Author

Krystine Belen

DWIZ 882

Marcos admin, paiigtingin ang mga aksyon kontra terrorism financing

Palalakasin pa ng administrasyon ni Pangulong Ferdinand Marcos Jr. ang mga aksyon upang malabanan ang terrorism financing sa bansa. Ito ay sa pamamagitan ng pagpapatupad ng ilang direktiba upang mapigilan ang pagpasok ng pondo mula sa ibang bansa na ginagamit ng mga teroristang grupo sa kanilang mga ilegal na aktibidad.

Noong June 2021, inilabas ng global money laundering and terrorist financing watchdog na Financial Action Task Force (FATF) ang kanilang “grey list” kung saan kabilang ang Pilipinas.

Tumutukoy ang grey list sa jurisdictions na may increased monitoring. Ang mga bansang kabilang dito ay gumawa ng commitment na tugunan ang strategic deficiencies sa pagsugpo ng money laundering, proliferation financing, at terrorist financing.

Mayroong natanggap na 18 action plan items ang Pilipinas upang malutas ang grey list status nito. Sa kasalukuyan, mayroong natitirang 8 action plans ang bansa na kinakailangang sundin.

Target ni Pangulong Marcos na tuluyan nang matanggal ang bansa mula sa grey list pagsapit ng October 2024, kaya naman inatasan niya ang Anti-Money Laundering Council (AMLC) at lahat ng kinauukulang ahensya na tapusin agad ang natitirang action plans at pabilisin ang mga hakbang dito.

Kaugnay nito, sinabi ni AMLC Executive Director Matthew David na mayroong tatlong action items ang konseho upang tuluyang masugpo ang pagpopondo sa terorismo.

Una, makikipagtulungan ang AMLC sa law enforcement agencies upang matukoy ang persons of interest o mga posibleng terrorism financers.

Ikalawa, iimbestigahan ng mga ahensya ang terrorism financial activities.

At ikatlo, sasampahan na ng mga kaukulang kaso ang mga napatunayang sangkot sa pagpopondo ng terorismo.

Sa katunayan, mayroon nang mga organisasyon na nasampahan ng kaso dahil sa terrorism financing. Ayon kay Atty. David, naka-pending na ito sa korte.

Sinisikap ng administrasyon ni Pangulong Marcos na hindi maging laundering site para sa mga ilegal na aktibidad ang Pilipinas sa pamamagitan ng pagpapabilis at pagpapaigting ng mga aksyon kontra rito.

January 11, 2024 0 comment

NATIONAL NEWS

PBBM, kinilala ang kontribusyon ng Indonesia sa pag-unlad ng Mindanao

written by Krystine Belen

Kinilala ni Pangulong Ferdinand Marcos Jr. ang kontribusyon at naging papel ng Indonesia sa pag-unlad at kapayapaan sa Mindanao.

Sa isinagawang joint press briefing kasunod ng bilateral meeting kasama si Indonesian President Joko Widodo, ipinahayag ni Pangulong Marcos ang pag-asa na ipagpapatuloy ng Indonesia ang pagtulong sa Bangsamoro Autonomous Region in Muslim Mindanao (BARMM).

Inatasan na rin ng Pangulo ang mga kaukulang ahensya na pabilisin ang mga memorandum of understanding (MOU) na makatutulong sa economic potential ng BARMM.

Tiniyak naman ni Pangulong Marcos na patuloy na magiging “closest friends at regional partners” ang Pilipinas at Indonesia.

January 11, 2024 0 comment

HEADLINES

Economic policies ni PBBM, nakatulong sa pagbaba ng unemployment rate – solon

written by Krystine Belen

Malaki ang naitulong ng maayos pagpapatupad ng mga polisiyang pang-ekonomiya ni Pangulong Ferdinand Marcos Jr. sa pagbaba ng unemployment rate sa bansa.

Ito ang sinabi ni Surigao del Norte Rep. Robert Ace Barbers matapos iulat ng Philippine Statistics Authority (PSA) na bumaba sa 3.6% ang unemployment rate noong November 2023, mula 4.2% noong October.

Ayon kay Rep. Barbers, nagmula sa investments ang karamihan sa mga karagdagang trabaho.

