Si Paolo Ballesteros ang magsisilbing main host ng debut season ng Drag Race Philippines.
Kinumpirma ito ng Drag Race PH kung saan ibinahagi nito sa Instagram ang first look ni Paolo bilang host ng Philippine edition ng sikat na show.
Ipinakilala rin ang aktor bilang Filipino drag artist, celebrity model, at superstar host.
Nag-comment naman ng surprised face emoji at tatlong red hearts sa nasabing post si Paolo.
Ipapalabas ang ”Drag Race Philippines” sa August 17 sa Wow Present Plus.
May paglilinaw ang aktres na si Andrea Brillantes kaugnay sa kanyang viral ‘baby talk’ video.
Ayon kay Andrea, hindi niya ito sinasadya at natural na ito sa kanyang boses.
Paliwanag pa ng aktres, hindi niya naranasan ang normal childhood at kulang siya sa pansin noong siya ay bata pa dahil siya ang bunso sa kanilang pamilya.
Matatandaang pinag-usapan ang video ni Andrea nang mag-baby talk ito habang bumibili sa isang tindahan sa Siargao, kung saan kasama niya ang Boyfriend na si Ricci Rivero.
Inihayag ng aktres na si Judy Ann Santos ang kanyang dahilan kung bakit limang buwan siyang huminto sa pagba-vlog.
Kasunod ito ng mga katanungan ng ilang mga netizen tungkol sa huling episode ng Youtube channel ni Juday na mayroon nang 1.7 million subscribers.
Ayon sa aktres, ang kaniyang paghinto sa paggawa ng video ay may kinalaman sa patuloy na pagtaas ng presyo ng mga bilihin.
Bukod pa dito, aminado din si Juday na nahihirapan siyang mag-isip ng mga recipe na kaniyang lulutuin para gayahin ng kaniyang viewers dahil mas ideal ang paglikha ng mga sangkap na abot kaya o swak sa budget.
Say ni Juday, kahit celebrities silang mag-asawa, ay hindi pa rin sila ligtas o exempted sa inflation rate na dinadaing din ng lahat ng mga Pilipino.
Pumanaw na ang beteranong stand-up comedian at television director na si Phillip Lazaro sa edad na 52.
Ito ang inanunsyo ng kaniyang pamilya, kaibigan at katrabaho na nagpost ng kani-kanilang mensahe sa social media accounts.
Iaanunsyo naman sa lalong madaling panahon ang detalye ng libing ni Lazaro.
Samantala, ilan sa mga pelikulang pinagbidahan ng yumaong komedyante ang “Kailangan Ko’y Ikaw” at “Wanted Perfect Mother”.
Muling nagtrending sa social media platforms ang aktres na si Ella Cruz matapos manindigan na “ang kasaysayan ay parang tsismis.”
Sa isang video na inupload nitong Linggo, makikita na nag-uusap ang aktres kasama si Senator Imee Marcos habang breaktime sa shooting ng pelikulang “Maid in Malacañang” kung saan, sinabi ni Ella na ang kasaysayan ay isang “Opinionated” o isang kuro-kuro na napatunayan dahil sa mga ebidensiya at research o pananaliksik ng mga Historian.
Nilinaw ni Ella na ang tsismis sa history ay ang mga nagbibigay ng opinion at feelings na walang evidentiary support sa kanilang isinusulat.
Dahil dito, muling umani ng mga negatibong reaksyon mula sa mga netizen ang mga naging pahayag ng aktres.
Say ng Aktres sa mga netizen, “bash me all you want pero wag niyong idadamay ang pamilya ko.”
Igiiniit pa ni Ella na sana’y magkaroon ng kahit kaunting pagkatao ang publiko sa kanilang mga sinasabi.
Inilarawan ng Showbiz columnist na si Manay Lolit Solis ang buhay lovelife ng komedyanteng si Pokwang matapos niyang kumpirmahin na hiwalay na siya sa kaniyang asawa na si Lee O’Brian.
Ayon kay Manay Lolit, nag-uumpisa palang ang katanungan ng karamihan kung sino ang Ama ng bunsong anak ni Pokwang pero hiwalay na agad ang mag-asawa.
Sinabi pa ni Manay Lolit na mahirap para sa isang babae na ma-inlove, magkaanak, makipaghiwalay, at magpalaki ng mga anak kaya alam nito ang nararamdaman ni Pokwang.
Matatandaang sa naging pahayag ng Talent Manager at kaibigan ng komediyante na si Ogie Diaz, November 2021 pa nang maghiwalay ang mag-asawa at ngayon ay co-parenting ang set-up nina Pokwang at Lee para sa kanilang anak na si Malia.
Kinumpirma na ng komendyante na si Pokwang ang mga kumakalat na espekulasyon sa hiwalayan nila ng long-time partner si Lee O’Brian.
Ayon kay Pokwang, noon pang September 2021 nang maghiwaly sila ni O’Brian.
Pero nilinaw naman ng komedyante na maayos ang kanilang paghihiwalay at walang third party involved.
Sinabi pa ni Pokwang na walang problema kung bibisita si O’brian sa bahay nito para makita ang anak na si Malia.
In fact, welcome aniya ang dating partner sa kanilang bahay.
Nabatid na unang umugong ang usapin sa naturang hiwalayan ng palitan ni Pokwang ang food business nito sa “Mamang Pokwang” mula sa “Pok-Lee”
Sinabi naman ng komedyante sa mga basher nito na hindi karma ang nangyari sakanya kung saan nililinis lamang daw ng Panginoon ang daan niya papunta sa tamang tao.
Pinangalanan na ng Metro Manila Film Festival (MMFF) ang apat na pelikulang opisyal na kalahok sa patimpalak.
Ayon sa Metropolitan Manila Development Authority na siyang nangangasiwa sa MMFFEC, kabilang sa apat na pelikula ang;
Ang mga criteria sa pagpili ng mga kalahok ay 40% sa Artistic Excellence, 40% sa Commercial Appeal, 10% sa Filipino Cultural Sensibility at 10% sa Global Appeal.
Inamin ni Barbie Forteza sa lie detector challenge vlog ni Bea Alonzo na naging crush nito ang former love team na si Andre Paras.
Sa latest vlog, makikita na naging honest at diretso ang pagsagot ni Barbie sa lahat ng tanong na ibinato sa kanya ni Bea.
Pero pagdating sa katanungan hinggil sa kung mayroon itong paghanga o crush kay Andre, tila natigilan at kinabahan ang aktres.
Ngunit makalipas ang ilang segundo agad na pabulong na sumagot si Barbie ng mga katagang “Yes” o Oo.
Matatandaan na nagsama sina Barbie at Andre sa mga programa ng GMA na “That’s My Amboy” at “The Half Sisters.”
Kasalukuyang in relationship si Barbie sa kanyang hunk actor boyfriend na si Jak roberto.
Isiniwalat ng beteranong singer na si Gary Valenciano na kasalukuyan siyang dumaranas ng problema sa kaniyang lalamunan.
Sa isang twitter post, sinabi ni Gary na ilang linggo na siyang nahihirapan dito kaya ipinagdarasal niya sa panginoon na bumalik na ang kaniyang boses.
Malapit na rin kasi aniya ang kaniyang musical show na “Joseph the Dreamer” na kaniyang comeback sa musical theater pagkatapos ng 23 years.
Nabatid na ang anak ni Gary na si Paolo Valenciano ang magdidirek ng nabanggit na musical show.