Barangay Highway Hills.

Kabilang sa mawawalan ng suplay ng kuryente ang mga sumusunod na kalye:

Domingo
Guevarra
Sultan
Sierra Madre
Malinao
Kanlaon at
Mariveles

Maaapektuhan din ng brownout ang kalye ng Lopez Rizal at Dr. Jose Fernandez sa pagitan ng 9:30 hanggang 10 ng umaga at muling mawawalan ng suplay ng kuryente sa ganap na 3 hanggang 3:30 ng hapon bukas.

August 27, 2022 0 comment

METRO PATROL

17 miyembro ng QCPD, nasibak sa pwesto

written by DWIZ 882

Sinibak sa pwesto ang 17 pang miyembro ng Quezon City Police District o QCPD dahil sa kapabayaan sa nangyaring hit-and-run incident sa Anonas St., cor. Pajo St., Brgy. Quirino 2A, Quezon City noong Agosto 6 na ikinasawi ng isang tricycle driver.

Ayon kay QCPD Director Police Brigadier General Nicolas Torre III, nang maupo siya sa pwesto ay agad siyang bumuo ng special investigation task group o “SITG Abong” upang tutukan ang pagkakabundol ng sasakyan ni PLTCOL Mark Abong sa traysikel ng biktimang si Joel Laroa.

Makaraan ang imbestigasyon, tatlong pulis mula sa Talipapa Police Station (PS 3), 6 sa Anonas Police Station (PS 9) at 8 mula sa District Traffic Enforcement Unit (DTEU) ang ni-relieve at inilipat sa District Personnel Holding and Accounting Section (DPHAS) epektibo noong Agosto 22.

Mananatili aniya sa DPHAS sa Camp Karingal ang mga ito habang nagpapatuloy ang imbestigasyon sa kaso.

Una nang sinibak ang imbestigador sa kaso na si Police Sr. Master Sgt. Jose Soriano at maging sina PLTCOL Alexander Barredo at PCPL Joan Vicente na parehong sakay ng QC mobile at nasa tabi lang ng sasakyan ni Abong nang mangyari ang insidente.

Matatandaang iginiit ni Mayor Joy Belmonte na nangako sila ng ligtas at payapang komunidad kaya’t walang puwang sa lungsod ang mga palpak at pabayang pulis.

August 27, 2022 0 comment

HEADLINES METRO PATROL

Mahigit 100 bus sa QC, nakilahok sa Libreng Sakay Program

written by DWIZ 882

Nasa 109 na bus ang naghahatid ng Libreng Sakay sa lungsod ng Quezon City.

Sinabi ni Mayor Joy Belmonte na nagpapatuloy ang kanilang Libreng Sakay Program sa walong ruta sa naturang lungsod.

Tumatakbo aniya ang mga bus mula ala-5:00 ng umaga hanggang alas-9:00 ng gabi.

Nabatid na panahon pa ng pandemya ng simulan ang Libreng Sakay Program sa lungsod na mas pinaigting pa ng LGU dahil sa pagdami ng mga pasahero kasabay na rin ng pagbabalik-eskwela ng mga estudyante.

August 26, 2022 0 comment

HEADLINES METRO PATROL

COVID-19 cases sa QC nasa downward trend na

written by DWIZ 882

Iniulat ng OCTA Research Group na inaasahang magpapatuloy ang downward trend ng mga kaso ng COVID-19 sa Quezon City.

Batay sa key indicators na inilabas ng grupo, bumulusok ang 7-day average ng arawang kaso ng sakit sa lungsod sa 238 mula August 19 hanggang 25.

Bumaba rin ang COVID reproduction number ng QC sa 1.02 hanggang nitong August 22 mula sa 1.06 na naitala noong August 15.

Nakapagtala rin ang lungsod ng positivity rate na 13.5% kumpara sa 15.5% noong August 20.

Sa ngayon ay nananatili sa moderate risks ang lungsod.

August 26, 2022 0 comment

HEADLINES METRO PATROL

Sunog sumiklab sa isang residential area sa Pasay

written by DWIZ 882

Isang sunog ang sumiklab sa isang residential area sa E. Rodriguez Street sa Barangay 144 sa Pasay City kagabi.

Itinaas ng Bureau of Fire Protection ang unang alarma dakong 7:27 ng gabi at bandang alas-7:50 ng gabi naman nang iakyat ito sa ikatlong alarma.

Dakong 9:16 nang gabi nang ideklarang ”under control” ang sunog at wala namang napaulat na nasugatan o nasawi sa insidente.

Aabot naman sa 90 pamilya ang nawalan ng tirahan dahil sa sunog.

Patuloy na inaalam ng mga otoridad ang sanhi ng sunog at halaga ng idinulot nitong pinsala.

August 25, 2022 0 comment

METRO PATROL

3 lalaki patay matapos pagbabarilin sa Taguig

written by DWIZ 882

Patay ang dalawang lalaki at isang babae sa naganap na pamamaril sa isang transient house sa Salas Bridge sa Barangay Fort Bonifacio Taguig City kaninang madaling araw.

Batay sa ulat, kalibre kwarenta'[y singko ang ginamit ng suspek sa pamamaril na agad nakatakas lulan ng isang van

Habang hindi naman daw residente ng barangay ang tatlong biktima

Sa ngayon ay patuloy pa ang imbestigasyon ng mga otoridad sa naganap na pamamaril.

August 21, 2022 0 comment

Newer Posts

Older Posts