Engaged na sa kanyang non-showbiz boyfriend ang aktres na si Valerie Concepcion.
Sa kanyang intagram, ipinost ni Valerie ang larawan nila ng kanyang fiance suot ang kanyang engagement ring.
Ayon kay Val, hindi siya makapaniwala sa masayang bagong yugto na ito ng kanyang buhay.
Sinabi nito na sulit ang kanyang paghihintay dahil dumating naman ang lalakeng kanyang ipinagdarasal.
Si Valerie ay mayruon nang 14-year-old na anak na babae sa kanyang dating karelasyon.
“>
Tila nagpahiwatig na ang magkasintahang Luis Manzano at Jessy Mendiola na ikakasal na sila.
Sa instagram stories ni Luis, mapapanood na kinakausap nito si Jessy habang pinaplano ang kanilang pag-iisang dibdib.
Tinanong ni Luis si Jessy kung ano ang kanilang pinag-uusapan at tumugon naman si sexy actress na color theme wedding.
Nang itanong naman ni Luis kung kaninong wedding, ay sumagot si Jessy ng.. “Natin.”
Samantala, sinabi ng ina ni Luis na si Star for All Season Vilma Santos na hinihintay na lang niya ang kasal ng panganay na anak at nobya nitong si Jessy.
Maliban dito, nagpahaging na rin ang ama ni Luis na si Edu Manzano sa pagnanais na magkaroon ng apo.
Umaasa ang kapamilya star na si Anne Curtis na matutuloy na ang honeymoon nila ng kanyang asawang si Erwan Heusaff.
Ayon kay Anne, sa katunayan ay naiinip na rin si Erwan at sa katunayan ay nagtext pa ito sa kanya at nagtatanong kung kailan muli ang kanialng dinner na silang dalawa lang.
Aminado naman si “Anne-kabogabol” na isang taong delayed ang kanilang honeymoon kaya’t sa pagkakataong ito ay itutuloy na nila ito sa Nobyembre dahil may oras na siya para sa kanyang mister.
Sa South Africa anya ang kanilang magiging honeymoon at excited na sila sa mahabang break na matagal hinintay at naunsyami dahil sa tambak na project.
Bukod sa Showtime at katatapos lamang na concert, abala rin si Anne sa pag-po-promote ng kanyang kauna-unahang international action movie na “Buy-Bust.”
Naging usap-usapan noong nakaraang linggo na nililigawan daw ni Ruru Madrid si Bianca Umali ngunit itinanggi ito ng aktor.
Anya, magkaibigan lamang sila ni Bianca at lumabas lang ang espekulasyon dahil naging close pa sila at magkatrabaho sa programang “Sunday Pinasaya’”.
Dagdag pa ng aktor, kilala niya daw si Bianca at hindi pa ito handang pumasok sa isang relasyon.
Samantala, ang dating ka loveteam naman ni Ruru na si Gabbi Garcia ay nililigawan naman ngayon ni Kapamilya Actor Khalil Ramos at masaya naman si Ruru para kay Gabbi.
Posibleng masundan pa ang pagpo-produce ni Erich Gonzales ng mga pelikula.
Kasunod ito ng matagumpay na pagpapalabas ng pinagbidahang action film na “We Will Not Die Tonight” kung saan siya rin ang producer.
Ayon kay Erich, matapos ng nasabing pelikula mas lumalim pa ang interes niya na magtrabaho sa likod ng camera.
Sinabi ni Erich na handa siya muling mag-produce basta aniya may maganda at kakaibang istorya kahit pa hindi siya ang bumida rito.
Dagdag pa ng aktres, sakaling magkaroon din siya ng oras, balak niya ring mag-aral ng film sa ibang bansa at posibleng magsimula na rin sa pagsusulat ng mga istorya o konsepto.
Kuwento pa ng aktres, bagama’t sobrang dami ng kanilang napagdaanang hirap sa paggawa ng pelikulang We Will Not Die Tonight, maipagmamalaki niyang sulit naman aniya ito.
Nangako ang singer na si Demi Lovato na sisikapin niyang magbago para tuluyang gumaling mula sa pagkakakulong sa droga.
Ayon ito mismo kay Lovato sa isang post niya sa kaniyang social media account matapos ma overdose sa droga nuong nakalipas na buwan.
Nagpasalamat ang singer sa staff ng Cedars Sinai Medical Center sa California kung saan siya na confine matapos matagpuang walang malay sa kaniyang bahay nuong July 24 dahil sa opioid overdose.
