ENTERTAINMENT

Usap-usapan ngayon ang bagong kanta ni Juan Karlos Labajo, o mas kilala rin bilang JK, na “May halaga pa ‘ba ako sa ‘yo” ay para umano sa kanyang ex-girlfriend na si Maureen Wroblewitz!!!

 Ito ay matapos i-like ni JK ang birthday post ni Maureen para sa boyfriend nito, kung saan sinabi ni Mau na “Thank you for making me feel like I’m the luckiest girl in the world.”

 Pagkatapos nito ay nag-post naman ang singer ng “Hahahahahaha ganun pala pakiramdam,” sa kanyang Facebook atsaka plinug ang bago nitong kanta.

 Dahil dito ay naging usap-usap na naman ang dalawa dahil sa umano’y pagpaparinig ni JK.

 Nabatid na nag-break ang dalawa noong 2022 habang na-hard launch naman si JK ng kanyang rumored new girlfriend at singer-songwriter na si Dia Maté.

Usap-usapan ngayon sa social media ang ex-husband ni Moira Dela Torre na si Jason Hernandez matapos lumabas sa internet ang “lowkey picture” nito kasama ang kanyang tila bagong girlfriend.

Nabatid na nag-post ng larawan ang mommy ng umanong bagong girlfriend ni Jason kung saan naka-angkla ang babae sa balikat nito.

Nung una ay inakala pa ng ilan na si Moira ang babae ngunit dahil sa pagiging mabusisi ng mga fans ay napag-alamang magkaibang tao ito.

Agad din naman itong kinumpirma ni Moira sa pamamagitan ng pagrereply sa isang comment ng kanyang fan sa instagram.

Nabatid na kinumpirma ni Moira ang kanilang hiwalayan noong Pebrero dahil sa hindi umano pagiging faithful ni Jason.

Inanunsiyo ng pamilya ng aktor na si Bruce Willis na tinamaan ito ng sakit na tinatawag na Frontotemporal Dementia (FTD).

 Ayon sa Mayo Clinic, ang FTD ay ang umbrella term para sa mga sakit sa utak na pangunahing nakakaapekto sa frontal at temporal na lobe. Ang mga naturang bahaging ito ng utak ay karaniwang nauugnay sa personalidad, pag-uugali at wika.

 Samantala, iniyahag rin ng pamilya  ni Bruce na sa kasalukuyan ay wala pang gamot para sa nasabing sakit.

 Mababatid na nakabilang si Willis sa mga sikat na pelikula na ‘die hard’, ‘pulp fiction’ at ‘the sixth sense’.

Muling nakatanggap ng parangal ang Filipina Actress na si Dolly De Leon para sa pagganap niya bilang Abigail sa pelikulang “Triangle of sadness.”

Nanalo si De leon ng best actress sa kaniyang supporting role sa Guldbagge Awards.

Maliban sa award, nasungkit ng nasabing pelikula ang best movie, best direction, best costume design at iba pa.

Nabatid na ginanap ang naturang awarding ceremony sa Sirkus sa Stockholm, Sweden.