Ni-raid ng PNP-CIDG Region 5 ang bahay ng mag-amang mayor at vice mayor sa Batuan, Masbate kaninang umaga.
Sa bisa ng search warrant ay sinalakay ng mga pulis ang bahay nina Batuan Mayor Charmax Jan Yuson at kanyang amang si Vice Mayor Charlie Yuson III matapos na makatanggap ng ulat na mayroong private armed group ang mag-ama at nag iingat ng mga hindi lisenyadong mataas na kalibre ng baril.
Kabilang sa mga nakumpiska ng mga otoridad ang isang bushmaster M16 rifle, baby armalite, tatlong kalibre ng .38 pistol, isang hand grenade at isang fragmentation grenade.
Hindi naman natagpuan sa bahay ang mag-ama at tanging mga katiwala lamang ang nasa bahay ng isagawa ang operasyon.
Sa kabila nito ay kakasuhan pa rin ang mag ama sa kasong illegal possesion of firearms and explosives.
