ENTERTAINMENT

Matapos ang mga sunud-sunod niyang film projects,  magbabalik teleserye na si Bea Alonzo.

Ayon kay Bea na kanyang makakatambal sa unang pagkakataon ang aktor at dating Kapuso na si Richard Gutierrez na huling gumawa ng pantaserye na La Luna Sangre.

Kwento ni Bea, magsisimula na sila ng shooting para sa naturang teleserye ngunit tumanggi na itong magbigay pa ng ibang detalye.

Hindi rin pin pinangalanan ni Bea sa kung sino ang kanilang magiging direktor sa naturang proyekto. samantala, maliban sa bagong teleserye, pinagkaka-abalahan din ngayon ni Bea ang kanyang pagbabalik eskwela bilang culinary student.

Kasalukuyang kumukuha si Bea ng baking and pastry arts course sa isang culinary school sa Quezon City.

Inamin ni Robi Domingo na may dini-date siya ngayon na isang non-showbiz girl.

Ito ay nangyari mahigit isang taon matapos ang napabalitang hiwalayan nila ng dating volleyball player at ngayo’y TV host na si Gretchen Ho.

Ayon kay Robi, ayaw muna niya masyado mag detalye ng mga pangyayari sa kanyang lovelife dahil gusto muna niya ito manatiling pribado.

Pero ayon kay Robi, very unexpected ang mga pangyayari at mas masaya at better ang kanyang buhay pag-ibig ngayon.

Magkasamang nagbakasyon sa Japan ang magkasintahan na sina Sarah Geronimo at Matteo Guidicelli.

Ayon kay Matteo, doon nila napiling ipagdiwang ang ika-tatlumpung kaarawan ni Sarah.

Hindi naman na nagdagdag pa ng detalye si Matteo hinggil sa kanilang naging biyahe sa Japan dahil gusto sana niya ito manatiling pribado.

Pero ayon kay Matteo, napaka-‘unforgettable’ ng kanilang bakasyon at sana maulit ito.

Tingin tuloy ng ilan ay duon na nagpro–pose si Matteo kay Sarah, na apat na taon na niyang kasintahan.

Ikinatuwa ni Binibining Pilipinas Universe 2018 Catriona Gray ang anunsyong gaganapin ang Miss Universe ngayong taon sa Thailand.

Ayon kay Catriona, malapit lang kasi aniya ang Thailand sa Pilipinas at hindi niya na kailangan pang mag-apply ng visa para pumunta roon.

Bukod dito ilang beses na rin aniya siyang nagpapabalik balik sa Thailand at sobrang love niya ang nasabing bansa.

Samantala sinabi naman ni Catriona na patuloy pa rin ang kanyang paghahanda at training para sa darating na pageant.

pag-Amin pa ni Catriona na isa siyang perfectionist at hindi talaga siya humihinto sa pagpapa-improve sa sarili kung nakikita niyang meron pa siyang dapat matutunan at dapat pagbutihin.

Una nang inanunsiyo ng Miss Universe Organization na nakatakdang ganapin ang pageant sa December 16, 2018 sa Bangkok, Thailand.

Game ang aktor na si Jericho Rosales na muling makasama sa isang proyekto ang dating kasintahan at ka-love team na si Kristine Hermosa.

Kasunod ito ng muling pagbabalik ni Kristine sa pag-arte.

Ayon kay Echo, walang problema sa kanya kung muli silang pagsasamahin ni Tin.

Pabiro pang sinabi ni Echo na puwede siyang mag-guest ngayon sa teleseryeng bagani kung saan kabilang ang aktres.

Kasabay nito sinabi ni Echo na masaya siya sa pagbabalik telebisyon at pag-arte ni Tin.

Aniya, siguradong nag-eenjoy din si Kristine sa kanyang ginagawa ngayon kahit noon ay sinabi nitong ayaw niya nang bumalik sa showbiz para makapag-focus sa kanyang pamilya.

Nilinaw ng aktor na si Sam Milby na matalik lamang silang magkaibigan ni Angelica Panganiban.

Ito ay sa gitna na rin ng mga panunukso sa dalawa na tila higit pa sila sa magkaibigan lalut pareho silang single.

Ayon kay Sam, sobrang close lamang sila ni Angelica at madalas talagang magbiruan.

Sa katunayan aniya ay ipinopost pa ni Angelica sa kanyang Instagram account ang biruan nilang dalawa na kunwari ay sobrang sweet sa isa’t isa.

