Patuloy ang umanoy pinalakas na recruitment ng BIFF sa Maguindanao.
Sinasabing pinakamalaking bulto ng recruitment ng BIFF ay mga menor de edad mula sa mga liblib na barangay.
Magugunitang ilang lider at miyembro ng BIFF ang nasawi sa inilunsad ng focused military operation ng joint task force central sa Maguindanao.
Kuwalipikado na sa libreng matrikula at miscellaneous fees ang mahigit 8,000 estudyante ng Quezon City University.
Kasunod na rin ito ng iginawad na institutional recognition ng CHED sa QCU.
Ayon sa CHED requirement ang nasabing recognition at maging ang certificate of program compliance sa Republic Act 10931 para sa higher education institutions upang patupad ang mga programa tulad ng fhe o free higher education na nagsu-subdivize sa tuition fees at 13 pang bayarin at ang TES o tertiary education subsidy na nagbibigay naman ng mahigit isandaang libong piso sa mga grantee kada academic year at maging student loan program.
Mahigit 50% ng COVID-19 cases sa Davao City ay nagmula sa working place o mga trabaho.
Ipinabatid ito ni angel sumagaysay, pinuno ng public safety and security commander center ng Davao City matapos ihayag na mahigit apat na raang kabahayan at mga gusali sa lungsod ang isinailalim sa lockdown sa linggong ito lamang dahil sa pagsirit ng kaso ng COVID-19.
Ayon kay sumagaysay nadala ng mga empleyado sa pag-uwi sa kani kanilang mga pamilya ang virus kaya’t patuloy ang hawahan at pagtaas ng kaso ng virus sa Davao City.
Samantala 12 empleyado ng Davao City hall ang nag positibo sa COVID-19 kayat tatlong departamento nito ang nasa granular lockdown na.
Iginigiit ng isang child advocacy group ang independent investigation sa pagpaslang sa tatlo katao kabilang ang isang 12 anyos na estudyante mula sa tribong lumad sa Lianga, Surigao Del Sur.
Ayon sa CRN Child Rights Network matagal nang itinuturing na kritikal na lugar ang bayan ng Lianga dahil sa armadong pakikibaka rito subalit hindi makatuwiran ang pagpaslang sa mga inosenteng sibilyan lalo pa kung menor de edad.
Bilang pagsunod sa Republic Act 11188 o Special Protection of Children and Situations of Armed Confkict Act.
Nanawagan ang CRN sa Inter-Agency Committee on Children in situations of armed conflict na kaagad mag convene at magsagawa ng imbestigasyon sa nasabing pagpaslang para maibigay ang hustisya sa mga biktima.
Binigyang diin ng crn ang mga probisyon sa ilalim ng ra 11188 na naglalayong protektahan ang mga kabataang nadadamay sa armed conflict mula sa pang aabuso sa karapatang pantao sa pamamagitan nang pagdedeklara ng chldren zones of peace at obligahin ang gobyerno na parusahan ang mga lumalabag dito
Pineste ng mga armyworm o caterpillar pest ang mga sakahan sa 11 barangay sa Cagayan Valley.
Dagdag pasanin pa umano ito sa mga magsasaka sa Cagayan Valley na hindi pa nakakarekober sa epekto ng dry season.
Ayon sa report sinira ng armyworms ang mga tanim sa halos 90 ektarya ng lupain sa Cagayan Valley.
Iniimbestigahan na ng department of agriculture ang insidente.
Nalito ang mga naka-close contact ng isang board member sa Guimaras matapos maglabas ng maling resulta ng RT-PCR test ang isang ospital sa Iloilo City.
Ayon kay Guimaras Board Member Cyril Beltran nagpositibo sa COVID-19 ang kanyang nakakatandang kapatid kaya’t sumailalim siya at kanilang pamilya sa swab test.
Una aniya siyang sinabihan ng hindi pinangalanang source na nag positibo siya sa COVID-19 maging ang kanyang dalawang anak at kasambahay subalit nagulat na lamang siya na negatibo siya sa virus batay sa opisyal na resulta ng laboratory test.
Hindi naman tinukoy ng board member kung anong ospital ito kasabay nang paglilinaw na hindi niya ito kakasuhan.
Tila lumalim pa ang umanoy hidwaan ng kampo nina Pangulong Rodrigo Duterte at Senador Manny Pacquiao sa isyu nang isasabong na presidentiable ng ruling party PDP laban sa 2022 national election.
Kasunod na rin ito nang tila pag endorso ni senador Koko Pimentel kay Pacquiao na pangulo ng kanilang partido bagama’t dapat aniyang ideklara muna ng kapwa senador kung lalaban o hindi sa presidential elections.
Ayon kay Pimentel naniniwala siyang tatakbo sa presidential elections si pacquiao na aniya’y sinusuportahan ng ibat ibang sektor kung saan patunay ang pagkonsulta ng mga ito sa senador hinggil sa kanilang mga concern.
Kasabay nito binalikan ni Pimentel si Energy Secretary Alfonso Cusi, vice chairman ng partido sa aniya’y secret agenda nito at mga kasamahan dahil sa tila pagmamadali sa pagsusulong ng presidentiable at vice presidentiable ng ruling party nang hindi man lamang aniya isinasama si Pacquiao sa pagpa-plano.
Sinasabing nagmamarka ang mga pahayag ni Pimentel dahil ang ama nitong si yumaong dating Senador Aquilino Nene Pimentel ang founder ng ruling party.
Halos kalahati na ng populasyon ng Marikina City ang nabakunahan na kontra COVID-19.
Ayon ito kay Marikina City Mayor Marcelino Teodoro, na nagsabi ring tatagal na lamang ng limang araw ang supply nila ng bakuna.
Gayunman, sinabi sa DWIZ ni Teodoro na tiwala silang madadagdagan ang vaccine supply ng city government.
Mahigpit na isinusulong ng Department of Tourism ang Pilipinas bilang safe, fun and competitive destination sa kabila ng COVID-19 pandemic.
Kasunod na rin ito ng pagbagsak ng 61.2% ng kontribusyon ng turismo sa gdp ng bansa dahil sa pandemya bagamat nasa P2.51 trillion sa ekonomiya ng bansa nuong 2019.
Ayon sa DOT hindi lamang nalugi ang industriya ng turismo mula sa tourist arrivals kundi sobra sobra ring naapektuhan ng pandemya ang tourism workers.
Kaya tiniyak ng DOT ang paghahanap ng anumang paraan batay sa government restrictions para unti unting buhayin ang industriya ng turismo.
Patay ang isang lalaki matapos mang hostage ng limang taong gulang na bata sa San Rafael, Bulacan.
Ayon sa mga otoridad biglang pinasok ng suspek na armado ng baril ang bahay ng biktima na tinutukan nito at kaagad namang nakahingi ng tulong ang magulang nito.
Sinasabing sinubukan ng mga pulis na kausapin ang suspek subalit naging bayolente ito at pinaputukan pa ang mga otoridad dahilan kaya’t binalikan siya ng mga pulis at napatay.
Nakuha sa suspek ang isang baril at pakete ng hinihinalang shabu.
Ligtas naman ang bata na isinasailalim na sa post traumatic debriefing kasama ang kaniyang magulang.