Hindi rin nakalimutan ni lovato na pasalamatan ang kaniyang fans sa patuloy na suporta at umaasa siyang muling makakabalik sa pag awit.
Hindi naman nabanggit sa report kung tuluyang ipapasok sa rehabilitation si Lovato subalit napaulat na nasa isang live in facility na ang singer.
Inamin mismo ni Lovato ang ilang taon niyang substance abuse at pagsailalim sa treatment kaugnay naman sa kaniyang bipolar disorder at bulimia.
Excited na ang aktres na si Anne Curtis sa nakatakdang biyahe nila ng kanyang asawang si Erwan Heussaff papuntang South Africa.
Ito ay dahil ang nasabing out of the country trip ang magsisilbing unang honeymoon nilang mag-asawa mag-iisang taon matapos ikasal noong November 2017.
Ayon kay Anne, excited siya dahil pinayagan siyang mag-leave nang mahaba sa trabaho at ibigay ito para makasama ang asawa.
Kwento ni Anne, matapos ng sobrang busy niyang schedule dahil sa sunod sunod na proyekto kabilang ang pelikulang “Buy Bust” at “Annekulit concert” ay wala na siyang gaanong susunod na trabaho bukod sa “Showtime”.
Gayunman sa ngayon, pinagkaka-abalahan muna ni Anne ang paghahanda sa kanyang konsyerto na “Annekulit: Promise Last Na’to” concert sa darating na Agosto 18 sa Araneta Coliseum.
Naghahanda na ang Kapamilya Star na si Piolo Pascual para sa kanilang upcoming film na “Children of the Lake” ng kapwa Kapamilya at action star na si Robin Padilla.
Ayon kay Piolo, ang nabanggit na pelikula ay hango sa Marawi siege at tunay na naganap sa limang buwang digmaan.
Inihayag ni Papa P. na gaganap siya bilang isang sundalo at team leader nila si Robin kasama ang aktres na si Mylene Dizon.
Puspusan na aniya ang kanilang training para sa gun handling at iba pang action stunts.
Aminado si Piolo na nag-e-enjoy sa mga action scene tulad sa mga nakaraan niyang gaya ng ABS-CBN teleserye na “Lobo” noong 2008.
Malaking hamon naman para sa cast ng “Children of the Lake” na gawin ang shooting sa actual ground zero sa Marawi City.
Isa si Piolo sa mga co-producer ng nabanggit na pelikula na i-di-direct naman ni Joyce Bernal.
Samantala, handa naman si Papa P. para sa posibleng pagtatambal muli nila ni Claudine Barretto sa isang pelikula.
Itinanggi ng actress turned beauty queen na si Winwyn Marquez ang espekulasyong engage na sila ng boyfriend na si Mark Herras.
Ito ay matapos na mapansin ang suot na diamond studded ring ni Winwyn sa kanyang pagdalo sa presscon ng kanilang pelikula ni Vhong Navarro.
Ayon kay Winwyn ang suot niyang singsing ay ibinigay ni Mark pero hindi aniya ito engagement ring.
Hindi pa rin aniya nag-popropose sa kanya ang aktor.
Pag-amin pa ni Winwyn, sinabihan niya rin si Mark na sa ngayon ay hindi pa siya handang magpakasal lalo’t kasisimula pa lamang ng pag-angat ng kanyang career.
Tiniyak naman aniya sa kanya ni Mark na nakahanda itong mag-hintay hanggang maging handa na siyang mag-settle down.
Dagdag pa ni Winwyn, wala rin silang nagiging problema ni Mark lalo’t napaka-supportive din aniya ito sa kanyang career.
Matapos ang mga sunud-sunod niyang film projects, magbabalik teleserye na si Bea Alonzo.
Ayon kay Bea na kanyang makakatambal sa unang pagkakataon ang aktor at dating Kapuso na si Richard Gutierrez na huling gumawa ng pantaserye na La Luna Sangre.
Kwento ni Bea, magsisimula na sila ng shooting para sa naturang teleserye ngunit tumanggi na itong magbigay pa ng ibang detalye.
Hindi rin pin pinangalanan ni Bea sa kung sino ang kanilang magiging direktor sa naturang proyekto. samantala, maliban sa bagong teleserye, pinagkaka-abalahan din ngayon ni Bea ang kanyang pagbabalik eskwela bilang culinary student.
Kasalukuyang kumukuha si Bea ng baking and pastry arts course sa isang culinary school sa Quezon City.