Kinilala ng Time Magazine ang Boracay Island bilang isa sa ‘Greatest Places’ sa buong mundo.
Batay sa ”World’s 50 Greatest Places of 2022” ng Time Magazine, pasok ang isla sa walong destinasyon sa Asya kung saan itinuring ito bilang isang “Paradise Reborn.”
Ang sikat na tourist destination sa bansa ay nakilala dahil sa taglay nitong white-sand beaches.
Ayon sa Times, tinanong nila ang respondents at kanilang contributors sa buong mundo tungkol sa mga lugar na nag-aalok ng bago at exciting experiences.
Samantala, napasama rin sa nasabing listahan ang Seoul sa South Korea, Kerala at Ahmedabad, India; Trans Bhutan Trail sa Bhutan; Resortapalooza ng Bali, Indonesia; at Kyushu Island at Setouchi Islands ng Japan.
