Ang Pinay beauty queen na si 2015 Miss Universe Pia Wurtzbach ang kauna unahang Pilipinong magkakaroon ng wax figure sa Madame Tussauds (too-shods) sa Hong Kong.
Inanunsyo ito mismo ng Miss Universe 2015 sa kaniyang Instagram at sinabing sa susunod na taon ay masisilayan na ang kaniyang wax figure sa nasabing Wax Museum.
Kinumpirma rin ito ng pamunuan ng naturang museum.
Ang madame tooshods at unang binuksan sa London bago sa iba’t ibang bahagi ng mundo kabilang ang Hong Kong noong taong 2000.
Wala umanong plano ang aktres na si Kris Aquino na tumakbo sa pagka-senador.
Ito ang nilinaw ng dating presidential sister at daughter matapos mapabilang ang kanyang pangalan sa senatorial survey ng Pulse Asia para sa 2019 midterm elections.
Bagaman pasok si Kris sa 19 to 23 rank, ipinaliwanag ng ‘Queen of All Media’ na mas pinagtutuunan niya ng pansin ang kanyang financial dealings at endorsement contracts.
Maka-ilang beses na ring binanggit ni Kris na alinsunod sa kanyang mga endorsement contract ay bawal siyang pumasok sa pulitika.
Aniya, hindi rin niya kakayaning pumasok sa pulitika lalo’t single parent siya at hindi rin patas para sa kanyang pinsan na si Senador Bam Aquino ang pagkakasama sa survey.
Umulan ng pagbati para kay Sunshine Cruz kasunod ng finality ng annulment ng kanyang kasal kay Cesar Montano.
Kabilang sa mga bumati kay Sunshine ay ang kanyang pinsan na si Geneva Cruz at mga kaibigan na sina Ara Mina, Samantha Lopez at Ana Roces.
Isa namang netizen ang ang nagpayo kay Sunshine na i-enjoy muna ang kanyang pagiging single at huwag na munang magpakasal sa kanyang boyfriend na si Macky Mathay.
Sinagot naman ito ni Sunshine na mangyayari lamang naturang kasal, in God’ perfect time.
Lalong umugong ang tsismis na engaged na si Sunshine Cruz sa kanyang boyfriend na si Macky Mathay.
Ito’y makaraang magpakita ng larawan sa Instagram si Cruz na may suot na diamond ring kaya’t pinaniniwalaang malapit na silang ikasal ni Mathay.
Agad ding inulan ng wedding questions mula sa kanyang fans si Cruz pero mariin niya itong pinabulaanan.
Sa panayam ng entertainment website na PEP o Philippine Entertainment Portal, ipinaliwanag ni Sunshine na abala siya ngayon sa trabaho at sa pag-aalaga sa kanyang mga anak.
Sinasabing sina Cruz at Mathay ay magkarelasyon na mula pa noong 2016.
Plano nang lumagay sa tahimik ni Kapamilya actor Vin Abrenica sa kanyang longtime girlfriend na si Sophie Albert.
Ayon kay Vin, naniniwala siyang hindi magiging hadlang ang pagpapakasal para maabot ang kanya kanya nilang pangarap.
Sinabi pa ng aktor na anytime ay handa na aniya siyang magpakasal sa nobya.
Malaking bagay aniya na mahal ng kanyang pamilya si Sophie.
Matatandaang nagkakilala sina Vin at Sophie sa reality show ng TV 5 na Artista Academy noong 2012 at naging magkasintahan pagsapit ng 2013.
Trending sa social media ang debut ng unica hija ng aktor na si Ormoc City Mayor Richard Gomez at Leyte 4th District Rep. Lucy-Torres Gomez na si Juliana, kagabi.
Isang disco-themed dance party ang sumalubong kay Juliana sa halip na maging tradisyunal na may cotillion o first at last dance tuwing 18th birthday.
