Judith Estrada-Larino

Hindi lamang Quezon City kundi maging ang Valenzuela City ay nagkasa na rin ng sariling bakuna nights.

Alas-6 ng gabi hanggang alas diyes ng gabi bukas ang  bakuna nights para sa mga empleyadong nais magpa bakuna ng hindi lumiliban sa kanilang mga trabaho.

Itinayo ng Valenzuela City Government sa Pasolo Elementary School ang night shift vaccination nito para sa industry workers at economic frontliners.

Nasa 2,000 pre-registered economic workers naman na kabilang sa A4 priority group ang nabakunahan na sa nakalipas na magdamag sa Quezon City hall grounds.

Gumulong na ang pagbabakuna sa mga Pinoy seafarer.

Kasunod na rin ito nang isinagawang symbolic vaccination sa Palacio De Maynila sa Roxas Boulevard sa Maynila na nilahukan ng 2,000 seafarers.

Ang schedule nang pagbabakuna ayon sa Manila Public Information Office ay ibabatay sa deployment plan na isusumite ng domestic ship operators at local manning agencies sa marina kada buwan bago magpa rehistro ang mga ito sa seafarers COVID-19 vaccination platform ng marina.

Ipinabatid ng marina na pumapalo sa 730, 651 ang aktibong Pinoy seafarers.

Dumating na sa bansa ang 1.5 million doses ng Sinovac vaccine.

Kalahating milyon sa mga nasabing bakuna ay unang batch na binili ng Federation of Filipino Chinese Chambers of Commerce and Industry Incorporated.

Isang milyon sa Coronavac supply ay binili ng gobyerno at nakatakdang ipamahagi sa mga lugar na mayruong mataas na kaso ng COVID-19.

Kaagad idiniretso sa cold storage facility sa Marikina ang mga nasabing bakun na ikatlong shipment na ng Sinovac vaccines sa bansa.

Dahil sa naturang supply ng Coronavac nasa 9 milyong doses na ng bakunang gawa ng Sinovac ang napapasakamay ng Pilipinas kabilang ang 1 milyong donasyon ng gobyerno ng China.

Maraming inosenteng riders ang nasasangkot sa delivery ng iligal na droga.

Ayon ito kay PDEA Director General Wilkins Villanueva matapos kumpirmahing tumaas ang kaso ng drug trafficking trend gamit ang delivery courier services.

Sinabi ni Villanueva na ginagamit ng mga sindikato ang delivery service platforms para patuloy na mamayagpag sa kanilang negosyo.

Una nang lumagda sa isang memorandum of agreement ang PDEA at Wallstreet Courier Services Incorporated o kilalang Ninja Van para tugunan ang problema sa drug trafficking trend na ginagamit ang delivery courier services.

Planong hilingin ni Labor Secretary Silvestre Bello III na doblehin o dagdagan ng 5,000 ang bilang ng nurses na uubrang lumabas ng bansa.

Kasunod na rin ito ng kahilingan ng mga grupo ng nurses na madagdagan ang bilang nila na papayagang makapag trabaho sa ibang bansa.

Sinabi naman ni Bello na hindi mawawalan ng nurses sa bansa kahit pa itaas ang bilang ng mga ito na lalabas ng bansa.

Ipinagmalaki ng DENR ang mga pagbabago sa Manila Bay.

Sa katunayan pinabatid sa DWIZ ni DENR Undersecretary Jonas Leones na hinati nila sa tatlong bahagi ang pagpapaganda sa Baywalk.

Patuloy din aniya nilang nililinis ang kalidad ng tubig sa Manila Bay.

May swimming area, viewing area at fishing area doon. Ang swimming area aynasa Embassy ‘yung may dolomite ‘yan. Ang viewing area sa gitna, ang fishing area ya nasa Abad. Tapos ang inaayos natin diyan ang water quality para masunod natin ang derektiba ng Supreme Court, ani Leones sa panayam ng IZ sa ala-6

Nakagawa ng kasaysayan ang lungsod ng Maynila matapos mabakunahan kontra COVID-19 sa loob ng isang araw lamang ang mahigit  25,000 katao.

Ipinabatid ng Manila Public Information Office na noong June 14, Lunes pumapalo sa 25, 668 ang nabakunahan kumpara sa 21, 824 noong May 29.

Sumipa na rin sa 10,439 katao ang nakatanggap ng second dose ng mga may comorbidities samantalang nasa 10, 165 na economic frontliners ang nakakuha na ng unang dose ng COVID-19 vaccine.

Sa pinakahuling record ng Manila City government nasa 255, 791 individuals ang nakatanggap na ng unang dose ng bakuna habang nasa 124, 364 ang naturukan ng second dose.