Nagbanta si PNP o Philippine National Police Chief Director General Ronald ‘Bato’ Dela Rosa na marami pang susunod kay Ozamiz Mayor Reynaldo Parojinog na napatay sa drug raid ng PNP at CIDG o Criminal Investigation and Detection Group kahapon.
Ayon kay Dela Rosa, magsilbi sanang babala ang sinapit ni Parojinog para sa iba pang sangkot umano sa iligal na droga.
Binigyang diin ni Dela Rosa na ang narco-list ni Pangulong Rodrigo Duterte ang kanilang pinagbabatayan sa kanilang mga isinasagawang imbestigasyon at operasyon.
Umapela naman si CIDG Director Chief Superintendent Barcena Obusan sa mga maaaresto ng pulisya, sumuko na lamang sa mga awtoridad at huwag nang manlaban.
PAKINGGAN: Bahagi ng pahayag ni CIDG Director Chief Barcena Obusan
Sa huli, binigyang diin naman ni Dela Rosa na walang dapat ikatakot ang mga personalidad na nasa narco-list ng Pangulo kung malinis talaga ang konsensya ng mga ito at wala namang ginagawang masama.
By Ralph Obina | may ulat ni Jonathan Andal (Patrol 31)
