Judith Estrada-Larino

Handa na ang Bureau of Corrections (BuCor) na iproseso ang tuluyang paglaya ni U.S. Marine Corporal Joseph Scott Pemberton.

Ito, ayon kay BuCor Spokesman Colonel Gabriel Chaclag, ay kapag natanggap na nila ang kopya ng pardon order sa Amerikanong sundalo.

Sinabi sa DWIZ ni chaclag na posibleng abutin ng dalawang linggo ang pag proseso sa paglaya ni pemberton dahil marami pang dadaanang tanggapan ito sa bucor.(bucor)

Hindi po natin masasabi, kung minsan nga ang process n’yan ay umaabot ng 2 weeks. Pero minsan naman ay 5 days, kaya po, or 4 days,” ani Chaclag.

Ipinabatid pa ni chaclag na wala pa silang natatanggap na request mula sa kampo ni pemberton para mapabilis ang pag proseso sa paglaya nito.(bucor 2)

Wala naman po tayong nareceive o napaabot sa atin na special request. Kung sa atin naman sa BuCor, we are treating this as regular release, at lahat po ng process na dinadaanan ay kailangan pong ma-comply, pati na rin po ‘yung health requirements, kasi nasa pandemic period tayo,” ani Chaclag. —sa panayam ng Balitang Todong Lakas

Ikinaalarma ng Metropolitan Manila Development Authority (MMDA) ang tumataas na kaso ng mga aksidente may kaugnayan sa concrete barriers sa EDSA.

Ito, ayon kay MMDA General Manager Jojo Garcia, ay kaya’t nakikipag-ugnayan na sila sa iba pang kinauukulang ahensya ng gobyerno para mapaigting ang pagpapatupad ng mga batas trapiko lalo na sa mga kadalasang dahilan ng aksidente.

Sinabi ni Garcia na nakipagpulong na sila sa Philippine National Police (PNP) Highway Patrol Group, Department of Transportation, Lant Transportation Office at Land Transportation Franchising and Regulatory Board para sa mahigpit na pagpapairal ng traffic rules and regulations.

Kabilang sa napagkasunduan sa inter-agency coordination meeting ay pagpapalakas ng anti-drunk driving at anti-distracted driving operations sa Metro Manila; suspindihin, bawiin at kanselahin ang lisensya ng mga driver na maraming nagawang traffic violations; maghain ng kaso laban sa mga lumalabag sa Republic Act 10913 o anti distracted driving act; pagpapatupad ng mas mahigpit na parusa sa mga driver na sangkot sa mga aksidente na nakasira sa mga pag-aari ng gobyerno.

Bukod pa ito sa pagtatayo ng checkpoints sa oras ng curfew, pagsasagawa ng random breath analyzer tests sa mga driver at magkaroon ng mga aktibong ugnayan at pag-uusap.

Sa pinakahuling tala ng MMDA, nasa 618 ang aksidente sa EDSA ngayong taon kung saan mahigit 500 ay nakasira sa government property at mahigit 100 naman ang bumangga sa concrete barriers.

Inilarga na ng Land Transportation Franchising and Regulatory Board (LTFRB) simula ngayong araw na ito ang 10 pang dagdag na ruta ng mga tradisyunal na jeep.

Dahil dito, ipinabatid ng LTFRB na nasa 227 ruta na ng traditional at modern jeepneys ang pinapayagan nilang makabyahe sa ilalim ng general community quarantine (GCQ).

Kabilang sa mga bagong ruta ang EDSA/North Avenue-Quezon City Hall, Marcos Avenue-Quirino Highway via Tandang Sora, Dapitan-Libertad via L. Guinto, Divisoria-Retiro via Jose Abad Santos, Divisoria-Sangandaan.

Gayundin  ang Libertad-Washington, Baclaran-Escolta via Jones, Leon Guinto, Baclaran-Qi via Mabilin, Blumentritt-Libertad via Quiapo, Leon Guinto at Blumentritt-Vito Cruz via Leon Guinto.

Sinabi ng LTFRB na tuluy-tuloy ang calibrated at gradual opening ng public transportation simula nang pairalin ang GCQ sa Metro Manila.

Pinag-aaralan ng National COVID-19 Task Force kung ipapasara muna ang mga sementeryo ngayong Undas para hindi kumalat ang coronavirus disease 2019 (COVID-19).

Ayon ito kay Brigadier General Restituto Padilla, spokesman ng task force, kasunod ng payo sa publiko na maaga na lamang magtungo sa sementeryo para bisitahin ang kanilang mga namayapang mahal sa buhay.

Una nang ipinag-utos ni Manila Mayor Isko Moreno ang pansamantalang pagsasara ng mga sementeryo sa lungsod mula ika-31 ng Oktubre hanggang ika-3 ng Nobyembre para maiwasan ang pagkalat ng COVID-19 dahil sa inaasahang pagsisiksikan ng mga tao sa panahon ng Undas.

Tiwala si Senador Panflo Lacson sa aniya’y work ethics ni Justice Secretary Menardo Guevarra.

Sa kabila ito nang naunang pahayag ni Lacson na tila nilinis na ng Pangulong Rodrigo Duterte si Health Secretary Francisco Duque III sa pananagutan nito sa mga anomalya sa PhilHealth kung saan siya ang chairman of the board.

Sinabi ni Lacson na naniniwala siya sa paninindigan ni Guevarra sa rule of law at hindi ito maaapektuhan ng anumang political o personal considerations.

Gayunman inulit ni Lacson na hindi niya hinuhusgahan ang pananagutang kriminal ni Duque na una nang pinakakasuhan at pinapapalitan sa Pangulong Duterte  batay sa naging rekomendasyon ng Senate Committee of the Whole.

Wala pang inaaprubahang clinical trial ang Food and Drug Administration (FDA) para sa bakuna kontra coronavirus disease 2019 (COVID-19) sa bansa.

Bahagi ng mandato ng FDA na mabusisi muna ang anumang clinical trial bago ito maisakatuparan.

Nilinaw ni DOST Director Dr. Jaime Montoya na kailangang sumailalim sa mahigpit na selection process ang sinumang mapipiling mapasama sa clinical trial.

Muling binigyang diin ni montoya na priority sa pagsailalim sa clinical trial ang mga nasa lugar na nakapagtala ng mataas na kaso ng COVID-19 na gagawin nila sa pamamagitan ng zoning kung saan isang bakuna ang itatakda sa partikular na lugar.

Tatagal ng tatlo hanggang anim na buwan ang clinical trials.

Suportado ng Malakaniyang ang programa ng DENR na gawing mala-Boracay ang Manila Bay.

Sinabi ni Presidential Spokesman Harry Roque na beach enhancement lamang ang ginagawa ng DENR na hindi lamang pagpapaganda kundi para maiwasan din ang soil erosion at makatulong sa flood control dahil naglagay aniya ng mga tubo na mayruong buhangin sa perimeter.

Tiyak aniyang mag e-enjoy ang mga residente ng Maynila sa nasabing proyekto kahit pa mayruong restrictions dahil sa coronavirus disease 2019 (COVID-19) pandemic.

Idinipensa pa ni Roque ang DENR sa paggamit nang durog na dolomite rocks mula sa Cebu na dumaan sa tamang assessment dahil alam ng ahensya ang dapat gawin lalo nat ito ang nag-aprub ng environmental impact assessment at maging impact studies.