Lumampas na sa pre-pandemic level ang volume o dami ng mga sasakyan sa EDSA kada araw habang papalapit ang kapaskuhan.
Sa panayam ng DWIZ, sinabi ni Metropolitan Manila Development Authority (MMDA) Chairman Romando Artes, sumampa na sa 417,000 noong November 24 mula sa 405,000 ang bilang ng mga sasakyan sa EDSA kada araw.
Aniya, naglatag na ang ahensya ng preventive measures para sa inaasahang pagdami pa ng mga naturang sasakyan.
Samantala, nilinaw ni Artes na ang ilang road projects na sisimulan ngayong araw ay mag-uumpisa lamang at isasara ng alas-10:00 ng gabi at bubuksan din ng alas-5:00 ng madaling araw upang maiwasan ang mabigat na daloy ng trapiko.
