Tiniyak ni Gapan City Mayor Emerson Pascual ang tulong sa pamilya ng 14 anyos na si Reynaldo de Guzman na natagpuang patay sa isang creek sa lungsod kamakalawa.
Kaugnay nito, nag-alok ng 200,000 Pisong pabuya si Mayor Pascual sa sinumang makapagbibigay ng impormasyon hinggil sa kaso ng pagkakapatay kay De Guzman.
Samantala, humihingi naman ng tulong ang ina ni kulot na si Lina Gabriel kay Pangulong Rodrigo Duterte at hiniling na bitayin ang mga nasa likod ng pagpatay sa kaniyang anak.
Giit ng ginang, walang ginagawang masama ang kaniyang anak bagama’t ipinabatid sa kaniya ng isang kaibigan ni Kulot na tinukoy lamang sa pangalang M.J na nagplano umano ito kasama si Carl Angelo Arnaiz na mangholdap ng isang taxi.
SMW: RPE
