Judith Estrada-Larino

Sapat ang suplay ng manok sa bansa.

Tiniyak ito sa DWIZ ni Agriculture Secretary William Dar matapos ipabatid na nasa halos 100 araw pa tatagal ang suplay ng manok.

Samantalang mas malaki naman aniya ang imbentaryo ng baboy ngayong taon dahil sa African Swine Fever, bagamat uubra naman itong punan ng iba pang protina.

Sinabi pa ni Dar na tututukan nila ang presyuhan ng baboy at manok lalo na ngayong papalapit na ang Christmas season para hindi magkaroon ng food inflation.

Mayroon pa rin tayong problema sa ASF, pero ang imbentaryo natin ngayon, base rin doon sa mga cold storages din, ay mas malaki ang imbentaryo this year than last year, kasi, ‘yun nga, matumal nga ang business. Halos kasya, mayroong konting tightness on the supply,” ani Dar.

Ipinabatid ni Dar na sapat din ang suplay ng bigas sa bansa hanggang matapos ang taong ito.

Rice, we have enough inventory. Ang datos natin, 92 to 97 days by the end of the year, meaning, we have more than enough,” ani Dar. —sa panayam ng Santos at Lima sa 882

Tila kinonsensya ng Management Association of the Philippines (MAP) ang mga pulitiko na unahin ang kapakanan ng bansa kaysa personal na interes.

Tinukoy ni MAP President Francis Lim ang bangayan sa isyu ng House speakership sa pagitan nina Speaker Alan Peter Cayetano at Congressman Lord Allan Velasco.

Kasabay nito, pinasalamatan ng MAP ang Pangulong Rodrigo Duterte sa ipinatawag na special session ng Kongreso mula ika-13 hanggang ika-16 ng Oktubre matapos sertipikahang ‘urgent’ ang 2021 national budget.

Narekober ng mga otoridad ang isang python sa Ninoy Aquino International Airport (NAIA) Complex.

Ayon sa Bureau of Customs (BOC), ang naturang sawa ay nakatago sa isang rattan basket sa bodega ng Customs at naka-deklarang “wood curtains, lanterns at rattan basket”.

TINGNAN: Isang sawa, nasabat ng Customs sa NAIA (: Bureau of Customs) | via @ayayupangco1

Ayon sa mga otoridad, idineklara ito bilang ‘wood curtains, lanterns, rattan basket’ ng isang nagngangalang ‘Janrei Fernandez’ mula Sampaloc, Maynila at patungong New York, US. pic.twitter.com/ou251M9XJL

— DWIZ Newscenter (@dwiz882) October 11, 2020

Ang kargamento ay ipinadala ng isang Janrei Fernandez ng Sampaloc, Maynila na patungong New York, USA.

Ang sawa na nakita sa physical examination ay nai-turn over na sa Department of Environment and Natural Resources. —ulat mula kay Aya Yupangco (Patrol 5)

Nadagdagan ang antas ng tubig sa Angat Dam at iba pang dam sa luzon sa nakalipas na magdamag.

Kasunod na rin ito nang walang tigil na pag-ulan simula pa kahapon ng umaga.

Ayon sa PAGASA Hydrometeorology Division, rumehistro sa 181.98 meters ang antas ng tubig sa Angat Dam ngayong umaga, na mas mataas sa naitala kahapon na 179.59 meters.

Nadagdagan din ang tubig sa La Mesa Dam at iba pang dam sa luzon.

Samantala, nabawasan naman ang antas ng tubig sa Ipo Dam.

Umakyat ang antas ng Pilipinas sa world ranking ng mga bansang nakapagtala ng pinakamaraming kaso ng coronavirus disease 2019 (COVID-19).

Mula pang-19, pumuwesto ang Pilipinas sa ika-18 rank matapos mahigitan ang Saudi Arabia sa kabuuang bilang ng kumpirmadong kaso ng COVID-19.

Sa ASEAN, ang Pilipinas ay nakapagtala ng pinakamataas na kumpirmadong kaso ng virus bagamat mas mababa ang bilang ng aktibong kaso ng COVID-19 kumpara sa Indonesia.

Makikinabang lalo na ang mga mahihirap na Pilipino sa ikinakasang registration simula ngayong araw na ito para sa National Identification System.

Ayon ito kay Assistant Secretary Rosalinda Bautista, director ng Philippine Statistics Authority (PSA), dahil ang nasabing ID ay magagamit para makapagbukas ng bank account ang mga mahihirap na Pinoy.

Financial inclusion ngayong taon na ito, para doon sa mga mahihirap na kapwa Pilipino na hindi makapag-open ng bank account dahil wala silang pagkakilanlan na ipe-present, ito po ay para sa kanila,” ani Bautista.

Ipinabatid pa sa DWIZ ni Bautista na sisimulan nila ang proseso ng registration sa unang 5-milyong household sa 32 probinsya na tututukan ng kanilang supervisors at enumerators para kumuha ng personal details at bigyan ng schedule nang pagtungo sa mga munisipyo simula sa ika-25 ng Nobyembre.

Pagpunta po doon sa bahay, tatanungin po sila ng demographic characteristics at bibigyan sila ng appointment para sa kanilang pagpunta sa registration center na nasa kanilang munisipyo starting November 25. So, may schedule po na ilalagay sa kanila. Bakit kailangang may schedule? Para makontrol natin ‘yung pagdagsa ng mga tao sa munisipyo para po ma-ensure ang health and safety protocol,” ani Bautista. —sa panayam ng Santos at Lima sa 882