ENTERTAINMENT

Magkasamang nag-camping ang pamilya nina Jolina Magdangal at Nikki Valdez kung saan ibinahagi ng dalawa sa social media ang mga larawan at clips ng kanilang adventure trip.

Sa isang instagram posts, ibinahagi ni Nikki kung paano ipinaalala sa kanya ng kanilang recent trip ang kanyang pagkabata.

Sinabi pa ng 41-year-old actress na masaya siyang naranasan din ng kanyang mga anak na mag-camping.

Pinasalamatan naman ni Jolina ang kanyang asawa na si Mark Escueta sa pagtupad ng kanyang childhood dream.

Say pa ni Jolens, matagal niya nang gustong mag-camping at talaga naman aniyang nag-enjoy rin ang kanilang mga anak na sina Pele at Vika.

Going strong pa din ang kapamilya couple na sina Liza Soberano at Enrique Gil matapos maispatan ang dalawa na magka-holding hands sa loob ng isang kilalang beauty clinic.

Sa isang video na ibinahagi ng celebrity doctor na si Hayden Kho sa Instagram, makikita ang couple na nagtatawanan at sweet na sweet sa isa’t isa.

Nabatid na nagtungo ang dalawa sa beauty clinic upang sabay na magpa-treatment.

Matatandaang umugong ang isyung hiwalay na ang LizQuen na agad namang pinabulaanan ni Liza.

Nagbigay ng pasulyap ang vlogger at business woman na si Viy Cortez sa first baby nila ni Cong TV na si baby Zeus “Kidlat” Velasquez.

Sa isang vlog na may title na ”Zeus”, ibinahagi ni Viy ang kanyang birthing process hanggang sa siya’y manganak.

Hindi naman napigilan ni Cong na mapaluha nang makita ang panganay nila ni Viy at sinabing nag-flashback ang kanyang buong buhay nang masilayan ito.

Nitong Hulyo 5 nang isilang ni Viy si Baby Kidlat.

Sa ngayon ay mayroon nang mahigit 3.1 million views ang naturang vlog.

Dinipensahan ng komediyanteng si Pokwang ang asawang si Lee O’Brian laban sa pambabash ng mga netizen.

Kasunod ito ng kanilang hiwalayan na umani ng ibat-ibang reaksiyon sa publiko.

Ayon kay Pokwang, nasasaktan siya sa ginagawang pambabash ng mga netizen sa kaniyang asawa dahil mabuting tao at ama si Lee.

Nanawagan naman ang komediyante sa mga netizen na itigil na ang paggawa ng maling impormasyon tungkol sa kanila dahil walang third party at walang money involve sa kanilang hiwalayan.

Si Paolo Ballesteros ang magsisilbing main host ng debut season ng Drag Race Philippines.

Kinumpirma ito ng Drag Race PH kung saan ibinahagi nito sa Instagram ang first look ni Paolo bilang host ng Philippine edition ng sikat na show.

Ipinakilala rin ang aktor bilang Filipino drag artist, celebrity model, at superstar host.

Nag-comment naman ng surprised face emoji at tatlong red hearts sa nasabing post si Paolo.

Ipapalabas ang ”Drag Race Philippines” sa August 17 sa Wow Present Plus.

May paglilinaw ang aktres na si Andrea Brillantes kaugnay sa kanyang viral ‘baby talk’ video.

Ayon kay Andrea, hindi niya ito sinasadya at natural na ito sa kanyang boses.

Paliwanag pa ng aktres, hindi niya naranasan ang normal childhood at kulang siya sa pansin noong siya ay bata pa dahil siya ang bunso sa kanilang pamilya.

Matatandaang pinag-usapan ang video ni Andrea nang mag-baby talk ito habang bumibili sa isang tindahan sa Siargao, kung saan kasama niya ang Boyfriend na si Ricci Rivero.

Pumanaw na ang beteranong stand-up comedian at television director na si Phillip Lazaro sa edad na 52.

Ito ang inanunsyo ng kaniyang pamilya, kaibigan at katrabaho na nagpost ng kani-kanilang mensahe sa social media accounts.

Iaanunsyo naman sa lalong madaling panahon ang detalye ng libing ni Lazaro.

Samantala, ilan sa mga pelikulang pinagbidahan ng yumaong komedyante ang “Kailangan Ko’y Ikaw” at “Wanted Perfect Mother”.