Judith Estrada-Larino

Isinusulong ng National Commission of Senior Citizens (NCSC) sa Inter-Agency Task Force (IATF) ang pagkakaroon ng ligtas na espasyo ang mga matatanda sa mga pampublikong lugar para makalabas din ang mga ito.

Sinabi ni Atty. Franklin Quijano, chair ng NCSC, na dapat isaalang-alang ang mental health ng mga senior citizens bukod pa sa kailangang maging malusog at aktibo ang mga ito ngayong mayroong health crisis.

Ayon kay Quijano, dapat magkaroon ng sariling oras ang mga senior citizens para makapamili sa labas ng kanilang mga pangangailangan.

Nanawagan din si Quijano sa mga local officials at maging sa transport sector na maglaan ng espasyo para sa mga senior citizen.

Pabayaan lamang ang umiiral na normal market reaction.

Ayon ito kay Senador Aquilino Koko Pimentel III sa halip na mag-pork holiday sa gitna na rin nang pagtaas ng presyo ng baboy.

Sinabi ni Pimentel na dapat hayaan ang consumers na humanap at bumili ng ibang pagkain o produkto na sa tingin nila ay mas makatuwiran ang presyo at kaya ng kanilang budget.

Kapag hinimok o inobliga ang publiko na mag-pork holiday o huwag bumili ng karneng baboy, inihayag ni Pimentel na kawawa naman ang nasa hog industry.

Normal naman aniyang umiwas muna ang publiko sa pagbili ng karneng baboy para humina rin ang benta ng mga nagsasamantala sa sitwasyon. —ulat mula kay Cely Ortega-Bueno (Patrol 19)

Nagpalabas ng mga panuntunan ang Baguio City government para sa curfew hours at liquor ban sa pagsisimula ng general community quarantine sa Cordillera Administrative Region (CAR) ngayong araw na ito.

Ayon sa city government, ang curfew ay magsisimula ng alas-10 ng gabi hanggang alas-4 ng hapon maliban sa mga authorized persons outside residence (APOR).

Itinakda naman ng alas-8 ng gabi hanggang alas-10 ng umaga ang liquor ban.

Hindi pa rin makakalabas ng kanilang bahay ang mga 15-anyos at mahigit 65-taong gulang maliban lamang kung essential trips o for emergency.

Mahigpit pa ring ipatutupad ang pagsusuot ng face mask at face shield gayundin ang pag-obserba ng physical distancing.

Nasa 75% naman ang kapasidad ng mga pampublikong trasportasyon sa Baguio City.

Bukod sa CAR, nasa general community quarantine din ang Metro Manila, Batangas, Tacloban City, Davao City, Davao Del Norte, Lanao Del Sur at Iligan City.

Posibleng madagdagan ng P20 ang presyo ng kada kilo ng karneng baboy sa Metro Manila.

Ito, ayon kay Agriculture Assistant Secretary Kristine Evangelista, ay dahil sa dagdag gastos sa pag-angkat ng karneng baboy mula sa Mindanao Region at regular testing para sa African Swine Fever (ASF).

Sinabi ni Evangelista na marami pang cost o ipinapatong sa presyo ng karneng baboy bago pa ito tuluyang lumapag sa mga palengke.

Una nang inihayag ng Department of Agriculture na nakikipag-ugnayan na sila sa mga supplier sa Mindanao para masolusyunan ang kakulangan ng suplay ng karneng baboy sa Luzon matapos isulong sa Pangulong Rodrigo Duterte na magpatupad ng price ceiling para sa karne ng baboy at manok na malaki ang itinaas ng presyo kahit may price freeze noong isang taon dahil sa ASF.

Doble kayod ang gobyerno para mapalakas ang ekonomiya ng bansa at matuguna ang problema sa kagutuman.

Binigyang diin ito ni Senador Bong Go kasunod nang patuloy na pagsusumikap ng Pangulong Rodrigo Duterte na makalikha ng trabaho kahit mayruong pandemya ng COVID-19.

Ito ay matapos pumalo sa negative 9.5% ang economic contraction nuong 2020 na pinakamababa sa kasaysayan ng Pilipinas mula nuong 1947.

Sinabi ni Go, na unti unting binubuksan ng pamahalaan ang ekonomiya ng bansa para makabalik na sa normal ang pamumuhay ng mga Pilipino.

Mahigpit pa rin aniyang tinututukan ng administrasyon ang kahirapan, pagkagutom, trabaho at bakuna kontra COVID-19 at iba pa.

Nanawagan si Senador Imee Marcos sa gobyerno na itigil na ang pag-angkat ng baboy na tanging ang makikinabang lamang ay mga tiwaling importers na ginagamit ang kulang na local supply ng baboy dahil sa African Swine Flu.

Sinabi ni Marcos, na hindi dapat mawalan ng negosyo ang local producers dahil sa pagbaha ng pork imports sa merkado.

Inihayag pa ni Marcos, na magsisimula na ang pagkatay sa mga local hog raisers kapag ipinatupad ng Department of Agriculture ang plan nitong itaas ng tatlong beses sa kasalukuyang 54,000 metric tons ang minimum access volume ng pork imports.

Tila aniya nag o overcompensate ang DA sa pagmamadali nitong pataasin ang import para mabawasan ang presyuhan ng karne.

Sa halip binigyang diin ni Marcos, chair ng Senate Committee on Economic Affairs na dapat pabilisin ng d.a ang imbestigasyon nito sa pag horad ng pork products na nagiging dahian ng artipisyal na pagtaas ng presyo ng karne sa merkado sa gitna ng pagkalat ng ASF partikular sa Luzon.

Uubrang gamitin ang mga simbahan bilang alternatibong site para sa pagbabakuna sa mga malalayong lugar sa bansa dahil sa kakulangan ng pasilidad.

Ayon ito kay Health Secretary Francisco Duque III matapos tanggapin ang alok ng CBCP ang pag-convert ng ilang pasilidad ng mga simbahan bilang COVID-19 vaccination sites.

Sinabi pa ni Duque na natutuwa siya sa nasabing alok ng CBCP para maabot din ang mga nasa malalayong lugar.

Kasabay nito ipinabatid ni Duque na nakikipag-ugnayan na sila sa ilang medical at allied health professionals, local government units at iba pang mga sektor para tumulong sa pagsisimula ng vaccine room out at sa pagpapalakas na rin sa tiwala ng publiko sa pagpapabakuna kontra COVID-19.