Judith Estrada-Larino

Posibleng hindi na magsagawa ng bicameral conference committee meeting ang Kongreso.

Ito ayon kay Senador Edgardo Angara ay para mapabilis ang pag apruba sa panukalang pagkakaruon ng vaccine indemnity fund o Senate Bill 2057 at kaagad makabili ng COVID-19 vaccines o House Bill 8648 at posibleng i-adopt na lamang ang isang version ng Kamara.

Ang mga nasabing panukala aniya ay una nang sinertipikahang urgent ng Pangulong Rodrigo Duterte kayat maaaring maaprubahan sa second at third reading bukas, Lunes hanggang Miyerkules.

Layon ng Senate Bill 2057 na i-authorize ang Department of Health at National Task Force against COVID-19 na magsulong ng negotiated procurement ng COVID-19 vaccines at mga kailangan pang supplies at services para sa kanilang storage, transport at distribution.

Pinapayagan din ng panukala ang local government units na bumili ng COVID-19 vaccines at supplies at services sa pakikipag ugnayan sa DOH at NTF sa pamamagitan ng multi party agreements.

Halos 4,000 pasahero ang stranded sa iba’t ibang pantalan sa bansa dahil sa Bagyong Auring.

Ipinabatid ng Philippine Coastguard na nasa kabuuang 3, 855 individuals ang stranded gayundin ang 67 barko, isang motor banca at 1, 602 rolling cargoes.

Ayon sa Coastguard, pinakamarami ang stranded sa Eastern Visayas na may 2, 154 passengers na sinundan ng Eastern Mindanao na may 780 passengers stranded, 473 sa Central Visayas, 379 sa Western Visayas at 47 sa Northern Mindanao.

Nag take shelter naman anito ang 64 na barko at apat napung motorbanca para makaiwas sa hagupit ng Bagyong Auring.

Kasabay nito  tiniyak ni Coastguard Spokesman Captain Armand Balilo ang kahandaan ng coast guard deployable response groups sakaling kailanganin para sa evacuation at rescue operations.

Dapat manatili sa general community quarantine (GCQ) ang mga itinuturing na high risk areas sa Metro Manila.

Ito ayon kay dating NEDA Chief Ernesto Pernia ay para hindi na kumalat ang COVID-19 o lumala pa ang sitwasyon.

Sinabi ni Pernia na dapat maging selective at hindi absolute ang paglalagay ng mga lugar sa bansa sa MGCQ partikular ang Metro Manila.

Uubra naman aniyang mag MGCQ ang low risk areas sa Metro Manila subalit dapat manatili sa GCQ ang mga high risk areas.

Inihayag pa ni Pernia na naiintindihan niyang interconnected ang mga lungsod sa Metro Manila kayat kailangang bumuo ng plano ang local government officials para ma minimize ang interaction ng MGCQ cities at GCQ naman ang katabing lugar bukod sa kailangang mas maging maingat ang lahat.

Una nang inihayag ni Navotas City Mayor Toby Tiangco na siyam na mayor sa NCR ang pumabot sa MGCQ at walo naman ang bumoto para sa GCQ status ng kalakhang Maynila.

Bukas si Vice President Leni Robredo na tumakbo sa 2022 presidential elections.

Gayunman inamin ni Robredo na mas gusto niyang tumakbo sa local elections.

Sinabi ni Robredo na mas mabilis siyang makakapagpasya sa tatakbuhang puwesto kung sapat ang kanyang resources lalo pat kakaunti na lamang silang natira sa kanilang partido.

Marami aniyang dapat paghandaan bago naman niya ikunsider ang pagtakbo bilang pangulo ng bansa subalit magpapasya siya sa kanyang political career sa Setyembre o isang buwan bago ang paghahain ng certificate of candidacy.

Bago naging vice president si Robredo  ay naging kongresista ng ikatlong distrito ng Camarines Sur.