Bagaman nagpapasalamat dahil sa wakas ay naihain na rin ang matagal na nilang hinihintay-hintay na pagsampa ng 3rd batch na PDAF scam case, nakukulangan ang mga whistleblowers sa bilang ng mga nakasuhan.
Ayon sa abogado ng ilang whistleblower na si Attorney Levito Baligod, bakit aniya 9 lamang na mga mambabatas ang kinasuhan gayong batay sa kanyang pagkakaalam ay umaabot sa 29 na mga legislators ang dokumentadong kanilang nainguso na nakinabang sa paglulustay ng PDAF, kasabwat si Janet Lim Napoles.
Dagdag pa ni Baligod, bakit si TESDA Director Joel Villanueva lamang ang nakasama sa 3rd batch gayong sa kanyang pagkakaalam ay mayroon pang dalawang LP na gobernador mula Visayas at Mindanao ang kanilang positibong idinokumentong nakapaglustay din ng PDAF.
By Avee Devierte | Bert Mozo (Patrol 3)
