ENTERTAINMENT

Pinagmumulta ng Wimbledon sina Tennis Stars Nick Kyrgios at Stefanos Tsitsipas matapos ang naganap na bangayan nila sa third round ng naturang tournament.

Pinatawan ng S10K na multa si Tsiptsipas dahil sa unsportmanlike conduct na itinuturing na pinakamalaking multa na naipataw ng wimbledon sa isang manlalaro.

Bunsond naman ng pagmumura at magaspang nitong pag-uugali sa playing court ay S4K penalty naman ang ipinataw kay Kyrios.

Samantala, hindi naman ito pinalampas ng mga organizers kahit pa humingi na ng paumanhin ang australian player.

Masayang nag-dinner date sa Sicily, Italy ang celebrity couple na sina Matteo Guidicelli at Sarah Geronimo.

Sa isang instagram post, ibinahagi ni Matteo ang ilang larawan ng kanilang date at inilahad nito sa kanyang caption kung bakit sila na-in love sa lugar.

Ayon pa sa Filipino-Italian actor, kapwa first time nila ng kanyang asawa sa naturang siyudad.

Say pa ni Matteo, maliban sa mga makasaysayang istruktura, pinakanagustuhan nila ni Sarah ang mga inihaing pagkain sa Sicily.

Ibibida ni Herlene Budol ang kaniyang “squammy walk” sa nalalapit na Binibining Pilipinas 2022 sa July 31.

Ayon sa talent manager ng Beauty Queen na si Wilbert Tolentino, sa pagrampa ni Herlene sa swimsuit competition kaniyang ipapakita ang sosyal at classy walk nito sa publiko.

Matutunghayan din ang long gown at national costume ni Herlene na katumbas ng six figures ang halaga.

Matatandaang una nang sumikat ang “pilapil walk” mula kay Venus Raj; “tsunami walk” mula kay Shamcey Supsup; “cobra walk” mula kay Janine Tugonon; “arriba walk” mula kay Ariella Arida; “camel walk” mula kay Mj Lastimosa; “alta walk” mula kay Maxine Medina; “infinity walk” mula kay Rachel Peters; “tanim bala walk” mula kay Pia Wurtzbach; at “lava walk” mula naman kay Catriona Gray.

Masayang inanunsyo ng Kapuso actress na si Solenn Heusaff na ipinagbubuntis niya ang second baby nila ng asawang si Nico Bolzico.

Sa pamamagitan ng instagram stories, ibinahagi ni Solenn ang kanyang tummy photo at sinabing 16 weeks na siyang pregnant.

Sinamahan niya rin ito ng caption na “Back to daily injections for bub number 2.”

Isang instagram reel naman ang inupload ni Nico kung saan, ibinida nito ang isang bagong  “x-ray app” at ikinagulat ng mag-asawa nang makita ang baby sa loob ng tiyan ni Solenn.

Congratulations Solenn and Nico!

Nagsalita na ang aktres na si AJ Raval hinggil sa kumakalat na balitang buntis siya sa kaniyang rumored boyfriend na si Aljur Abrenica.

Sa post ng isang content creator, isinapubliko nito sa kaniyang Facebook page ang isang conversation kung saan, mariing itinanggi ni AJ ang isyu hinggil sa kaniyang pagbubuntis.

Ayon sa Aktres, walang katotohanan ang naturang chismis kung saan, nagpost din si AJ sa kaniyang IG account ng larawan ng kaniyang flat tummy.

Una nang pinabulaanan ng manager ng aktres at sinabing fake news ang kumakalat na isyu at abala ngayon si aj sa kauna-unahang action movie sa VIVA Films na pagbibidahan nila ni Kiko Estrada.

Gaganapin na sa Hulyo 31 ang Grand Coronation Night ng Binibining Pilipinas 2022.

Batay sa anunsiyo ng Binibining Pilipinas, gaganapin ang laban sa Smart Araneta Coliseum simula alas-10 ng gabi.

Para sa mga gustong manood nang live, nagkakahalaga ng P500 ang ticket para sa General Admission at P10, 500 para sa VIP.

Apat na title ang kukuhanin sa Binibining Pilipinas 2022 kabilang ang Bb. Pilipinas International, Bb. Pilipinas Intercontinental, Bb. Pilipinas Globe at Bb. Pilipinas Grand International.

Ilang linggo matapos maisapubliko ang hiwalayan ng singer na si JK Labajo at ex-girlfriend nito na si Maureen Wroblewitz, isang bagong awitin ang inilabas nito.

Nitong Huwebes lamang nang I-upload ni JK sa kaniyang Youtube channel ang Official Lyric Visualizer ng bago niyang kantang may pamagat na “Kunwari”.

Tila palaisipan naman sa mga netizen kung ito ba ay pahiwatig sa kaniyang dating nobya.

Sabi ng mga netizen, maituturing na break up song ito ni JK kay Maureen.

Makikita naman sa kaniyang Instagram post ang kaniyang larawan na nakaluhod sa damuhan na siya ring makikita sa Official Lyric Visualizer kung saan may caption itong “Written, recorded, mixed and mastered in a span of a few days, no plans, no intentions. From me, with love”.

Samantala, umabot na sa 20,000 views ang kanta ni JK dalawang araw matapos itong i-upload.

Magiging bahagi ng Miss Universe Bahrain Council si Miss International 2016 Kylie Verzosa.

Sa instagram post ng Miss Universe Bahrain, si Kylie ang magsisilbing Head of Empowerment ng nasabing Council.

Ni-repost naman ito ng beauty queen-turned-actress sa kanyang ig stories na may caption na “Universe x International. See you, Bahrain!”

Maliban kay Kylie, kasama rin sa official council ang Filipino designer na si Furne One ng Amato Couture, na gaganap bilang creative director, at maging ang Filipino magazine publisher na si Josh Yugen na magsisilbing President at National Director ng Miss Universe Bahrain.