Inihayag ng Pangulong Duterte sa kanyang ulat sa bayan kagabi, Enero 18 na inaasahang magkakaroon ng suplay ng bakuna sa bansa sa susunod na dalawang buwan.
Ganito ang bakuna,the earliest that we can have it, is about 2 months from now yung ibang bayan na walang pera wala pa sila,″ pahayag ng Pangulo.
Ayon naman kay Health Secretary Francisco Duque III target ng pamahalaan na mabakunahan ang 60 milyong Pilipino para magkaroon ng herd immunity oras na magkaroon na ng bakuna sa bansa.
Dagdag pa ng Pangulo na wala dapat ipag-alala ang taong bayan dahil aniya para sa mahirap ang gobyernong ito at prayoridad mabakunahan ang mga mahihirap.
Matatandaang, nagsisimula nang magbakuna laban sa COVID-19 ang mga bansa gaya ng Singapore, Indonesia, UK, USA, Germany, at iba pa.—sa panulat ni Agustina Nolasco.
