Judith Estrada-Larino

Pumapalo na sa 424, 297 ang kabuuang kumpirmadong kaso ng coronavirus disease 2019 (COVID-19) sa bansa  matapos madagdagan ng 1, 392 na mga bagong kaso.

Ipinabatid ng DOH na Caloocan City ang nakapagtala ng pinakamataas na bagong kaso ng COVID-19 sa 77, sumunod ang Cavite – 73, Laguna – 73, Davao City – 62 At Quezon – 60.

Umakyat naman sa 387, 266 ang total recoveries matapos gumaling ang 328 pang pasyente mula sa COVID-19 samantalang sumirit sa 8, 242 ang death toll nang nasawi ang 27  iba pa.

Nasa 28,789 ang aktibong kaso ng COVID-19 na sumasailalim sa gamutan o quarantine kung saan 84% ang mild, 8.3% ang asymptomatic,  2.6% ang severe at 4.9% ang critical condition.

JUST IN: Kaso ng COVID-19 sa bansa, nadagdagan pa ng 1,392 ngayong Huwebes, Nobyembre 26.

Pumalo na sa kabuuang 424,297 ang bilang ng kumpirmadong kaso ng COVID-19 sa bansa. Mayroon namang 28,789 naitalang active cases. | https://t.co/HHOy7zaafm pic.twitter.com/3lDAk1Ni6H

— DWIZ Newscenter (@dwiz882) November 26, 2020

Inaasahang lalagdaan na ngayong araw na ito ang Tripartite agreement para sa pagbili ng bakuna kontra COVID-19 ng Pilipinas sa AstraZeneca sa United Kingdom.

Ito ayon kay National Task Force against COVID-19 Chief Implementer at Vaccine Czar Carlito Galvez, Jr. Ay para sa inisyal na pagbili ng 2 milyong doses ng bakuna.

Sinasabi sa report na mura at 90% epektibo ang bakunang gawa ng AstraZeneca.

Bukod sa AstraZeneca nakikipag-negosasyon na rin ang Pilipinas sa kumpanyang Sinovac sa China at Pfizer sa amerika para sa karagdagang bakuna.

Bagamat may inaasahan nang bakuna  patuloy  parin ang panawagan ni Galvez sa publiko na mhigpit na sumunod sa health protocols kontra COVID-19 tulad nang pagsusuot ng face mask at face shield, paghuhugas ng kamay at physical distancing.

Umalma ang Malakaniyang sa pag-aaral ng Bloomberg na nasa ika-46 na puwesto ang Pilipinas mula sa 52 bansa na mayruong “Least amount of economic and social disruption” sa COVID-19.

Isa rin ang Pilipinas sa mayruong hindi magandang pamamaraan sa pagtugon sa COVID-19 sa Southeast Asia kasunod ng Vietnam, Singapore, Thailand, Indonesia at Malaysia.

Ayon kay Presidential Spokesman Harry Roque, hindi makatuwirang sabihin ng Bloomberg na hindi naging maayos ang pagtugon ng Pilipinas sa COVID-19.

Bagamat nasa ika-22 puwesto ang Pilipinas sa buong mundo iginiit ni Roque na hindi naman nasa absolute top ang Pilipinas kung numero ang pag-uusapan.

Maliit din lamang aniya ang mortality rate ng Pilipinas o bilang ng mga namamatay sa COVID-19 gayundin ang bilang ng mga tinamaan ng nasabing sakit na nasa kritikal ang kalagayan.

Nanindigan si Roque sa maayos na pagtugon ng Pilipinas sa COVID-19 pandemic.

Kumilos na ang Department of Finance (DOF) para ibalik sa kaban ng bayan ang P33.4 billion  na nakagarahe sa Philippine International Trading Corporation (PITC).

Ayon ito kay Senate Minority Floorleader Franklin Drilon batay sa kopya ng liham na ipinadala ni Finance Secretary Carlos Dominguez kay Budget Secretary Wendel Avisado.

Nakasaad sa liham ang kautusan ni Dominguez kay avisado na irekomenda sa Pangulong Rodrigo Duterte na mag isyu ng direktiba para sa agarang pagbalik ng naturang pondo sa national treasury.

Sinabi ni DRILOn na natutuwa siya at kumilos kaagad ang DOF sa nasabing usapin dahil ang malaking pondong naka-park lamang sa PITC ay magagamit sa pagbili ng bakuna at iba pang mahahalagang programa.

Una nang inihayag ni Drilon na ginagawang imbakan ang PITC ng mga ahenysa ng gobyerno para makaiwas sa obligasyon na ibalik ang hindi nagastos na pondo sa kaban ng bayan.  — ulat mula kay Cely Ortega-Bueno (Patrol 19)

Tutol si Labor Secretary Silvestre Bello III at isang labor group sa panukalang 35 oras kada linggong pagtatrabaho sa pribadong sektor.

Ayon kay Bello ang pagbabawas sa oras ng trabaho ay magreresulta rin bawas sa suweldo ng mga manggagawa.

Sinabi naman ng Kilusang Mayo Uno (KMU) na maraming paglabag sa International Labor Conventions ang panukalang bawasan ang working hours ng mga empleyado.

Una nang isinulong sa kamara ang pag-compress ng international standard work week ng limang araw at 40  oras sa apat na araw at 35 oras.

Sumirit na sa 420,614 ang kumpirmadong kaso ng coronavirus disease 2019 (COVID-19) matapos madagdag ang 1, 799 na mga bagong kaso ng virus.

Ipinabatid ng Department of Health na ang lalawigan ng Cavite ang nakapagtala ng pinakamataas na bagong kaso ng COVID-19 na nasa 154, sumuno ang Rizal – 114, Quezon City – 99, Bulacan – 76 at laguna – 67.

Umakyat naman sa 386, 604 ang total recoveries nang maitala ang 135 na mga bagong gumaling sa naturang virus.

Pumapalo na sa 8, 173 ang death toll matapos madagdag ang 50 bagong nasawi sa COVID-19.

Nasa 25, 837 ang active cases na sumasailalim sa gamutan o kaya naman ay naka-quarantine kung san 83.5% ang mild, 7.8% ang asymptomatic, 2.9% ang severe at 5.5% ang critical condition.

JUST IN: Kaso ng COVID-19 sa bansa, nadagdagan pa ng 1,799 ngayong Lunes, Nobyembre 23.

Pumalo na sa kabuuang 420,614 ang bilang ng kumpirmadong kaso ng COVID-19 sa bansa. Mayroon namang 25,837 naitalang active cases. | https://t.co/HHOy7zaafm pic.twitter.com/FPnHfGsbJe

— DWIZ Newscenter (@dwiz882) November 23, 2020