Nakukulangan ang Food and Drug Administration o FDA sa mga datos ng manufacturer ng Sinovac para sa edad tatlo hanggang 17 taong gulang.
Ayon kay FDA Chief Eric Domingo, hinihingi muli nila ang clinical trial data dahil maliit na sample lamang ang naisumite nito sa ahensya.
Aniya, sakaling maisumite na ang iba pang datos , pag-aaralan itong mabuti ng mga eksperto para makita kung maaari na itong iturok sa nasabing age group.
Magugunitang, Hulyo nang nagsumite ang nasabing manufacturer ng amyenda para sa kanilang eua sa Pilipinas kung saan pinalawig ang pagbabakuna sa edad tatlo hanggang 17.
