Suko na si House Speaker Feliciano Belmonte sa isinusulong na Economic Cha-Cha.
Kasunod na rin ito nang kabiguang mapagbotohan para sa ikatlong pagbasa ang nasabing panukala, bago ang sine die adjournment ng second regular session.
Gayunman, ipinabatid ni Belmonte na sa third regular session ay pagbobotohan pa rin nila ang iniakda niyang resolution of both houses number 1 subalit simboliko na lamang ito para ipakita na marami ring gustong maipasa ito.
Inamin ni Belmonte na hindi na tuluyang mapagtitibay bilang ganap na amiyenda sa konstitusyon ang panukala dahil kahit makalusot ito sa kamara, hindi naman uubra sa senado ang panukala.
By Judith Larino