Tiniyak naman ng mambabatas ang posisyon ng Kamara na amyendahan ang restrictive economic provisions sa Saligang Batas upang makaakit pa ng mas maraming foreign direct investments.

Aniya, magreresulta ito sa mas masiglang ekonomiya at mas maraming oportunidad para sa mga Pilipino.

January 11, 2024 0 comment

NATIONAL NEWS

Pagpapatupad ng 1% withholding tax sa online platforms, inalmahan ng ilang online sellers

written by Krystine Belen

Umalma ang ilang online sellers sa pagpapatupad ng 1% withholding tax sa online shopping platforms.

Batay ang nabanggit na withholding tax requirement sa Revenue Regulations No. 16-2023 ng Bureau of Internal Revenue (BIR) na inilabas noong nakaraang buwan.

Paglilinaw ni BIR Commissioner Romeo Lumagui Jr., hindi ito bagong buwis kaya naman hindi dapat ito magresulta sa pagtaas ng bilihin. Aniya, isa lang itong “mode of collecting.”

Dagdag pa ng commissioner, isa sa mga layunin ng pagpataw ng 1% withholding tax ang mahiyakat ang mga negosyante na magparehistro sa BIR.

Pasok sa nasabing polisiya ang sellers o merchants ng online shopping apps, food delivery apps, online hotel booking sites, at transport services apps.

Hindi naman papatawan ng withholding tax ang mga maliliit na negosyo na may kita sa isang taon na mas mababa sa P500,000.

January 11, 2024 0 comment

NATIONAL NEWS

Minimum fare sa mga jeep, posibleng umabot ng P40 dahil sa PUV modernization – solon

written by Krystine Belen

Posibleng tumaas ng P30 hanggang P40 ang minimum fare upang mabayaran ang modern jeep na nagkakahalaga ng P2.8 million.

Ayon sa kalkulasyon ni 1-Rider Partylist Rep. Bonifacio Bosita, kahit may financial assistance, kinakailangang magkaroon ng P40,000 na buwanang kita ang kooperatiba upang mabayaran ang isang unit. Hindi pa kasama rito ang gastos sa gas, facilities, cooperative management, maintenance, at iba pang mandatory expenses.

Matatandaang kamakailan lang, sinabi rin ng Commuters of the Philippines na posibleng umabot sa P50 ang pamasahe dahil sa amortization o hulugang pagbabayad para sa modernong jeep.

January 11, 2024 0 comment

EXPLAINERS HEADLINES

Inflation sa Pilipinas, patuloy sa pagbagal

written by Krystine Belen

Patuloy ang pagbagal ng inflation sa bansa.

Ito ay base sa ulat na inilabas ng Philippine Statistics Authority (PSA) noong January 5, 2024 kung saan naipakitang bumaba sa 3.9% ang inflation rate ng bansa noong December 2023, mula 4.1% noong November 2023 at 8.1% noong December 2022.

Lubos naman itong ikinatuwa ni Pangulong Ferdinand Marcos Jr. na nagsabing ipagpapatuloy ng pamahalaan ang pagsusumikap upang mas pagandahin ang ekonomiya ng Pilipinas.

Malaking bahagi sa pagbagal ng inflation ang mga sunod-sunod na direktiba ni Pangulong Marcos na nagbibigay ng proteksyon sa mga magsasaka at konsyumer.

Iba’t ibang inisyatiba ang ipinatupad ni Pangulong Marcos para sa produksyon, gastusin, at transportasyon sa sektor ng agrikultura na siya namang nagpababa sa presyo ng mga bilihin, partikular na ng pagkain.

Noong January 2023, umabot sa 8.7% ang inflation rate sa bansa. Bilang proactive measure upang malabanan ang epekto nito, inaprubahan ni Pangulong Marcos ang pagtatatag ng Inter-agency Committee on Inflation and Market Outlook (IAC-IMO) noong May 26, 2023.

Sa pangunguna ng National Economic and Development Authority (NEDA) at Department of Finance (DOF), committed ang IAC-IMO sa pagsusulong ng modernization sa agrikultura at sa pagpapalakas ng produksyon upang makontrol ang implasyon at matiyak ang food security sa bansa.

