ENTERTAINMENT

Itinanghal na Binibining Pilipinas International 2022 si Miss Cebu City Nicole Borromeo.

40 kandidata ang naglaban-laban sa Binibining Pilipinas 2022 Coronation Night na idinaos sa Smart Araneta Coliseum kagabi.

Pinangalanan naman ang pambato ng San Pablo, Laguna na si Roberta Angela Tamondong bilang Binibining Grand International 2022; Binibining Pilipinas Intercontinental 2022 si Gabrielle Basiano ng Eastern Samar at Binibining Pilipinas Globe 2022 naman si Chelsea Fernandez ng Tacloban City.

Nagwagi bilang first runner-up sa kompetisyon si Herlene Nicole Budol ng Angono Rizal habang second runner-up naman si Stacey Gabriella Daniel ng Cainta, Rizal.

Maliban sa pagiging firts runner-up, humakot rin ng pitong special awards si Herlene, kung saan nakuha niya ang Bb. Shein, Bb. Pizza Hut, Bb. Kumunity, Bb. Jag Queen, Bb. Silka at Bb. World balance.

Naiuwi naman ni Karen Laurrie Mendoza ng Iloilo City ang Bb. Moist Diane shampoo; Bb. Ever Bilena si Chelsea Fernandez at nasungkit naman ni Gabrielle Basiano ang best in swimsuit at best in evening gown.

Engaged na ang Ex-B member at singer na si John Roa o mas kilala bilang si JRoa at singer-long time girlfriend nito na si Raina Eguia.

Sa Instagram post ng rapper-singer, kaniyang ibinahagi ang larawan kasama ang kaniyang finacé suot ang proposal ring nito.

Naganap ang nasabing proposal sa gitna ng premiere night ni JRoa sa kaniyang bagong music video na “Natagpuan.”

Umani naman ng ibat-ibang reaksiyon sa mga netizen ang ginawang proposal ni JRoa kung saan, maraming nagsabi na siya ang tipo ng lalaki na marunong makuntento sa relasyon kaya “sana all.”

Hindi mapigilang maging emosyonal ng aktres na si Coney Reyes matapos siyang mainit na salubungin ng kaniyang mga fans.

Ito ay matapos tumapak muli sa entablado ang aktres para sa ika-43 Anibersaryo ng noon-time show na Eat Bulaga.

Ayon kay Coney, masarap sa pakiramdam na makabalik sa programa na tahanan niya sa loob ng maraming taon.

Inihayag din ng aktres na marami siyang natutuhan mula sa kanyang mga co-host na sina Tito Sotto, Vic Sotto, at Joey De Leon.

Samantala, excited na ang beteranong aktres na makapagbigay ng isang libo at isang tuwa sa mga Pilipino.  —sa panulat ni Hannah Oledan

Engaged na ang aktres na si Maine Mendoza sa long-time Boyfriend nito na si Arjo Atayde.

Sa Instagram post ni Maine kahapon, ibinahagi nito ang wacky shot nila ni Arjo, na makikitang may suot itong singsing.

May caption pa ito ng ”Wait, whaaaat??? We’re engaged?!”

Sa iba pang larawan, makikita na all smiles ang dalawa habang nakaakbay si Maine kay Arjo.

Hindi naman makapaniwala si Maine na engaged na siya kay Arjo, na kongresista ngayon ng 1st District ng Quezon City.

Noong December 2018, nagsimula ang pag-usapan ang relasyon nina Maine at Arjo.

Kinumpirma ito ni Arjo pagsapit ng January 2019 kung saan noong December 21, 2021, ipinagdiwang nila ang kanilang third anniversary bilang magkasintahan habang nasa yate.

Sinagot ng Tiktok star na si Vanessa Raval na kapatid ng aktres na si AJ Raval ang naging FB post ng rapper na si Daryl Ruiz o mas kilala bilang si Skusta Clee matapos kumalat ang isyu hinggil sa isang rapper na nangungulit umano sakaniya na makipag kita.

Matatandaang sa unang naging post ni Vanessa, kaniyang isinapubliko ang mga screen shot message kung saan, hindi na nito nagustuhan ang mga binibitawang mensahe mula sa rapper na hindi niya pinangalanan.

Sinabi pa ni Vanessa na dapat mag focus nalang ang naturang rapper sa kaniyang anak imbes na mambabae.

Bukod pa diyan, nagpost din ang Tiktok star ng kakaibang lyrics na tumutukoy umano sa kantang “Karma” ni Skusta Clee dahilan para umani ng ibat-ibang kumento sa mga netizen.

Agad namang nagreact ang naturang rapper at nanghamon na i-reveal o ipakita ni Vanessa sa social media kung sino ang rapper na kaniyang nakakachat.

Mabilis namang kumambiyo si Vanessa at sinabi na hindi si Skusta Clee ang kaniyang tinutukoy at wala rin siyang balak na ilabas ang pangalan nito dahil posible umano siyang makasuhan.

Pabirong sinisi ng mga netizen ang katatapos lamang na kasal nina olympian gold medalist Hidilyn Diaz at weightlifting coach at husband na si Julius Naranjo na ginanap noong Hulyo a-26 sa St. Ignatius Church ng Philippine Military Academy sa Baguio City.

Kasunod ito ng naganap na magnitude 7 na lindol sa Abra kahapon ng umaga na araw din umano ng honeymoon ng mag-asawa.

Nabatid na naudlot ang honeymoon ng mag-asawa matapos ding maramdaman ang lindol sa nasabing lalawigan kung saan, nagpost pa si Hidilyn sa kaniyang IG story ng evacuation selfie sa gitna ng araw ng kanilang honeymoon sa Baguio Country Club.

Sa kabila nito, umani ng kilig at iba’t-ibang reaksiyon sa mga netizen ang naganap na kasal ng dalawa kung saan, mas naging espesyal pa ito dahil ang araw ng kanilang kasal ay ang eksaktong petsa din kung kailan nanalo si Hidilyn ng gintong medalya sa Tokyo Olympics noong nakaraang taon.

Tunay nga ang kasabihan na love moves in mysterious ways!.

Ito ay matapos ikasal kahapon ang Olympic gold medalist na si Hidilyn Diaz sa long-time coach at Boyfriend nito na si Julius Naranjo.

Ginanap ang wedding sa Baguio City na kaparehong araw kung saan nakuha ni Hidilyn ang gintong medalya sa Tokyo 2020.

Suot ng atleta ang isang off-shoulder wedding gown habang looking dashing din sa suot na barong si Julius na pawang gawa ng sikat na designer na si Francis Libiran.

Nabatid na bago ang kasal, naging usap-usapan na inalok ni Julius ang kaniyang wife-to-be na lumagda sa Prenup Agreement, na nagpapatunay na hindi materyal na bagay ang ikinagusto niya sa Olympic champ.

Wala pa namang impormasyon kung tinanggap ito ng gold-medalist.

Noong October 2021 na-engage sina Hidilyn at Julius.