Halos kalahati lamang ng bilang mga manggagawang Pilipino ang may magandang kalidad ng trabaho sa bansa.
Batay ito sa ulat na inilabas ng United Nations Economic and Social Commission for Asia and the Pacific (ESCAP) na may pamagat na “The Workforce We Need: Social Outlook for Asia and the Pacific”.
Sa nasabing report, lumabas na 40% lamang ng mga Pilipino ang mayroong disenteng trabaho.
Sila ang mga manggagawa doble ang sahod kumpara sa mahihirap na Pilipinong may hindi gaanong kagandang kalidad ng trabaho.
Ang mga trabahong kasama sa good quality jobs ay ang mga nasa electricity, gas, steam at air conditioning supply.
Itinuturing namang less-good quality jobs ang agriculture, hunting, forestry at fishing sectors.
Ang mga disenteng trabaho naman ay ang mayroong patas na oportunidad at pagtrato, dignidad, kaligtasan at kalayaan sa lahat.
