Patay matapos manlaban sa mga militar ang isang babaeng pinaghihinalaang miyembro ng New People’s Army (NPA) sa Munisipalidad ng Libacao sa Aklan.
Umabot ng 15 minuto ang bakbakan sa pagitan ng mga rebelde at ng 12th Infantry Battalion sa nabanggit na lugar.
Sa pahayag ni 3rd Infantry Division spokesman Capt. Kim Apitong, kaniyang nilinaw na hindi pa nakikilala ang nasawing rebelde.
Nasamsam sa lugar ang isang shotgun, isang bala, backpack, ilang paraphernalia at personal na kagamitan ng mga NPA.
Nangako naman ang mga militar na hindi sila titigil sa pagtugis sa mga rebeldeng grupo para sa kapayapaan ng bansa. —sa panulat ni Angelica Doctolero
