ENTERTAINMENT

Aminado ang Pambansang Bae na si Alden Richards na pinag-iisipan na niya ang pansamantalang pagliban sa Eat Bulaga.

Ito’y dahil sa panibagong project at ikalawang solo concert ni Alden na Adrenalin Rush ngayong buwan.

Ayon kay Alden, nadagdagan ang kanyang workload dahil sa naturang proyekto at inamin ding wala ng oras para sa sarili at maka-bonding ang ka-love team na si Maine Mendoza.

Gayunman, nilinaw ng bente sais anyos na aktor na babalik naman siya sa noontime show at mga hamon lamang bilang isang artista ang sabay-sabay na trabaho.

Samantala, kung magkakaroon ng pagkakataong makapagpahinga nang matagal, nais ng Pambansang Bae na magbakasyon muli sa Japan.

Bukod sa Fanta-seryeng Victor Magtanggol, magiging abala na simula ngayong linggo si Alden para sa preparasyon ng Adrenalin Rush Concert  sa Kia theater sa September 21.

Soon…

A post shared by Alden Richards⚡️ (@aldenrichards02) on Sep 1, 2018 at 2:52am PDT

Inamin ng ‘Teen Queen’ na si Kathryn Bernardo na nagulat siya sa ginawang pagbubunyag ni Daniel Padilla sa tunay na estado ng kanilang relasyon.

Sa pagtatanong kasi ng showbiz reporters kay Daniel, umamin itong sila na ni Kathryn at limang taon na rin silang magkarelasyon.

Ayon kay Kathryn, hindi niya ito inaasahan lalo’t halata naman na aniya o open secret ang kanilang pag-iibigan ni Daniel.

Gayunpaman, natuwa na rin si Kathryn sa nangyari dahil ngayon alam na ng lahat ang tunay na estado ng kanilang relasyon ni Daniel ay wala na aniya silang dahilan pa para itago at iwasan ang mga tanong tungkol sa kanilang pag-iibigan.

Ikinatuwa rin ng teen actress ang pagbabago ng isip ni Daniel na magkaroon sila ng beach wedding sa halip na church wedding.

Kwento ni Kathryn, siya ang may gusto at pangarap aniya niyang makasal sa beach.

Primo and George, sana mas marami pa kayong matulungan sa kwento nyo ❤️ thank you for letting us share your beautiful love story. #TheHowsOfUs Yohan

A post shared by Kathryn Bernardo (@bernardokath) on Aug 31, 2018 at 11:29am PDT

Bitter sweet symphony

A post shared by Daniel (@supremo_dp) on Jul 21, 2018 at 8:21am PDT

Wala pang oras ang TV host na si Gretchen Ho para umibig muli.

Ito ayon kay Ho ay dahil loaded siya sa kaniyang trabaho sa telebisyon na magsisimula ng alas-3:00 ng madaling araw bilang paghahanda sa morning show na Umagang Kayganda.

Sa katunayan, sinabi ni Ho na ang hinahanap niya ay sapat na pahinga lalo na ng tulog dahil sa dami ng kaniyang trabaho.

Inihayag pa ni Ho na determinado siyang mag-focus muna sa kaniyang career kahit pa mahigit isang taon na siyang walang lovelife matapos makipag-break sa kapwa Kapamilya host na si Robi Domingo.

Tila tikom naman ang bibig ni Ho sa balitang nililigawan siya ng kaibigan ni Kris Aquino na si Atty. Gideon Peña na aniya’y kaibigan naman niya at naka-dinner niya kasama ang iba pa nilang friends.

—-

Halos siyamnapu’t pitong milyong piso na ang kita sa worldwide ticket sales ng action film ng Kapamilya Star na si Anne Curtis.

Ito, ayon sa Reality Entertainment, producer ng naturang pelikula, ay  simula nang magbalik sa mga sinehan ang naturang obra  ni Direk Erik Matti na co-produced ng Viva Films.

Kasama ni Anne sa Buy-Bust ang kapwa Kapamilyang si Arjo Atayde at Filipino-American mixed martial arts star Brandon Vera.

Ipinalabas ang pelikula sa loob ng dalawang linggo simula noong Agosto 1 subalit nagbigay-daan para sa 2018 Pista ng Pelikulang Pilipino.

Noong lamang Agosto 22, nagbalik sa mga sinehan ang Buy-Bust.

Nina Mañigan: “Mamili ka? Manonood ka ngayon o bukas?” BUYBUST. Last 3 days to catch our film. #BuybustMovie #GraciaNiMaria : @dinoplacino

A post shared by Anne Curtis (@annecurtissmith) on Aug 12, 2018 at 1:05am PDT

Last weekend for Buy Bust!!! hope you guys can still catch it #BuyBustMovie : @markednicdao

A post shared by Juan Carlos Atayde (@arjoatayde) on Aug 11, 2018 at 7:12am PDT

Malabo pa sa ngayon ang posibilidad ng pagsasama nina Direk Cathy Garcia Molina at JaDine na binubuo nina James Reid at Nadine Lustre.

Ayon kay Molina, may iba pa kasing Kapamilya loveteam ang posibleng i-prioritize bago ang JaDine.

Aniya, posibleng unahin pa ang panibagong pelikula ng love team nina Liza Soberano at Enrique Gil o LizQuen at ang JoshLia nina Joshua Garcia at Julia Barreto.

