Nagtalaga na si Pangulong Ferdinand Marcos Jr. ng bagong Local Water Utilities Administration (LWUA) chief, kapalit ni Atty. Homer Revil.
Kinilala itong si Jose Moises Salonga, isang abogado na dating nagsilbi sa Anti-Illegal Drugs Special Operations Task Force ng Philippine National Police (PNP).
Pamumunuan ni Atty. Salonga ang operasyon sa LWUA, isang government-owned and controlled corporation (GOCC) na nagsusulong at nangangasiwa sa development ng water supply systems sa mga probinsya at munisipalidad na labas sa Metro Manila.
Nauna nang naglingkod si Atty. Salonga para sa First Cabanatuan Renewable Ventures Inc., Emergence Management and Consulting Corp., at sa lokal na pamahalaan ng Quezon City.
Nagtapos ang bagong LWUA administrator sa Ateneo de Manila University noong 1999 na may degree sa Economics. Nakuha rin niya ang kanyang law degree sa kaparehong unibersidad noong 2003.
