Nasabat ng mga awtoridad mula sa Bureau of Customs port of NAIA ang 1.8 kilo ng high grade na Marijuana na aabot sa higit 2.1 milyon ang street value.
Ito’y sa pamamagitan ng pinagsanib-puwersa ng PDEA, at NAIA Inter-Agency Task Force Drug Interdiction Task Group sa lungsod ng Marikina na nagresulta naman sa pagkakaaresto ng consignee ng naturang parcel na kinilalang si Arthur Antonio.
Mababatid na idineklarang naglalaman ng cookies, balloon at laruan ang naturang parcel na umano’y nagmula sa California, USA.
Dahil dito, nahaharap sa patong-patong na kaso ang mga nasa likod ng naturang parcel.