Gayunman, hindi isinasara ni Molina ang posibilidad na i-direk ang JaDine.

Sa ngayon, meron pang tatlong pelikula ang posibleng gawin ni Molina bago magretiro kasunod naman ng pelikulang “The Hows of Us” ng KathNiel love team.

Ibinalita ni Heart Evangelista ang pagiging bahagi niya ng pamilya ng isang sikat na designer bag sa Paris.

Sa kaniyang Instagram account, ipinost ni Heart ang kaniyang litrato bitbit ang handbag at makikita ang background niyang Eiffel Tower.

Sinabi ni Heart sa caption na masaya siyang ibahagi sa lahat ang pagiging bahagi ng Sequoia Paris Family na kilalang gumagawa ng mga leather bag, hand bag, purse at iba pang leather goods.

Inamin ng misis ni Senator Chiz Escudero na matagal na siyang fan ng leather handbags ng nasabing kumpanya kayat malaking karangalan sa kaniya na maging bahagi ng isang luxury French label.

—-

Napuno ng mga bituin mula sa show business at maging ng mga kilalang pulitiko ang pagdiriwang ng ika-walumpung kaarawan ng regal matriarch na si Mother Lily Monteverde kagabi.

Kabilang sa malalaking tao na dumating sa party si dating Pangulong Noynoy Aquino na inaalala ang pagkakaibigan nina Mother Lily at ng kanyang yumaong ina na si dating Pangulong Cory Aquino.

Dumalo rin sa pagdiriwang sina Lipa City Representative Vilma Santos na nakakatagpo pa si Angel Locsin na dating nobya ng anak nito na si Luis Manzano.

Dumating rin sina Sharon Cuneta, Susan Roces, Maricel Soriano at ibang big stars.

Lahat naman ng mga nagsidalo ay tumatanaw ng utang na loob kay Mother Lily na malaki ang naitulong sa kani-kanilang mga career.

Kabilang naman sa mga naging highlight ang sopresang pagdalo ni Vice Ganda at pag-awit ni Gary Valenciano ng kantang ‘Go the Distance’ kung saan naiyak si Mother Lily.

Naging agaw-eksena naman sa party ang pagdating ni PCOO Assistant Secretary Mocha Uson, dating First Lady Imelda Marcos, dating Senador Jinggoy Estrada, Korina Sanchez at Presidential Legal Adviser Sal Panelo.

—-

Nagpakasal na ang aktres na si Nikki Valdez sa kanyang non-showbiz fiancé na si Luis Garcia sa Hongkong.

Suot ang puting wedding gown na likha ni Rajo Laurel, ipinasilip ni Nikki sa Instagram ang ilang larawan mula sa kanilang kasal.

Disyembre a-bente singko o Pasko noong isang taon nang ma-engaged ang dalawa sa Vigan, Ilocos Sur.

Una nang nagpakasal ang aktres sa Filipino-Canadian na si Christopher Lina sa isang civil ceremony noong Pebrero a-katorse 2017.

Nag-isang dibdib din ang dalawa sa simbahan sa Maynila noong July 7, 2007 at nagkaroon ng isang anak na babae.

Gayunman, naghiwalay sina Nikki at Christopher noong 2009 at nag-diborsyo noong 2011.

Cannot ask for anything more. I love you, Jesus. Thank you for giving me the best day of my life. Official photos from @niceprintphoto coming soon! #TheGarciasYouMeInfinity

A post shared by Nikki Valdez Garcia (@nikkivaldez_) on Aug 18, 2018 at 10:04am PDT

May bagong inspirasyon ngayon ang mega daughter na si KC Concepcion.

Sa kanyang Instagram account, inamin ni KC na kasalukuyan siyang nakikipagdate sa isang non showbiz foreigner na aprubado naman ng kanyang pamilya.

Ibinahagi rin ni KC ang larawan nito na kinilalang si Pierre Emmanuel Plassart na isang Los Angeles based director, writer at producer.

Gayunman wala pang kumpirmasyon mula kay KC kung opisyal na nga silang magkarelasyon ng kanyang special friend.

Magugunitang nitong mga unang buwan ng taon nang aminin ni KC na hiwalay na sila ng dating boyfriend na si Aly Borromeo ng Azkals matapos ang tatlong taong relasyon.

Pumirma sa kanyang kauna-unahang exclusive contract sa Kapamilya Network ang aktres na si Beauty Gonzales.

Ayon kay Beauty, hindi niya maipaliwanag ang saya at excitement na naramdaman nang mabigyan ng kontrata matapos ang ilang taon sa bakuran ng Kapamilya network.

Sinabi pa ni Beauty, kabilang sa kanyang magiging unang proyekto kasunod ng contract signing ang isang teleserye.

Magugunitang, nitong mga unang buwan nang taon, nabalita ang pag-oover da-bakod  na umano ni Beauty sa Kapuso Network pero matapos lamang ang dalawang buwan ng kanyang launching ay nagbalik ito sa Kapamilya Network.

My Kapamilya. My first contract with ABS/CBN and I’m feeling mighty fine. What kinda roles would you like to see me in, Drama or Comedy?? Just don’t make me dance please! Thank you @effieinigo for my makeup.

A post shared by Christine Gonzalez-Crisologo (@beauty_gonzalez) on Aug 16, 2018 at 4:29pm PDT