Isa na namang bloke ng hinihinalang cocaine ang natagpuan sa dalampasigan ng purok tres, barangay reserva sa bayan ng Baler, lalawigan ng Aurora dakong ala singko kaninang umaga.
Batay sa impormasyong ipinadala sa DWIZ ng Aurora Provincial Police Office, natagpuan ng residenteng kinilalang si Ariel Valenzuela ang nasabing bloke sa naturang dalampasigan na nakabalot ng kulay itim na plastic at mayroong markang “Lexus”.
Agad nakipag-ugnayan si Aurora Provincial Police Director, Police Col. Cosme Abrenica kay Barangay Reserva Chairman Michael Valenzuela para isailalim sa turn-over ang nasabing kontrabando.
Dahil dito, nagsagawa rin naman ng paggalugad ang Aurora PNP sa nasabing dalampasigan kung mayroon pang ibang kontrabando ang inanod duon habang inalerto na rin ang iba pang himpilan ng pulisya sa lugar kaugnay nito.
Kasalukuyan na ring dinala ng Aurora PNP sa Provincial Crime Laboratory ang naturang bloke para isailalim sa kaukulang pagsusuri.
JUST IN: Humigit kumulang isang kilo ng hinihinalang Cocaine, natagpuan sa dalampasigan ng Baler, Aurora | @dwiz882
— ♕Jaymark Dagala♕ (@jaymarkdagala) March 3, 2019
