Judith Estrada-Larino

Posibleng tapusin na ngayong buwan ng Department Of Justice ang imbestigasyon sa pamamaril ng mga pulis sa mga sundalo sa Jolo, Sulu na ikinasawi ng 4 na sundalo.

Ayon kay Senior Deputy State Prosecutor Richard Fadullon ang nasabing kaso ay inaasahang submitted for resolution na ngayong buwan.

Ipinabatid ni Fadullon na nakapagsumite na noong isang linggo ng kanilang counter affidavits ang mga police officers na akusado sa pagpatay sa mga sundalo at pagtatanim ng mga ebidensya.

Uubra pa naman aniyang maghain ng tugon ang NBI sa rejoinder naman sa mga police officers bago ideklarang submitted for resolution na ito.

Hulyo nang magsampa ang NBI ng reklamong 4 na bilang ng kasong pagpatay at isang bilang ng kasong planting of evidence laban sa 9 na police officers dahil sa pagpatay ng mga ito sa 4 na sundalo.

Tinutugis noon ng mga sundalo ang umano’y suicide bombers nuong June 29 nang pagbabarilin ng mga pulis sa Barangay Walled City.

Hindi tatanggapin ng Pangulong Rodrigo Duterte ang re-enacted budget para sa taong 2021.

Ayon ito sa Malakaniyang sa gitna na rin nang girian sa speakership sa kamara nina Speaker Alan Peter Cayetano at Marinduque Congressman Lord Allan Velasco.

Sinabi ni Presidential Spokesman Harry Roque na kinakailangang mapirmahan ang budget sa Disyembre para maging sa January 2, 2021.

Magugunitang ilang beses inihayag ng Palasyo na hindi maaaring maantala ang pagpasa sa P 4.5 trilyong proposed 2021 budget dahil nakapaloob dito ang recovery at rehabilitation plan ng gobyerno sa COVID-19.

Pinag-aaralan na ng IATF na itaas sa 70% ang transporation capacity sa gitna ng COVID-19 pandemic.

Kasunod na rin ito ng hirit ni Labor Secretary Silvestre Bello III  ang pagbiyahe ng mga pampublikong sasakyan para muling buhayin ang ekonomiya ng bansa.

Ayon kay Presidential Spokesman Harry Roque “its a matter of time” lamang bago maibalik ang mass transportation.

Magugunitang noong isang linggo ay binuksan na rin ng Department Of Transportation ang biyahe sa mga provincial bus.

16 pang opisyal ng PhilHealth ang kakasuhan ng Presidential Anti-Corruption Commission (PACC).

Ayon ito kay PACC Commissioner Greco Belgica sa gitna na rin nang patuloy na imbestigasyon ng tanggapan sa mga umanoy katiwalian sa PhilHealth kapwa bilang bahagi ng task force at bilang independent body.

Bukod sa 8 naunang kinasuhan ipinabatid ni Belgica na 16 pa ang nakatakda nilang kasuhan at 40 pang opisyal ng PhilHealth ang patuloy nilang iniimbestigahan.

Hindi naman nagbigay ng iba pang detalye si Belgica sa panibagong batch ng mga opisyal ng PhilHealth na kakasuhan ng PACC.

Umakyat na sa 324, 762 ang kumpirmadong kaso ng coronavirus disease 2019 (COVID-19)  matapos Ianunsyo ng Department of Health (DOH) ang 2, 291 n a mga bagong infection.

Numero uno pa rin ang Metro Manila sa nakapagtala ng pinakamataas na bagong kaso ng COVID-19 na nasa 825  sinundan ng Batangas – 140, Laguna – 128, Rizal – 114 at Cavite – 102.

Pumapalo na sa 273, 123 ang total recoveries matapos 87 pang pasyente ang mga bagong gumaling sa COVID-19.

Sumirit na rin sa 5, 480 ang death toll matapos maital ang 64 na bagong nasawi sa virus.

Nasa 45, 799 ang active cases kung saan 85.6% ang mild, 9.2%  ang asymptomatic, 1.6% ang severe at 3.6%  ang critical condition.

JUST IN: Kaso ng COVID-19 sa bansa, nadagdagan pa ng 2,291 ngayong Lunes, Oktubre 5.

Pumalo na sa kabuuang 324,762 ang bilang ng kumpirmadong kaso ng COVID-19 sa bansa. Mayroon namang 45,799 naitalang active cases. | https://t.co/HHOy7zaafm pic.twitter.com/hHO89gmkYx

— DWIZ Newscenter (@dwiz882) October 5, 2020

Target ng Department Of Transportation (DOTr) na iisang card na lamang ang gagamitin sa iba’t ibang uri ng transportasyon bago matapos ang taong ito.

Ayon kay Transportation Secretary Arthur Tugade mag iimbita sila ng maraming bidders para matiyak na walang monopolya.

Magkakaruon lamang aniya ng iisang clearing house ang mga ito at malaya ang publiko na pumili kung aling interoperable card ang kanilang gagamitin.

Magugunitang suspendido muna ang mandatory use ng Beep cards para sa edsa buses matapos tumanggo ang service provider na AF payments incorporated na i-waive ang singil sa card tulad ng kahilingan ng DOTr.

Tiniyak ng Department of Health na skilled and trained ang mga nagsasagawa ng swab tests para sa coronavirus disease 2019 (COVID-19) sa bansa.

Ito ayon kay Health Undersecretary Maria Rosario Vergeire ay dahil mayruong mahigpit na mga panuntunan ang DOH sa pagbibigay ng lisensya sa mga pasilidad na nagsasagawa ng swab tests.

Sinisiguro aniya ng DOH na ligtas ang specimen collection na ginagawa at isa ito sa mga basehan sa pa- iisyu nila ng lisensya.

Bukod sa pagiging skilled at trained ino-obliga rin aniya ng DOH ang mga nagsasagawa ng test na magsuot ng protective personal equipment at paggamit ng tamang medical tools.

Una nang napaulat ang insidente sa Amerika kung saan nasira umano ng nasal swab test ang lining ng utak ng babaeng pasyente dahil nang pag-leak ng cerebrospinal fluid mula sa ilong nito at nanganib sa brain infection.

Kailangang maghunos dili ang Pilipinas sa China sa isyu ng West Philippine Sea sa gitna ng coronavirus disease 2019 (COVID-19) pandemic.

Iginiit ni House Appropriations Committee Chair Eric Yap na mahalagang mapanatili ang diplomatic relationship sa pagitan ng China at Pilipinas

Para aniya mas lumakas ang tsansa ng Pilipinas na makuha ang bakuna sa COVID-19 sa sandaling maging available na ito sa China.

Binigyang diin naman ni Gabriela Party List Representative Arlene Brosas na hindi dapat gamitin ang pandemya para magsamantala ang China at ipagpatuloy ang pagtayo ng mga imprastruktura sa mga teritoryo ng Pilipinas.

Iginiit ni yap na hindi nagpapabaya ang pamahalaan sa usaping ito subalit hindi aniya maaaring isiwalat sa publiko ang mga hakbanging ginagawa ng gobyerno dahil sa security concerns.

Wala rin naman aniyang sapat ikabahala sa pagtatayo ng China ng mga imprastrucktura sa mga teritoryong sakop ng pilipinas dahil sa oras aniyang dumating ang tinatawag na day of reckoning ay sa mga Pilipino rin naman ito mapupunta.