Judith Estrada-Larino

Umarangkada na simula ngayong araw, Lunes, ang sariling bus augmentation program ng Quezon City government.

Magkakaloob ng libreng sakay ang mga bus na bi-biyahe sa walong ruta sa lungsod ng Quezon.

Kabilang sa mga rutang ito ang mga sumusunod:

• Quezon City Hall — Cubao
• Quezon City Hall — Litex/IBP Road
• Welcome Rotonda — Aurora Boulevard/Katipunan
• Quezon City Hall — General Luis
• Quezon City Hall — Mindanao Avenue/Quirino
• Quezon City Hall — Gilmore
• Quezon City Hall — C5/Ortigas Avenue Extension
• Quezon City Hall — Muñoz

Ayon sa Quezon City local government unit (LGU), layon ng programa na mabigyan ng maayos at ligtas na transportasyon ang mga commuter sa lungsod.

Nasa Facebook page naman ng QC government ang schedule ng oras ng biyahe ng mga nasabing bus mula sa drop off point.

Good news, QCitizens!

Aarangkada na ang Quezon City Bus Augmentation Program simula December 7. Libreng transportasyon ito para sa mga residente ng QC.

Kasalukuyang mayroong walong (8) ruta ang programang ito na dadaan sa mga pangunahing kalsada: pic.twitter.com/Z5nV8F258c

— Quezon City Government (@QCGov) December 6, 2020

Hindi problema kina Health Secretary Francisco Duque, Jr. at vaccine czar Carlito Galvez na maunang magpabakuna kontra coronavirus disease 2019 (COVID-19).

Tugon ito ni Duque sa hamon ni Senador Bong Go na mauna sila ni Galvez na magpaturok ng bakuna laban sa COVID-19.

Sinabi sa DWIZ ni Duque na handa silang maunang magpa bakuna basta’t may go signal na ang vaccine expert panels para ilarga na ang partikular na bakuna.

Okay lang sa akin iyan, ang problema baka may masabi ang ilan na inuna pa namin ang aming sarili,” ani Duque. —sa panayam ng Santos at Lima sa 882

Pinasisilip ni Senador Risa Hontiveros sa Department Of Labor and Employment (DOLE) ang mass retrenchment ng halos 500 regular employees ng canned pineapple producer at exporter DOLE Philippines Incorporated.

Sa kaniyang sulat kay Labor Secretary Silvestre Bello III sinabi ni Hontiveros na hindi naman nalugi ang kumpanya sa mga nakalipas na taon para legal nitong ma-justify ang lay offs sa gitna ng COVID-19 pandemic.

Binigyang diin ni Hontiveros na ang annual audited financial statement ng DOLEFil ay kontra sa claim ng kumpanya na nalugi ito sa pag-isyu ng notification for termination ng mga empleyado nito nuong Setyembre.

Kinuwestyon din ni Hontiveros ang pagpafile ng notice noong Setyembre 18 o 3 araw bago ang aktuwal na termination ng mga manggagawa.

Naniniwala si Hontiveros na “in bad faith” ang ginawang pagsibak sa mga empleyado ng DOLE Philippines lalo’t lumalabas na naunang inalis sa trabaho ang mga regular employees sa halip na mga contractuals.

Nakaka-alarma rin aniya sa kabila nang pagregular ng DOLE Philippines sa P5K empleyado nito noong 2018 bilang suporta sa kampanya ng gobyerno laban sa endo nagpatuloy pa rin itong mag hire ng contractual workers na malinaw na pagsisinungaliung sa basehan ng retrenchment sa regular workers nito.

Inamin ng Food and Drug Administration (FDA) na malaki ang tsansang mabigyan ng Emergency Use Authorization (EUA) sa Pilipinas ang COVID-19 vaccine na gawa ng Pfizer at Bio N Tech.

Kasunod na rin ito ng anunsyo ng United Kingdom ang pagbibigay ng EUA sa potential vaccine ng 2 kumpanya na sisimulan nang iturok sa mga nasa UK sa susunod na linggo.

Sinabi ni FDA Director General Eric Domingo na naniniwala siyang dumaan sa masusing proseso ang application ng Pfizer- bio n’ tech bago inirekomenda ang medicines and healthcare products regulatory agency sa pamahalaan ng britanya

Kung magpapasa ng application para sa EUA ng Pilipinas ang mga kumpanya inihayag ni Domingo na kailangan nilang patunayang epektibo at ligtas ang kanilang bakuna sa pamamagitan ng mga kaukulang dokumento.

Posible aniyang sa loob ng 21 hanggang 28 araw ay makapagpalabas sila ng desisyon sa EUA ng isang kumpanya na makapagpapasa ng kumpletong requirements sa application.

Tiniyak ng Food and Drug Administration (FDA) ang nakalatag na safeguards o panuntuan na magbibigay kaligtasan sa populasyon na tuturukan ng COVID-19 vaccines na mapagkakalooban ng Emergency Use Authorization (EUA).

Ayon kay FDA Director General Eric Domingo nakalagay sa ilalabas na EUA ang lahat ng kondisyon kabilang ang post marketing at post authorization monitoring.

Mayroon aniyang adverse event following immunization committee na ide-deploy sa bawat rehiyon na magbabantay sa posibleng epekto ng ituturok na bakunang may eua at katuwang ng FDA dito ang epidemiology bureau ng Department Of Health.

Bukod sa local health agencies sinabi ni Domingo na makikipag coordinate din ang FDA sa international regulatory agencies para sa monitoring ng bakuna na binigyan nila ng EUA.

Inihayag ni Domingo na responsibilidad ng nasabing komite na i-report sa regional offices ang maitatalang adverse events tulad ng pananakit ng braso, sinat o lagnat ng mga indibidwal na isasailalim sa COVID-19 vaccination.

Sa susunod na linggo posibleng magpalabas ng guidelines ang FDA hinggil sa proseso ng application para sa mga vaccine developers na nais ding makakuha ng eua mula sa Pilipinas.

Una nang nilagdaan ng Pangulong Rodrigo Duterte ang Executive Order 121 na nagbibigay kapangyarihan sa FDA na maggawad ng eua sa mga COVID -19 drugs at vaccines.

Suportado ng COMELEC ang isinampang petisyon ng isang kinatawan ng government anti insurgency para kanselahin ang partylist registration ng Gabriela women’s party.

Pinaboran ng 2nd division ng COMELEC ang National Task Force to End Local Communist Armed (NTF-ELCAC) conflict dahil mayroon itong legal standing para maghain ng petisyon upang ma-void o mabalewala ang registration ng Gabriela partylist.

Iginiit ng NTF-ELCAC na tumatanggap ng pondo ang Gabriela at general assembly of women for reforms mula sa gobyerno ng ibang bansa at ginagamit ito para suportahan ang mga terorista sa bansa.

Hindi maaaring gamitin sa ibang layunin ang datos na nakakalap sa QR code sa mga estabishment.

Sinabi ni National Privacy Commission Chair Ramon Liboro na malinaw ang guidelines ng IATF na ang mga datos na nakakalap sa QR code ay para lamang sa contact tracing.

Kailangan din aniyang nakasaad ito sa terms and conditions ng mga establishment at mababasa dapat ng publiko.

Ayon pa kay Liboro ang datos na nakukulekta sa QR ode ay hindi pwedeng ire-purpose o itago for future use.