Matatandaang ipinatigil din ni Pangulong Marcos ang paniningil ng pass-through fees sa mga sasakyang naghahatid ng produkto sa pamamagitan ng Executive Order no. 41. Isa sa mga dahilan kung bakit sinuspinde ang pangongolekta ng pass-through fees ay upang makontrol ang epekto ng inflation.

Isa pang direktibang nakatulong sa pagbagal ng inflation ang libreng rice seeds, fertilizer, financial assistance, at technical support na ibinahagi ng Department of Agriculture (DA) para sa mga magsasaka na nagpalakas sa lokal na produksyon.

Namahagi rin ang administrasyong Marcos ng financial assistance sa mga mahihirap na Pilipino sa pamamagitan ng third tranche ng Targeted Cash Transfer (TCT) Program; Pantawid Pasada Program para sa mga driver at operators ng public transportation at delivery services; at Fuel Subsidy Program para sa mga magsasaka at mangingisda. Pinuri ng International Monetary Fund (IMF) ang targeted strategy na ito.

Pangako ni Pangulong Marcos para sa 2024, mas palalakasin niya ang mga programang pang-agrikultura at tututukan ang mga hakbang upang mapanatiling abot-kaya ang presyo ng pagkain at iba pang mga pangunahing bilihin para sa bawat Pilipino.

January 10, 2024 0 comment

NATIONAL NEWS

Foreign investments na nakalap ni PBBM, nararamdaman na – DTI official

written by Krystine Belen

Mas maraming Pilipino ang makararamdam ng mga benepisyo ng diplomatic at business meetings ni Pangulong Ferdinand Marcos Jr. sa ibang bansa ayon kay Department of Trade and Industry (DTI) Undersecretary Kim Bernardo-Lokin.

Sa isang panayam, ipinaliwanag ni Usec. Lokin na matagal ang gestation period ng foreign investments ni Pangulong Marcos na aabot sa tatlo hanggang limang taon.

Sa kabila nito, iginiit ng DTI official na nararamdaman na ng ilang industriya ang mga epekto nito. Halimbawa na lang dito ang partnership ng Auro Chocolate ng Pilipinas at Mitsukoshi ng Japan.

Ayon kay Usec. Lokin, mapakikinabangan ang naturang partnership ng mga magsasaka at kanilang mga pamilya.

Nakatakdang gumawa ng product lines ang dalawang kumpanya kung saan ibibida ang cacao beans ng Davao at mga tradisyonal na sangkap ng Japan tulad ng matcha, hojicha, at miso.

January 10, 2024 0 comment

EXPLAINERS

PBBM, inatasan ang gov’t agencies na ipagdiwang ang Community Development Week

written by Krystine Belen

Nitong January 3, 2024, pinirmahan ni Pangulong Ferdinand Marcos Jr. ang Memorandum Circular No. 41 na nag-aatas sa government agencies at local government units (LGUs) na ipagdiwang ang Community Development Week.

January 3, 1994 nang nilagdaan ni dating Pangulong Fidel V. Ramos ang Proclamation No. 316. Dito, idineklara ang first week of January bilang Community Development Week. January 6 naman ng kada taon ginugunita ang Community Development Day. Itinakda ang Community Development Week upang lumakas ang bayanihan spirit ng mga Pilipino.

Kapag narinig mo ang salitang bayanihan, tiyak na ang unang pumapasok sa isip mo ay ang larawan ng mga Pilipinong tulong-tulong na nagbubuhat ng bahay-kubo papunta sa paglilipatan nito.

Sa panahon ngayon, hindi na nabubuhat ang mga bahay pero hindi ibig sabihin nitong dapat nang balewalain ang kultura ng bayanihan, lalo na sa mga kabataan. Posible pa rin itong maisagawa sa pamamagitan ng pakikipagtulungan at pakikiisa sa sariling komunidad.

Upang mapanatili ang bayanihan at kooperasyon sa mga Pilipino, inatasan ni Pangulong Marcos ang Department of Interior and Local Government (DILG), katulong ang iba’t ibang organisasyon, na pangunahan ang mga aktibidad para sa annual Community Development Week at Community Development Day.

Lahat ng government agencies at instrumentalities, kabilang na ang government-owned or controlled corporations, government financial institutions, at state universities and colleges (SUCs) ay may direktiba na magsagawa ng mga programa para sa naturang selebrasyon.

