Opisyal nang magtatambal sina dating Senador Ferdinand “Bongbong” Marcos, Jr. at Davao City Mayor Sara Duterte –Carpio sa 2022 national elections.
Kumakandidato ang dating senador sa pagka-presidente habang sa pagka-bise presidente ang presidential daughter.
Ayon kay Marcos, nagkasundo na sila ni Mayor Inday kasama ang kani-kanilang partido upang isulong ang “nagkakaisang liderato” sa May 9, 2022.
Sinabi pa ng dating senador na ipagpapatuloy at palawigin nila ang mga magagandang nagawa ng administrasyong Duterte.
Kaisa aniya siya ni Inday Sara sa pagtataguyod ng mas matatag, mas mapayapa, at mas maunlad na bansa.