Nagdiwang ang unica hija ng dalawang celebrity royalty sa Bench tower sa Bonifacio Global City, Taguig suot ang floral mini dress na idinesenyo ni Randy Ortiz, na paboritong designer ng kanyang mommy.
Aminado si Juliana na binigyan siya ng kalayaan ng kanyang nanay na mag-desisyon para sa kanyang kaarawan.
Bukod kina Goma at Lucy, namataan din sa party ang ilang anak ng mga kapwa showbiz royalty gaya ng magkapatid na sina Julia at Claudia baretto at kambal na sina Mavy at Cassy Legazpi.
Kinumpirma ng aktres na si Marian Rivera na tatakbo sa 2019 elections ang asawang si Dingdong Dantes.
Pinatunayan ni Marian sa harap ng media ang mga ispekulasyon na mayroong political ambitions ang kanyang asawa ngunit sabay din na kinlaro na hindi pa nito alam kung anong partikular na posisyon ang hinahangad ng Kapuso actor sa halalan.
Hindi ko alam kung anong position, pero definitely, yes, tatakbo siya. Pahayag ni Marian
Dagdag pa ni Marian, susuportahan niya ang kanyang asawa sa mga plano nito sa hinaharap. Maghintay na lamang aniya ang publiko para sa opisyal na anunsyo sa pagkandidato nito.
Panget siguro kung sa akin manggagaling. Wala pa kaming usap na one-on-one o heart-to-heart kasi busy siya sa mga pinupuntahan niyang foundation niya. Siya mismo, ilatag niya sa inyo, kung tatakbo ba siya o hindi at kung anong posisyon. Paliwanag ni Marian
Matatandaan na itinalaga ni dating Pangulong Noynoy Aquino bilang commissioner-at-large ng National Youth Commission si Dingdong Dantes.
Isang baby girl ang ipinagbubuntis ng aktres na si Nathalie Hart.
ito ang kinumpirma ni Hart sa kanyang instagram account kung saan ipinakita pa niya ang kanyang baby bump.
Inamin din ng Kapamilya actress na limang buwang buntis na plano niyang pangalanang penelope ang kanilang unica hija ng Indian fiance na si Mayank Sharma.
Nito lamang Hulyo nang aminin ng aktres ang kanyang pagdadalang-tao.
Bagaman naiyak pa noong madiskubreng buntis ay inihayag ng dating Starstruck avenger na isa itong malaking blessing.
View this post on InstagramMissing my partner in life and enemy.
A post shared by Nathalie Hart (@imnathaliehart) on
Balik Kapuso network ang aktor na si Rayver Cruz.
Kumpirmasyon na rin ito ng mga ispekulasyon hinggil sa pag-ober da bakod ni Rayver matapos mamataan sa compound ng GMA Network Center noong nakalipas na linggo.
Itinuturing naman ni Rayver na panibagong simula ang pagbabalik niya sa GMA makalipas ang sampung taon.
Sinabi ng aktor na bukod sa pagsasayaw ay nais niyang gumaling pa sa pag-arte.
Taong 2004 nang pumirma si Rayver ng kontrata sa Star Magic na talent management agency ng ABS-CBN.
Huling napanood si Rayver sa natapos nang serye ng Kapamilya network na Bagani.
Ikakasal na si Bagani Star Makisig Morales sa kanyang beauty queen girlfriend.
Nitong weekend, ibinahagi ni Makisig ang larawan nila ng kanyang half – Filipino – half Australian Girlfriend na si Nicole Joson kung saan ipinakilala niya ito bilang kanyang fiance.
Kasabay nito, nag post naman si Nicole ng larawan ng kanilang mga kamay kita ang singsing nito at ang dinner plate na may nakasulat na “will you marry me”.
Hindi tinukoy kung gaano na katagal ang relasyon ng dalawa ngunit nabanggit na nasa wastong gulang o legal age na ang mga ito para magpakasal.