ENTERTAINMENT

 Nagpahayag ng suporta si Ken Chan sa kanyang on-screen partner na si Rita Daniela, matapos nitong i-anunsyo ang kanyang pagbubuntis.

 Sa isang Instagram post, sinabi ni Ken na bilang kaibigan ay nandyan lamang siya palagi para kay Rita.

 Marami ang nag-congratulate kay Ken sa pag-aakalang siya ang tatay ng magiging anak ng dating ka-love team, ngunit nilinaw naman nito na hindi siya ang ama ng dinadala ni Rita.

 Samantala, wala namang nabanggit ang aktres sa kaniyang announcement kung sino ang ama ng kaniyang baby.

Deadma si 2018 Miss Universe Catriona Gray sa mainit na eksenang pagsasamahan ng kaniyang Boyfriend na si Sam Milby at nang Youtuber-sexy actress na si Ivana Alawi sa isang drama series.

Sinabi ng Beauty Queen na hindi kailangan ni Sam na hingin pa ang kaniyang permiso dahil nauunawan niya ang trabaho ng kaniyang nobyo.

Ayon kay Catriona, wala siya sa posisyon para limitahan ang kaniyang boyfriend pagdating sa career nito at hindi rin daw niya kailangan na kunin ang permiso ni Sam sa kaniyang career matters.

Say ni Cat “Ivana is one person who will never cross the line” at alam nitong taken ang kaniyang leading man kaya tiwala siyang hindi hahadlang si Ivana sa kanilang relasyon ni Sam Milby.

Sa wakas ipinakita na ng aktor ng si Raymond Gutierrez ang kanilang larawan ng foreigner boyfriend nito na si Robert William.

Sa post ng aktor sa kanyang Instagram account makikita ang kanilang couple photo sa isang dagat kung saan , magka-holding hands sila habang naglalakad sa tabing-dagat.

Habang may ilan pa silang larawan na magkayakap at magkahalikan.

Kinoronahang Miss International Queen 2022 ang pambato ng Pilipinas na si Fuschia Anne Ravena.

Naganap sa Thailand kahapon ang kompetisyon kung saan naglaban-laban ang 22 kandidata.

Itinanghal namang first runner up ang Colombia habang second runner up ang France.

Si Ravena na ang pangatlong Filipina na nagwagi sa Miss International Queen 2022 sumunod kina Kevin Balot na nanalo noong 2012 at Trixie Maristela noong 2015.

Naging extra special naman para sa Pride Month ang pagkapanalo ni Fuschia sa kompetisyon, na itinuturing na World’s Top Beauty Pageant para sa transgender women.

Dream come thru para sa aktres na si Andi Eigenmann ang vacation trip sa Bali, Indonesia kasama ang kaniyang buong pamilya.

Sa Instagram post ng aktres, sinabi nito na isa ang Indonesian trip sa kaniyang bucket list.

Kasama ni Andi ang kaniyang partner na si Philmar Alipayo at kanilang mga anak para sa kanilang vacation sa ibang bansa.

Bagaman na-postpone dahil sa COVID-19 pandemic at pagkasakit ng kaniyang anak, masaya si Andi na natuloy din ang kanilang dream family vacation.

Good news para sa fans ng American singer-songwriter na si Billie Eilish.

Nakatakda kasing mag-concert sa Pilipinas ang singer para sa kanyang “Happier Than Ever” World Tour.

Ayon kay Billie, idaraos ang kanyang concert sa darating na August 13 sa Mall of Asia Arena.

Magkakaroon ng fan-club presale ng tickets sa June 24 at 25 para sa mga miyembro ng Live Nation Philippines, habang maaari namang maka-avail ang publiko ng ticket sa June 27.

Mabibili ang ticket mula 3,081 pesos hanggang 14,936 pesos.

Si Billie Eilish ang nagpasikat ng mga kantang “Bad Guy,” “Ocean Eyes,” at “When The Party’s Over.”

Ibinenta ng aktres na si Kris Bernal ang binili nilang ticket ng kaniyang asawa na si Perry Choi para sa concert ni Adele matapos silang hindi mabigyan ng uk visa na requirement o kailangan sa pagpasok sa naturang bansa.

Ayon kay Kris, naunsiyami ang plano nilang paglipad patungong United Kingdom para sana mapanood ng personal ang sikat na singer na si Adele.

Nabatid na nabili ni Kris ang Golden Circle East ticket noon pang October 2021 sa Hyde Park London na pre-selling online kung saan, ang isang ticket ay nagkakahalaga ng 23,000 pesos.

Sa instagram post, sinabi ng aktres na wala silang choice kundi ibenta nalang ang kanilang ticket kung saan, plano sana nilang ilaan para sa kanilang honeymoon maging ang paglilibot sa UK at Europe sa loob ng isang buwan kung hindi naudlot ang kanilang pag-alis abroad.