Bawal pa ang sabong sa buong bansa.
Ayon ito sa Palasyo matapos ang mga sumbong nang nagaganap na sabong sa iba’t ibang bahagi ng bansa kahit pa may banta ng coronavirus disease 2019 (COVID-19).
Sinabi ni Presidential Spokesman Harry Roque na bawal ang anumang uri ng sabong, live man o online.
Sa ngayon aniya ay tinatalakay pa ng technical working group ng Inter-Agency Task Force kung papayagan o hindi ang sabong.
Pormal nang lumagda sa California based management firm Paradigm Sports si Senador Manny Pacquiao.
Dahil dito uminit pa ang mga haka hakabang tuluyan nang makikipagsagupa ang pambansang kamao kay MMA expert Conor Mcgregor.
Sa kaniyang post sa Instagram ipinakita ni Pacman ang kontrata kasabay ang pagsasabing excited siyang makipag-partner sa Paradigm Sports para maituloy ang kaniyang professional boxing journey.
May pa-teaser pa ang pound for pound king sa kaniyang fans na hintayin ang aniya’y malaking bagay na darating sa kaniyang karera matapos lumagda sa Paradigm Sports.
Una nang na headline sina Pacman at Mcgregor sa buong mundo nuong isang buwan matapos kapwa ibunyag ng dalawang kampo ang pina-plantsang bakbakan ng mga ito sa ibabaw ng boxing ring.
Sa kabila ito ng mga napapaulat na paglaban ng fighting senator kay Mike Garcia habang si Mcgregor naman ay tinanggap na umano ang makikipagsagupa kay Dustin Poirier bago matapos ang taong ito.
Pumapalo sa 3, 564 ang bilang ng mga bagong kaso ng coronavirus disease 2019 (COVID-19) sa bansa dahilan para sumirit sa 342, 816 ang kabuuang kaso ng nasabing virus.
Ang Metro Manila pa rin ang nakapagtala ng pinakamataas na bagong kaso ng COVID-19 sa 1, 344 sumunod ang Cavite – 215, Laguna – 212, Rizal – 211 at Iloilo – 164.
Ipinabatid ng Department of Health (DOH) na umakyat na sa 293, 152 ang total recoveries matapos maitala sa 150 ang mga bagong gumaling sa naturang sakit.
Rumehistro na rin sa 6, 332 ang death toll nang maitala ang 11 mga bagong nasawi sa virus.
Nasa 43, 332 ang active cases na sumasailalim sa treatment o quarantine kung saan 83. 9% ang mild, 10. 8% ang asymptomatic, 1.7% ang severe at 3.6% ang critical condition.
Hanggang nitong nakalipas na October 11 mayruon nang 145 licensed laboratories ang bansa at nakapag test na ang mga ito ng halos 4 milyong indibidwal samantalang 47% ng COVID-19 ICU beds sa buong bansa ang okupado at 22% ng mechanical ventilators ang nagamit na.
Ang Pilipinas ayon sa World Health Organization ang nakapagtala ng pinakamataas na kaso ng COVID-19 sa Western Pacific Region.
JUST IN: Kaso ng COVID-19 sa bansa, nadagdagan pa ng 3,564 ngayong Lunes, Oktubre 12.
Pumalo na sa kabuuang 342,816 ang bilang ng kumpirmadong kaso ng COVID-19 sa bansa. Mayroon namang 43,332 naitalang active cases. | https://t.co/HHOy7zaafm pic.twitter.com/cS7iCi2oYK
— DWIZ Newscenter (@dwiz882) October 12, 2020
Anim pang dayuhang suicide bombers ang mahigpit na mino-monitor ng Armed Forces of the Philippines (AFP) sa Mindanao.
Kinumpirma ito ni Philippine Army Chief Lt .General Cirilito Sobejana matapos maaresto ng joint AFP-PNP ang babaeng Indonesian suicide bomber na si Renzy Fantasya Relli o Cici.
Sinabi ni sobejana na si Cici at asawa nitong si Andi Baso na nasawi na ay kabilang sa walong foreign suicide bombers na nasa kanilang watchlist.
Kabilang aniya sa mga banyangang tinutugis niya ay Malaysian, Indonesian at Egyptian at mayruon na silang idea kung nasaan ang mga ito.
Meron tayong walong sinusabaybayan na foreign nationals isa na rito si Cici dati-rati walo ito, si Andi Baso, si Abu na nassawi rin sa engkwentro doon sa Barangay Salman, Muncipality of Ampatuan, Maguindanao. Itong si Cici na nahuli noong makalawa , well may idea po kami kung saan siya naroroon in due time hopefully ma-neutralize o makuha din natin. ani Sobejana — sa panayam ng Santos at Lima sa 882
Hindi maaaring maipagpaliban ang pagbibigay ng 13th month pay sa mga manggagawa ngayong Pasko.
Binigyang diin ito ni Presidential Spokesman Harry Roque sa pahayag ni Labor Secretary Silvestre Bello III na maaaring i-defer ang pagkakaloob ng 13th month pay ng mga kumpanyang in distress ang kalagayan dahil sa coronavirus disease 2019 (COVID-19).
