Judith Estrada-Larino

Dapat ipino-protesta ng Pilipinas ang lahat ng mga hindi katanggap-tanggap na ginagawa ng China sa West Philippine Sea.

Ayon ito kay Professor Jay Batongbacal, Director Ng Institute Of Maritime Affairs and Law of the Sea ng University of the Philippines kasunod nang isinampang dalawang protesta ng bansa laban sa China.

Sinabi ni batongbacal na sinasadya ng China ang mga ganitong hakbangin para ipakita ang paninindigan nilang pag aari nila ang mga nasabing lugar sa West Philippine Sea.

Makakatulong ang diplomatic protests sakaling magkaruon ng legal resolutions o negosasyon sa mga susunod na panahon dahil magsisilbi itong ebidensya na talagang kinokontra ng bansa ang mga hakbangin ng China.

Libre kayong umalis ng bansa.

Ito ang sagot ng Malakaniyang sa mga dayuhang lumalabag sa enhanced community quarantine (ECQ) sa Luzon.

Sinabi ni Presidential Spokesman Harry Roque na malinaw ang mensahe ng Pangulong Rodrigo Duterte na ang ECQ ay ipinatutupad salahat, mayaman man o mahirap Pilipino o dayuhan.

Ayon kay Roque maaaring umalis ng pilipinas ang mga dayuhang ayaw sumunod sa ECQ.

Patay ang anim na hinihinalang miyembro ng Abu Sayyaf Group habang sugatan naman ang walong sundalo sa sagupaan ng magkabilang panig sa Patikul, Sulu.

Ayon kay Major Arvin Encinas, Spokesman ng Western Mindanao command nagsasagawa ng combat operations ang tropa ng 45th Infantry Battalion nang maka engkuwentro ang isang grupo ng mga  bandido sa barangay latih.

Narekober ang tatlong labi ng mga terorista na kinilalang sina guro Khalid, Udal Muhamadar Said at Isang Budah.

Kaagad namang isinugod ang mga sugatang sundalo sa Camp Navarro General Hospital.

Umapela si Department of local and Government (DILG) Secretary Eduardo Año sa mga lokal na pamahalaan na padaanin ang mga sasakyang maghahatid ng OFW’S patungong designated quarantine areas sa gitna pa rin ng coronavirus disease 2019 (COVID-19) pandemic.

Kasunod na rin ito nang pagbabawal sa mga bus na maihatid ang mga OFW sa quarantine facilities sa Batangas.

Ang mga nasabing bus ay bumiyahe patungong Batangas sakay ang hagaang mga OFW base na rin sa memorandum na inilabas ni DILG Regional Director Noel Bartolabac.

Subalit iginiit naman ni batangas governor hermilando mandanas na hindi siya sinabihan sa nasabing memo subalit tiniyak namang padadalhan niya ng tulong ang mga nasabing OFWs.

Naghahanda na rin ang Department of Health (DOH) sa mga sakit sa pagsapit ng tag-ulan lalo na kung mayruong bagyo habang patuloy ang kampanya kontra coronavirus disease 2019 (COVID-19).

Sinabi ni Health Undersecretary Maria Rosario Vergeire na pinaghahanda rin nila ang mga local government units hinggil sa non-covid services pathway.

Ito aniya yung mga sakit o ibang services na dapat i-alok ng healthcare sa kabila ng krisis sa COVID-19 tulad ng dengue.

Ang public health services team ng DOH ang naka toka sa pagtiyak na ang mga sakit sa panahon ng tag ulan ay hindi magiging pabigat sa health care system ng bansa.

Inirekomenda ng Leaue of Provinces of the Philippines (LPP) ang pag aalis ng enhanced community quarantine (ECQ) sa mga local government units na mayruong zero coronavirus disease 2019 cases.

Ayon kay Marinduque Governor Presbitero Velasco, Jr., Pangulo ng LPP nalampasan na ng poanahon ng quarantine ang incubation period ng virus na dalawang linggo.

Sinabi ni Velasco na matagal na ang incubation period na halos apat napung araw na subalit wala naman silang nakikitang infected sa kanilang lalawigan.

Binigyang diin ni Velasco na ang mga island provinces tulad ng Marinduque at Romblon ay dapat hindi masakop ng ECQ dahil isolated naman ang mga lugar na ito.

Maaari aniyang palawigin ang ECQ sa National Capital Region o Metro Manila at iba pang lugar na nakapagtala ng maraming positive cases.

Target ng Philippine National Police (PNP) na makapagbukas ng sa coronavirus disease 2019 (COVID-19) testing facility para sa mga pulis.

Ayon kay PNP Chief Archie Gamboa tiwala siyang mabubuksan na sa susunod na linggo ang sarili nilang reverse transcription polymerase chain reaction (RT/PCR) facility na bagamat maliit ang capacity ay sadyang ginastusan nila.

Sinabi pa ni Gamboa na sasanayin ng mga tauhan ng ritm ang PNP medical officers hinggil sa COVID-19 testing procedures.

Ang pnp ay nakapagtala ng 78 kumpirmadong kaso ng COVID-19 kung saan tatlo na ang nasawi at 12 ang naka-recover.

Nakikiisa ang Pangulong Rodrigo Duterte sa mga kapatid na muslim sa pagsisimula ng Holy Month ng Ramadan bukas, Abril 24.

Sa kaniyang mensahe hinimok ng Pangulo ang Muslim community na isulong ang buhayna may kabanalan kasabay ang pag asang ang debosyon at sakripisyo ng mga ito ay makakatulong sa pagbuo ng pagkakaisa sa kanilang kapwa tao.

Sinabi ng Pangulo na tiwala siyang magiging daan ang ramadan para magkaruon ng kapayapaan ang lahat sa gitna na rin ng mga hamong kinakaharap kada araw.