Ikakasal na ang Pop Punk Queen na si Avril Lavigne sa kapwa nito Pop-Punk Rocker na si Mod Sun.
Inanunsyo ni Avril sa kanyang Instagram account na noon pang March 27 nagpropose sa kanya si Mod.
Ibinahagi rin nito ang mga larawan nang maganap ang naturang special moment kung saan makikita ang Eiffel Tower.
Samantala, ipinost rin ni Sun sa kanyang IG account ang ilang mga larawan na may poetic caption na, “The day we met i knew you were the one. Together forever til our days are done.”
Ito na ang ikatlong pagkakataon na haharap sa altar si Avril, matapos ikasal sa frontman ng Sum 41 na si Deryck Whibley at Chad Robert Kroeger ng Nickelback.