Sinabi ni Roque na mayruong umiiral na batas na nagsasaad na obligado ang pagbibigay ng 13th month pay.
Gayunman inihayag ni Roque na mas mabuting bigyan muna ng panahon ang Department of Labor and Employment para pag aralan ang usapin.
Hindi nababahala ang Department of Health (DOH) sa pagkakabilang sa Pilipinas bilang isa sa mga bansang may pinakamaraming naitalang kaso ng coronavirus disease 2019 (COVID-19).
Batay na rin ito sa huling update ng COVID-19 tracker ng John Hopkins University and Medicine.
Ayon kay Health Undersecretary Maria Rosario Vergeire hindi pa nababawas sa reported cases ang mga naka-recover na, mga namatay at maging ang active cases.
Wala aniyang dapat ikabahala ang publiko sa world ranking ng Pilipinas dahil bagamat sinasalamin ng kabuuan ang dami ng naitalang kaso ng COVID-19 sa Pilipinas mula Enero ay nasa bilang namn ang active cases ang totoong sitwasyon.
Sinabi pa ni Vergeire na 82%ng reported coronavirus cases sa bansa ang gumaling na at 1.8% lang ang fatality o mga namatay.
Pormal nang nahalal bilang House Speaker si Marinduque Congressman Lord Allan Velasco.
Ito ay matapos ideklara ng 187 congressmen na bakante ang posisyong House Speaker at kalaunan ay inihalal si Velasco bilang lider ng Mababang Kapulungan sa isinagawang sesyon sa Celebrity Sports Plaza sa Quezon City.
Bumoto ang 186 congressmen pabor sa mosyon ni Buhay Party -list Representative Lito Atienza para ideklarang bakante ang posisyong House Speaker kasunod nang pagsusulong ng siyam na kongresista na kinabibilangan nina Congressmen Joey Salceda, dating Deputy Speaker Mikee Romero at Esmael Mangudadatu, ang kandidatura ni Velasco para sa speakership.
Nanguna sa nasabing sesyon si Deputy Speaker Conrado Estella III samantalang nagsilbi namang Majority Floorleader si Pampanga Congressman Juan Pablo Rimpy Bondoc.
Kaagad namang nanumpa si Celasco bilang bagong sSpeaker of the House at nagpasalamat kina Presidential daughter at Davao City Mayor Sara Duterte-Carpio at Senador Bong Go.
Ipinaabot din ni Velasco ang paanyaya kay Congressman Alan Peter Cayetano para sa isang pagpupulong.
Una nang inihalal ng mga kongresistang nasa panig ni Velasco si Atty. Jocelia Bighani-Sipin bilang House Secretary General kapalit ni Atty. Jose Luis Montales at House Sergeant at Arms naman si Retired Police General Mao Aplasca kapalit ni Retired Police Deputy Director General Ramon Apolinario.
Hindi opisyal ang mace o ceremonial staff of office ng kamara na naka-display sa isang lugar kung saan nagtitipun-tipon ang mga kongresistang tagasuporta ni Congressman Lord Allan Velasco.
Ayon ito kay Retired Police Deputy Director General Ramon Apolinario, Sergeant at Arms ng kamara, ay dahil hawak niya official mace ng mababang kapulungan.
Ang mace, batay sa website ng kamara at simbolo ng otoridad sa Mababang Kapulungan at nakalagay sa paanan ng rostrum ng speaker kapag nasa sesyon ito, na senyales ng pagpapatupad ng kaayusan ng Sergeant at Arms, base na rin sa direktiba ng lider ng kamara.
Ang 187 congressmen supporters umano ni Velasco ay nagtitipun-tipon sa Celebrity Sports Plaza sa Quezon City.
Ipinadedeklarang bakante ngayong araw na ito ang posisyon ng House Speaker.
Kinumpirma ito ng mga ka-alyado sa kamara ni Congressman Lord Allan Velasco na batay sa manifesto nila ay ihahalal bilang Speaker of the House matapos maideklarang bakante ang puwesto ni House Speaker Alan Peter Cayetano.
Ang nasabing manifesto ay kinumpirma nina Congressmen Doy Leachon, Rufus Rodriguez at Eric Martinez para anila hindi mabinbin ang pagpasa sa panukalang 2021 national budget.
Suspendido muna ang pamimigay ng learning modules sa Zamboanga Del Sur matapos makapagtala ng local tranmission ng coronavirus disease 2019 (COVID-19) sa lalawigan.
Nabatid na 12 barangay sa lalawigan ang apektado nang suspensyon ng pamamahagi ng learning modules para sa pasukan ngayong taon.
Sinabi ng Department of Education Region 9 na itutuloy na lamang ang pamimigay ng module kapag gumaling na ang mga pasyente o nakakumpleto na ng kanilang quarantine.
Pinagwo-work-from-home muna ang public school district supervisors at school heads.