@brightbulbproductions my sundays will be like this from now on ☺️ #kylaqueenofrnb

A post shared by Angelica Panganiban (@iamangelicap) on Jan 7, 2018 at 8:10am PST

Thank you Victorino’s and ignite sounds and light for supporting the launch of our production house and the launch of Malaya’s music video. And of course to all the bloggers and friends from the press who came and enjoyed our very chill dinner party last night. Looking forward to celebrate more of each and everyone’s success with all of you guys ❤️ Moira Dela Torre’s Malaya video is now up on YouTube. Search and watch and cry and love and move on with us ❤️ @brightbulbproductions congratulations again

A post shared by Angelica Panganiban (@iamangelicap) on Nov 20, 2017 at 11:12pm PST

Who’s excited to see the behind the scenes of Malaya Music Video? kapit lang guys. And subscribe to our YouTube channel @brightbulbproductions for updates.

A post shared by Angelica Panganiban (@iamangelicap) on Nov 23, 2017 at 12:46am PST

Dagdag pa ni Sam, ini-enjoy lamang nila ni Angelica ang kanilang pagkakaibigan.

Gayunman sinabi na Sam na hindi naman niya isinasara ang posibilidad na maging more than friends sila ni Angelica sa hinaharap pero sa ngayon mas masaya aniya sila bilang magkaibigan.

—-

Inamin ng aktres na si Janine Gutierrez na pinangambahan niya ring baka ma-bash siya matapos i-pares sa aktor na si Alden Richards sa kanilang pagbibidahang teleserye.

Ayon kay Janine, alam niyang sobrang loyal ng mga fans ng ALDUB o nina Alden at Maine Mendoza kung saan nagagalit ang ito kapag ipinapares sa iba ang dalawa.

Gayunman, nagpapasalamat si Janine na wala pa naman siyang gaanong natatanggap na bash lalo’t una nang pinaki-usapan ni Alden ang mga fans ng ALDUB.

Sinabi pa ni Janine, ngayong magsisimula nang umere ang kanilang teleserye ni Alden, hindi na rin aniya mahalaga kung may mga bashers dahil ang mahalaga aniya ay maayos ang samahan nilang mga cast sa isa’t isa.

Dagdag pa ni Janine, hindi na rin aniya siya masyadong nasasaktan at apektado sa mga natatanggap na komento.

Aminado ang veteran 90’s star na si John Estrada na hindi na niya ikinagulat ang pagpasok sa relasyon ng isa sa mga anak nitong dalaga kay Janice de Belen na si Inah.

Ayon kay John, bagaman nasa tamang edad na si Inah, hindi ito nangangahulugang dapat madaliin ang pag-aasawa lalo’t nagpahiwatig na ang kanyang anak nang posibleng pagpapakasal sa ka-relasyong si Jake Vargas.

Payo niya sa dalaga, i-enjoy muna nito ang relasyon kay Jake dahil madaling magpakasal subalit hindi biro ang pag-aasawa.

Gayunman, sakali aniyang magdesisyon ang anak na bumuo ng sariling pamilya ay irerespeto niya ito sa ayaw at gusto dahil bahagi ito ng buhay.

Sa ngayon ay abala si John sa kanyang papel bilang si Loki, ang kontrabida karakter ng bidang si Alden Richards na  gumaganap naman  bilang si Victor Magtanggol sa GMA-7.

Happy birthday to the one who holds my heart @jhake you are such a blessing and I thank God everyday for you ❤️

A post shared by Inah de Belen Estrada (@inah) on Jul 8, 2018 at 9:03pm PDT

Hindi na matutuloy ang Manila concert ni Charlie Puth na nakatakda sana sa Nobyembre.

Ayon sa promoter nitong MMI Live, ikinalulungkot nilang hindi na matutuloy ang “Voicenotes” tour ng American singer/songwriter dahil sa anila’y hindi inaasahang pangyayari.

Gayunman, hindi naman na nagbigay ng dahilan o ano pa mang detalye ang promoter.

Gayunman, ang mga nakabili na ng ticket para sa concert ni Charlie Puth ay maaaring makapagpa-refund simula ngayong araw.

Nakahanda na si pambansang bae Alden Richards na umibig at pumasok sa isang relasyon sakaling mahanap niya na ang kanyang The One ngayong taon.

Ayon kay Alden, bagama’t tiyak na magiging abala siya lalo’t magsisimula nang ipalabas ang kanyang pinabibidahang serye, sinabi ng aktor na kinakailangan niya nang bigyan ng panahon ang buhay pag-ibig.

Pag-amin naman ng pambansang bae, wala pa siyang idinidate ngayon at libreng maghanap ng iibigin.

Sinabi pa ni Alden, hindi niya rin isinara ang pintuan sa posibilidad na ma-in love sa kanyang co-stars gayundin sa kababaihan sa labas ng showbiz.

Pabiro ring sinabi ni Alden na kanyang hinihiling na hindi maging malamig ang kanyang Pasko sa darating na Disyembre.

—-