Pansamantalang isasara simula ngayong araw, March 21 hanggang 22, ang Building A entry at exit points ng Shaw Boulevard Station upang bigyang daan ang isasagawang improvement activities.
Ayon sa pamunuan ng Metro Rail Transit Line 3 (MRT-3), apektado ng isasagawang pagkukumpuni ang bahagi ng EDSA Shangri-La at ang mga gilid ng Starmall.
Layon nito na ayusin ang bahagi ng pasilidad para sa mas maayos na serbisyo at ikagiginhawa ng mga pasahero.
Inabisuhan naman ng pamunuan ng MRT-3 ang mga commuter na gamitin muna ang entry at exit points sa Building B ng Greenfield Pavilion at ng Parklea Center.