Judith Estrada-Larino

Magsisilbing striking force ng PNP kontra kriminalidad sa Metro Manila ang mahigit 500 pulis na mga bagong graduate.

Ipinabatid ito ni NCRPO Chief Police Major General Vicente Danao Jr. matapos pangunahan kasama si Police Major General Alex Sintin, director ng PNP Training Institute ang graduation ceremony ng public safety basic recruit course class 2020 masigtalab sa Camp Bagong Diwa sa Taguig.

Ang masigtalab class 2020 -04 na binubuo ng 134 na babae at 385 lalaki ay ite-turn over muna sa regional special training unit para sa isang orientation bago i-deploy sa limang police districts.

Ayon kay Danao sa kanilang deployment sasailalim sa anim na buwang compulsory field training exercise – on the job training ang mga bagong police graduate para i-apply ang kanilang mga natutunan tulad nang pag responde at pagtupad sa batas sa mga actual scenario sa imbestigasyon, pagpapatrulya at pagmamando ng trapiko.

Uubra subalit mahirap mapatunayan.

Binigyang diin ito ni Atty. Domingo Cayosa, pangulo ng Integrated Bar of the Philippines (IBP) matapos magbanta ang Pangulong Rodrigo Duterte na kakasuhan ng murder o homicide ang sinumang COVID-19 positive na manghahawa ng nasabing virus.

Sinabi sa DWIZ ni Cayosa na pawang mabibigat na kaso ang murder at homicide na maraming elemento at kailangang mapatunayan bago kasuhan ng murder o homicide ang isang COVID-19 positive patient o may intensyong talagang makahawa at makapatay.

Naturukan na ng unang dose ng Sinovac ang mga sibilyang residente at mga uniformed personnel na nakatalaga sa Pag-asa Island sa West Philippine Sea.

Ayon sa municipal government ng kalayaan na mayruong hurisdiksyon sa Pag-asa Island  nasa 65 indibidwal ang naturukan ng Coronavac sa unang araw nang pagbabakuna sa nasabing lugar.

Tiwala ang kalayaan municipal government na mas marami pa ang mababakunahan sa lugar.

Nasa isandaang indibidwal ang target na mabakunahan sa Pag-asa Island.

Ang mga nasabing bakuna ay dinala ng ML Queen Seagull sa pangangasiwa ng mga tauhan ng DOH sa rehiyon at sa lalawigan gayundin ng municipal government ng Palawan mainland.

Positibo ang pananaw ng Department of Labor and Employment sa mahigit 4 milyong Pilipino na walang trabaho sa nakalipas na buwan ng Abril.

Ayon kay Labor Secretary Dominique Tutay  kung tutuusin ay mababa na ang nasabing bilang ng mga walang trabahong Pilipino kumpara nuong isang taon kung kailan nagsimula ang pandemya.

Sinabi sa DWIZ ni Tutay na ang nasabing unemployment rate ay patunay lamang nang pagbubukas ng ekonomiya ng bansa.

Mataas pa po iyan kumpara po natin sa pre-pandemic situation natin pero ang tingign po namin diyan much improvement na po sa 2020 figures natin in terms of unemployed person and unemployment rate. So ibig sabihin lang po niyan na unti-unti nagbubukas na ang ating ekonomiya at kailangan na po na tuloy-tuloy po ito. Maganda na po meron na tayong vaccination for A4 categories of workers ang hopefully when the vaccines are enough maging tuloy-tuloy na rin po ang re-opening ng ating businesses, ani Tutay sa panayam sa IZ sa Ala-Sais

Kaya ng local government units sa Metro Manila ang makapagturok ng bakuna sa 120,000 katao isang araw.

Ipinagmalaki ito ni MMDA Chairman Benhur Abalos sa gitna na rin aniya nang patuloy na pagpapalawig ng metro mayors sa kani kanilang vaccination program kabilang ang pagdadagdag ng vaccination sites.

Nasa mahigit 600,000 na ang nabakunahan mula sa mahigit 14 milyong populsyon ng kalakhang Maynila.

Sinimulan na ngayong araw na ito ng faculty of medicine and surgery ng University of Santo Tomas ang limitadong face-to-face classes para sa clinical clerks.

Ayon sa report ng The Varsitarian ang face to face classes ay tatagal ng isang buwan o hanggang Hulyo 10.

Tiniyak ni Clinical Clerks Council President Michael Cuevas ang pagkakasa ng mga hakbangin upang masiguro ang ligtas na pagsasagawa ng on site classes.

Kabilang dito aniya ang pagpapabakuna ng mga clinical clerks bago dumalo sa face to face classes at pagsunod sa health guidlines na ipinapatupad ng gobyerno at mga dagdag na polisiyang ikinakasa ng mismong kolehiyo.

Ipinabatid ni Cuevas na bago pa mag Marso ay na plantsa na nila ang mga gagamiting pasilidad subalit nagbago lamang ang  schedule.

Ino-obliga ng CHED ang on site clerkship para sa mga ga-graduate na medical students.

Inaasahan na ang sapat na suplay ng bakuna ng gobyerno.

Ayon ito kay Presidential Adviser for Entrepreneurship Joey Concepcion kaya’t hindi na aniya kailangang mag-donate ng pribadong sektor sa pamahalaan ng bahagi ng kanilang biniling Astrazeneca vaccines.

Sinabi ni Concepcion na sa Pebrero 2022 pa inaasahang darating sa bansa ang ibibigay nilang doses ng bakuna sa gobyerno.

Gayunman, tiniyak ni Concepcion ang commitment ng private sector para tumulong sa vaccine supply sa NCR plus.

Magugunitang lumagda ang private sector, local government units at national government sa isang tripartite agreement para sa kabuuang 17 milyong doses ng bakuna mula sa Astrazeneca na ang 2.5 milyong doses ay darating sa susunod na buwan o sa Agosto kung kailan gugulong ang pagbabakuna ng pribadong sektor sa kanilang mga empleyado.

Posibleng mabakunahan na kontra COVID -19 sa ika-4 na quarter ng taong ito ang mga bata at kabataan.

Ayon ito  kay Vaccine Czar Carlito Galvez. Jr. dahil malaking bahagi ng COVID -19 vaccine na epektibo sa mga menor de edad ay darating sa huling quarter ng taong ito.

Ang COVID -19 vaccine na gawa ng Sinovac, Moderna at Pfizer ay binigyan na ng go signal para gamitin sa mga bata at kabataan sa ilang bahagi ng mundo.

Binigyang diin ni Galvez na ang pag bakuna lamang sa halos 29 milyong minors sa bansa ang magbibigay daan sa herd immunity at sa pagbabalik ng face to face classes.

Tiwala si Vaccine Czar Carlito Galvez, Jr. na matatapos bago mag fourth quarter ng taong ito ang pagbabakuna sa 35. 5 milyong workers na pasok sa A4 category.

Ito ayon kay Galvez ay dahil inaasahan nila ang pagdating 10 milyong doses ng bakuna sa Hunyo 11, 11 milyong doses sa Hulyo, 17 milyon sa Agosto at 15 hanggang 20 milyong doses sa Setyembre.

Sinabi ni Galvez na inaasahn nilang maaabot ang target na 30 milyong workers kahit sa first dose lamang muna.