Samantala, hinikayat naman ni Pangulong Marcos ang LGUs na suportahan at makiisa sa Community Development Week.

January 9, 2024 0 comment

EXPLAINERS HEADLINES

Mga aksyon ni PBBM sa key issues ng bansa, nagpaangat sa approval rating ng Pangulo – Samar governor

written by Krystine Belen

Sa inilabas na pinakahuling survey results ng Pulse Asia nitong January 8, 2024, kapansin-pansin ang pagtaas ng approval rating ni Pangulong Ferdinand Marcos Jr.

Mula 65% noong September 2023, tumaas ang approval rating ni Pangulong Marcos sa 68% para sa December.

Ayon kay Eastern Samar Governor Ben P. Evardone, nakatulong sa pag-angat ng approval rating ni Pangulong Marcos ang mga pagsisikap nito sa pagtugon sa three key issues ng bansa: ang inflation, economic growth, at employment.

Bago isagawa ang survey period ng Pulse Asia, matatandaang noong October 2023, umabot ang employment rate sa bansa ng 95.8% ayon sa Philippine Statistics Authority (PSA). Ito ang pinakamataas na employment rate na naitala sa loob ng 18 years.

Record-breaking din ang unemployment rate sa ilalim ng administrasyong Marcos na bumaba sa 4.2% noong kaparehong buwan.

Kaugnay nito, umabot sa 5.9% ang gross domestic product (GDP) growth ng bansa sa ikatlong quarter ng 2023, mula 4.3% noong ikalawang quarter. Dahil sa performance na ito, itinuring ang Pilipinas bilang pinakamabilis sa major Asian economies.

Samantala, patuloy rin ang pagbagal ng inflation sa bansa. Ayon sa inilabas na ulat ng PSA noong January 5, 2024, naipakitang bumaba sa 3.9% ang inflation rate ng bansa noong December 2023; mula 4.1% noong November 2023 at 8.1% noong December 2022.

Sabi ni Gov. Evardone, dapat asahan ang bounce-back sa approval ratings ni Pangulong Marcos dahil nagbubunga na ang mga pagsisikap ng administrasyon. Aniya, sumasalamin ito sa approval at appreciation ng publiko sa mga ginawang aksyon ng Pangulo upang pabagalin ang inflation, pasiglahin ang ekonomiya, at makalikha ng mga trabaho.

Gayumpaman, pinaalalahanan ng Eastern Samar governor ang public officials na huwag magpaapekto sa survey ratings at sa halip, ipagpatuloy ang commitment na pagsilbihan ang mga Pilipino.

Sa isang mensahe, nangako naman si Pangulong Marcos na ipagpapatuloy niya ang pagsusumikap upang mas lumakas ang produksyon ng pagkain at mas tumatag ang ekonomiya ng Pilipinas.

January 9, 2024 0 comment

NATIONAL NEWS

Approval rating ni PBBM, tumaas ng 3% – survey

written by Krystine Belen

Tumaas ng 3% ang approval rating ni Pangulong Ferdinand Marcos Jr. ayon sa isinagawang survey ng Pulse Asia.

Mula 65% noong September 2023, tumaas ang approval rating ng Pangulo ng 68% para sa December.

Ayon kay Eastern Samar Governor Ben Evardone, ang mga pagsisikap ni Pangulong Marcos na matugunan ang mga isyu sa inflation, economic growth, at employment ang nagbigay-daan upang muling umangat ang approval rating nito.

Bago ang survey period, matatandaang umabot sa 95.8% ang employment rate sa ilalim ng administrasyong Marcos. Ito ang pinakamataas na employment rate na naitala sa loob ng 18 taon.

Umabot din sa 5.9% ang gross domestic product (GDP) growth sa ikatlong quarter ng 2023 na itinuring bilang pinakamalakas sa major Asian economies.

Inaasahan naman ni Gov. Evardone na mas tataas pa ang satisfaction score ng administrasyon, kasabay sa patuloy nitong pagpapatupad ng mga inisyatiba na mapakikinabangan ng mga Pilipino.

January 9, 2024 0 comment

Newer Posts

Older Posts