Isasailalim muli sa otopsiya ang bangkay ng middleman sa pagpatay kay Percy Lapid na si Jun Globa Villamor
Ayon kay Forensic Pathologist Dr. Raquel Fortun, bago magtanghali ay nadala na ang bangkay ni Villamor sa College of Medicine sa UP Manila.
Wala namang ibinigay na iba pang detalye si Fortun hinggil sa gagawing re-autopsy at kasalukuyan pa aniya siyang nagpaplano hinggil dito.
Ang naturang re-autopsy sa labi ng middleman ay hiling mismo ng pamilya ng pinaslang na mamamahayag.
Matatandaang kinuwestiyon ni Dr. Fortun ang ginawang autopsy sa bangkay ni Villamor matapos isapubliko ng National Bureau of Investigation (NBI) ang findings ng autopsy kung saan wala raw naging foul play sa pagkamatay nito at wala ring tinukoy na cause of death.
