Hinimok ni Senate Comittee on Public Services Chair Grace Poe ang pamunuan ng Metro Rail Transit na magsagawa ng masinsinang technical evaluation sa lahat ng bagon ng kanilang mga tren.
Kasunod nito ng naranasang paglalakad muli ng mga pasahero sa riles makaraang umusok at magliyab ang isa sa mga bumibiyaheng tren nito sa pagitan ng GMA Kamuning at Cubao Stations kahapon.
Kasunod nito, nagbabala ang senadora sa pamunuan ng MRT na aksyunan agad ang nasabing problema at tiyaking hindi na mauulit pa ang kahalintulad na mga insidente kung ayaw nitong mapurnada ang kanilang budget para sa susunod na taon.
Magugunitang iginigiit ng pamunuan ng MRT na ligtas ang kanilang mga tren subalit duda rito ang senador dahil sa sunud-sunod na aberyang naitatala rito sa nakalipas na mga linggo.
—-
