ABISO SA MGA MOTORISTA!
Kasado na bukas ang bigtime rollback sa mga produktong petrolyo.
Kinumpirma ni Energy Secretary Sharon Garin na aabot sa P4.76 kada litro ang rollback ng gasolina, P9.26 sa diesel, at P10.86 sa kerosene.
Gayunman, naka-depende pa rin sa mga kumpanya ng langis kung susundin nila o hindi ang nakatakdang presyo sa kani-kanilang mga produkto.
Karaniwang nagiging epektibo ang mga pagbabago sa presyo ng langis tuwing Martes, 06:00 ng umaga, ngunit naka-depende rin ito sa bawat oil company. —sa panulat ni Anjo Riñon
